Эзэкээл 20:13 - Библи

¹³ Харин Израилиин улад зон элһэн сүл губида Намда һөөргэдэбэ. Хуули ёһонуудыем, зарлигуудыем тэдэ сахибагүй. Субботын үдэрыем ехээр бузарлаба. Тиихэдэнь Би байһан газартань, элһэн губида, тэрэ дары Израилиин арад түмэниие үгы хэхэеэ һанабаб.

Эзэкээл 20:13 ပူးပေါင်းရင်းမြစ်များ

2 Хаан түрэнүүд 12:9

Теэд юундэ ши Минии үгэ тоонгүй, энэ муу юумэ хээбши? Хээт хүн Урияа гэгшые һэлмээр хюдааш, аммоонуудай һэлмээр усадхааш! Тэрэнэй һамгые өөрын һамган болгон абааш!

2 Угай бэшэг 30:7

Үбгэ эсэгэнэртнай болон арадайтнай заримашуул өөрынгөө Эзэн Бурханиие шүтэнгүй байгаа, тиихэдэнь Тэрэ олохонииень усадхаа. Энээниие таанад өөһэдөө хараат. Тэдээндэл адли бү байгты.

Нэхэмьяа 13:17

Би Иудын ноёд һайдые зэмэлбэб. Тиигээд би тэдэнэртэ иигэжэ хэлэбэб: – Таанад яахадаа иимэ муу ябадал гаргажа, субботын үдэрые бузарланабта?

Египедһээ гаралга 32:10

Уур хилэнсэгээ дээрэнь адхажа, тэдэниие һүнөөхэм, бү һаад хэ, харин шамайе агууехэ арадай эхи табиһан элинсэгынь болгохоб!

Египедһээ гаралга 32:8

Минии зааһан замһаа ямаршье түргэн тэдэ хадуурба гээшэб даа! Тэдэ өөһэдтөө тугалай хүрэг хээд, тэрээндэ мүргэжэ байнал. Тэдэ «Израиль, шамайе Египедһээ гаргаһан Бурханшни бэеэрээл!» гэлдэнэ.

Һургаал 1:25

Бүхы заабаринуудһаамни арсаат, шүүмжэлгэнүүдыемни шагнаагүйт.

Һургаал 13:13

Зарлиг шагнадаггүй хүн өөртөө хохидол асардаг. Зарлигһаа айдаг хүн шагналда хүртэнэ.

Исай 56:6

Эзэнэй арад түмэнтэй хамтаржа, Эзэндэ алба хэжэ, дурлажа, амаралтын үдэр нангинаар сахин, хэлсээгээ дүүргэгшэ хариин зон тушаа Эзэн иигэжэ айладхана:

Исай 63:10

Харин арад түмэниинь урдаһаань эсэргүүсэжэ, Тэрэнэй Арюун Һүлдые гомдохообо. Тиимэ ушарһаа Эзэн эрьен, тэдэнэй дайсан боложо, урдаһаань дайлаһан юм.

Ерэмияа 7:24

Гэбэшье тэдэ Минии үгэ дуулаагүй, анхаралаа хандуулаагүй, харин үсэд, муу сэдьхэлэйнгээ табисуураар ажаһуужа, өөһэдыгөө хойшо татаба.

Эзэкээл 20:11

Хуули ёһонуудаа, зарлигуудаа тэдээндэ дамжуулхадам, тэдэ яагаад ажаһуубал зүб гээшэб гэжэ мэдэдэг болобо.

Эзэкээл 20:14

Гэбэшье Израилиин улад зониие Египедһээ гарган абаашажа байһыем хараһан үндэһэ яһатадай урда Нэрэеэ гутаахагүйн тула Би тиимэ юумэ хээгүйб.

Эзэкээл 20:16

Юундэ тиигээбиб гэхэдэ, тэдэ Минии зарлигуудые, хуули ёһонуудыем дүүргээгүй, субботонуудыемни бузарлаа, хамаг сэдьхэл бодолоороо онгонуудта мүргэхэ гэжэ зүдхөө.

Эзэкээл 20:21

Теэд үхи хүүгэдынь мүн лэ Минии урдаһаа һөөргэдэбэ. Минии хуули ёһо, захиралтануудыем дүүргэхэеэ татагалзаба, субботын үдэрые сахингүй байба. Эдэ бүгэдые хэжэ байгаа гээшэ һаа, тэдэ амиды мэндэ байха һааб даа. Зай, тиигээд Би уурлан сухалдажа, тэдэниие элһэн сүл губида хюдаха гэжэ һанаа һэм.

Эзэкээл 20:24

Минии хуули ёһонуудые, захиралтануудые дүүргэдэггүй, субботын үдэрые сахидаггүй, үбгэ эсэгэнэрэйнгээ дархалһан онгонуудта мүргэдэг байһанайнь түлөө Би тэдээнтэй иимээр хандаха гэжэ һанаа һэм.

Эзэкээл 20:36

Египедэй хажуугаархи элһэн сүл губида таанадай үбгэ эсэгэнэрые хэһээһэндэл Би таанадые хэһээхэб.

Эзэкээл 20:8

Теэд тэдэ намда һөөргэдэжэ, үгыем дуулахаяа арсаба. Жэгшүүрилтэ муухай онгонуудта, Египедэй олон бурхадта тэдэ мүргэһөөр зандаа бэлэй. Уур сухал дундаа Би тэдэниие үшөө Египедтэ байхадань хэһээлтэ амасуулхаяа һанабаб.

Эзэкээл 22:8

Нангин газарнуудыем хүндэлнэгүйт, субботын үдэрые сахинагүйт.

Эзэкээл 23:38

Үшөө юу хээб гэхэдэ, Минии нангин үргөөе бузарлаа, субботын үдэрыем сахяагүй.

Левит 18:5

Минии тогтоол болон хуулинуудаар ябагты. Тэдэниие сахижа ябаһан хүн амиды ябаха. Би Эзэнби.

Левит 26:15

хэрбээ Минии тогтоол хуулинуудые үзэн ядаа һаатнай, хэрбээ зүрхэ сэдьхэлтнай Минии гаргаһан хуулида дураа гутаа һаань, Минии захяа заабари дүүргэхэеэ болёо һаатнай, Намтай хэлсээгээ эбдээ һаатнай,

Левит 26:43

Орхигдоһон газарынь хооһорхо. Минии гаргаһан хуули тогтоолдо дураа гутажа, үзэн ядаһандаа, хуулигүй болоһондоо тэдэ дайсадай газарта зобохо, тулиха.

Амоос 2:4

Эзэн иигэжэ айладхаа: Иудын улад зон гэмээ нэмээһээр. Шиидхэһэнээ Би болюулхагүйб. Һургаалыем буруушаажа, хуули ёһонуудыем сахяагүйнь түлөө, эсэгэнэрэйнь дагадаг онгонуудай замһаань тэдэниие хадууруулһанай түлөө

Тоололго 14:22

Минии алдар солые, дүлгэ тэмдэгүүдые Египедтэ ба элһэн сүл губида хараашье һаа, Минии айладаһан захяа үгэнүүдые дуулаагүй, арба дахин Минии тэсэбэриие шалгаһан тэдэ бултадаа

Тоололго 14:29

Хамтын тоо бүридхэлдэ ороһон Минии арадай хоринһоо дээшэ наһатайшуул энэ сүл губида булта хосорхо. Ушар юуб гэхэдэ, Намда уурлажа, дураа гутан гэмэрэлдээт.

Тоололго 16:45

– Эдэ хүнүүдһээ таанад холо бологты. Энэ дары эдэниие үгы хэхэм! Моисей Аһароон хоёр нюураараа газар дэрлэн, Эзэндэ һүгэдэн зальбарбад.

Тоололго 26:25

Эдэ бүгэдэ Иссахаарай обогой урагууд байгаа. Тэдэнэй бүхы эрэшүүл 64 300 хүн болобо.

Римэйхиндэ 10:5

Хуули сахин үнэн сэдьхэлтэй болохо тухай: «Хуулиин зүйл бүхэнииел сахижа ябаһан хүн амиды ябаха», – гэжэ Моисей бэшээ.

Хуули дабталга 31:27

Зоной үсэдые, өөрынхиеэ табихаяа һанадаггүйе мэдэнэб. Минии бүхы наһанай үргэлжэлдэ тэдэ Эзэндэ үсэрхэжэ байна. Гээгдэһэнэйм удаа бүри үсэд болохо юм бэшэ гү?

Хуули дабталга 9:7

Элһэн сүл губида Эзэн Бурханаа сухалдуулһанаа оройдоошье бү мартагты. Египедэй газар дайдаһаа гараһан үдэрһөө хойшо энэ газарта ерэтэрээ Эзэндэ таанад эсэргүүсээт.

Хуули дабталга 9:8

Хорээб хадын хажууда Эзэниие сухалдуулхадатнай, Тэрэ таанадые хюдан алдатараа уурлаа бэлэй.

Фессалоникиинхидтэ 1-дэхи 4:8

Тиимэһээ энэ һургаал буруушааһан хүн болбол хүниие буруушаана бэшэ, харин таанадта Арюун Һүлдэеэ үршөөжэ байгаа Бурханиие буруушаана.

1 Хаан түрэнүүд 8:8

Минии тэдэниие Египедһээ гаргаһан үдэрһөө хойшо мүнөө болотор тэдэ Намайе орхин, ондоо бурхадта алба хэһэндэл адляар тэдэ мүн лэ шамда иимэ юумэ хэжэ байна.