Эзэкээл 18:7 - Библи

⁷ Хэнииешье дарладаггүй, бариса гэжэ абаһан юумэеэ бусаадаг, дээрмэшэлгэ, тонуул хэдэггүй, үлэн хооһон хүнтэй эдеэ хоолоороо хубаалдадаг, нюсэгэн хүндэ хубсаһа үгэдэг.

Эзэкээл 18:7 ပူးပေါင်းရင်းမြစ်များ

Нэхэмьяа 5:10

Би өөрөө, мүн минии түрэл гаралнууд, зарамалнууд бултадаа мүнгэ, орооһо таряа зээлеэр үгэнэбди. Зүгөөр иимэ ябадалаар баяжахаяа болиёл!

Иоов 22:6

Зээли абаха гэһэн хүнһөө барисаагаар мүнгэ эдижэ, хүнүүдые нюсэгэлдэг бэлэйш.

Иоов 24:3

Үншэн хүүгэдэй ганса элжэгые хайрлаха сэдьхэлгүй буляан абаашана. Бэлбэһэн эхэнэрэй зээли гуйхада, ганса үнеэень барисаанда абана.

Иоов 24:9

Бэлбэһэн эхэнэрэй үритэй болоходонь, хүхөөр хүүгэдыень һалган абажа, богоол болгодог гэмтэн байдаг. Зээлеэр гуйһан ядуу хүнһөө хэтэрмэ ехэ барисаа эридэг.

Псалманууд 112:4

Эзэн бүхы үндэһэтэд дээгүүр, алдар солонь тэнгэри дээгүүр.

Псалманууд 112:9

Тэрэ хүүгэдгүй эхэнэрые хүүгэдтэй жаргалтай эхэ болгон гэртэнь ажаһуулгана. Эзэндэ магтаал үргэгты!

Псалманууд 41:1

[Дуунай бүлэгэй хүтэлбэрилэгшэдэ: Коорахай уг удамай ирагуу үгэнүүд.]

Египедһээ гаралга 22:25

Би уурлажа, һэлмэ жадаар таанадые хадхажа алахаб! Танай һамгад эрэгүй, хүүгэдтнай үншэд болохол.

Египедһээ гаралга 22:26

Минии арад соо үгытэй хүндэ мүнгэ урьһалаа һаа, мүнгэ түрүүлэгшэ шэнги түрэсэ эрижэ бү бай.

Египедһээ гаралга 23:9

Ерүүл зониие бү харшала. Ерүүл зоной байдал өөһэдөө мэдэнэ ха юмта – Египедтэ байһанаа бү мартагты.

Һургаал 14:31

Үгытэйшүүлые дарладаг хүн Бүтээгшые буруушаана, гуйраншаниие хайрлаха сэдьхэл Бүтээгшын нэрэ хүндэ үргэнэ.

Һургаал 28:27

Ядуушуулда үгэдэг хүн юугээршье дутахагүй. Ядуушуулһаа нюдөө далтируулдаг хүндэ хүртэхэ хараалынь олошорхо.

Һургаал 28:8

Мүнгэ зээлилэн баялигаа арбижуулагша ядуушуулда энэрхыгээр хандадаг хүнэй түлөө мүнгэ нөөсэлдэг.

Һургаал 3:31

Хүсэрхэдэг хүнтэй адли бү боло, тэрэнэй зам бү шэлэ.

Исай 1:17

Һайн хэрэгүүдые хэжэ һурагты. Үнэн зүбөөр хэрэг ябуулагты: дарлалта доро байгаашада туһалагты, үншэн хэнзые аршалагты, бэлбэһэн эхэнэрые үмэглэгты».

Исай 33:15

Зүб шударга ябажа, үнэн сэхые хэлэгшэд, дарлалта доро байһан зонһоо мэхээр эдилгэ абахаһаа зайсагшад, улаан шуһа урдахуулхаяа гү, али үшөөшье ондоо муу хэрэг хэхэеэ байгааша зонһоо холодон ябаашад амиды мэндэ үлэхэл.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Ерэмияа 22:3

– Би, Эзэн, үнэн зүбөөр хэрэгүүдые шиидхэхыетнай захирнаб. Хүн зониие дарлагшадһаань аршалагты. Ерүүл хүндэ, үншэн хэнзэдэ, мүн бэлбэһэн эхэнэртэ муугаар бү хандагты, бү харшалагты. Энэ нангин газарта гэм зэмэгүй зониие алажа бү байгты.

Эзэкээл 16:49

Содом дүүшни басагадтаяа хамта дээрэлхүү зантай, элбэг дэлбэг эдеэ хоолтой, амгалан тайбан байдалтай байһан аад, ядуу байдалтай, үгытэйшүүлдэ туһалдаггүй һэн.

Эзэкээл 18:12

ядуу, үгытэй зониие дарладаг, зонһоо юумыень буляадаг, бариса гэжэ абаһан юумэеэ бусаадаггүй, онгонуудта мүргэдэг, жэгшүүрилтэ муухай юумэ хэдэг,

Эзэкээл 18:16

хүниие дарладаггүй, барисаанай юумэ абадаггүй, дээрмэдэдэггүй, үлэсхэлэн хүнтэй эдеэ хоолоороо хубаалдадаг, нюсэгэн хүниие хубсалуулдаг,

Эзэкээл 18:18

Эсэгэнь хүниие угаа ехээр дарлажа, дээрмэшэлжэ, бүхы зондо муу юумэ хэжэ байһанайнгаа түлөө, юрэдөө, өөрынгөөл гэм зэмэй түлөө үхэхэ.

Эзэкээл 33:15

Жэшээнь, бариса гэжэ абаһан, үгышье һаа, тоноһон юумэ бусаажа, муу хэрэг үйлэдэнгүй, Минии хуулинуудые сахин байгаа гээшэ һаа, тэрэ амиды мэндэ үлэхэ.

Эзэкээл 7:23

Газар дэлхэй алалсаан хюдалсаанаар дүүрэнхэй, хотонууд хүсэрхэлөөр халинхай, юрэдөө, бүхы юумэн эхи-эмхигүй болоо.

Даниил 4:27

– Энэл даа, агууехэ Вавилоон, – гээд хаан үгүүлбэ. – Өөрын хүсэ шадалаар, алдар солын болон нэрэ хүндын тула би энэ хаанта хото байгуулааб.

Левит 19:13

Хажуудахи хүнөө бү гомодхоо, юумэ бү тоно. Зараһан хүнэйнгөө түлбэри үглөөдэр болотор бү удааруула.

Левит 19:15

Зарга шүүбэридэ ороходоо, худалаар бү хэлэгты. Үгытэй хүнэй нюур бү сахигты. Ехэ хүндэ бү һүгэдэгты. Хажуудахи хүнэйнгөө үйлэ хэрэг үнэн сэхээр шүүбэрилэгты.

Левит 25:14

Хэрбээ дүтынгөө хүндэ юумэ худалдаа һаа, үгышье һаа, дүтынгөө хүнһөө юумэ худалдажа абаа һаа, бэе бэеэ бү мэхэлэгты.

Амоос 2:6

Эзэн иигэжэ айладхаа: Израилиин улад зон гэмээ нэмээһээр. Шиидхэһэнээ Би болюулхагүйб! Гэмгүй хүниие мүнгөөр, үгырһэн нэгэниие нэгэ паар шаахайгаар худалдажа байгаал!

Амоос 2:8

Үри шэриинь түлөө бариса боложо абтаһан хубсаһан дээрэ үргэлэй шэрээгэй дэргэдэ хэбтэжэ, бурхадайнгаа гэртэ тэдэ торгуулагдаһан нэгэнэй үзэмэй дараһан архи уужа байнал!

Амоос 3:10

Үнэн зүбөөр яажа ажаһуухые тэдэ мэдэдэггүй, хэрэмүүд соогоо гансал хүсэрхэл, дээрмэшэлгээр баялиг суглуулаа! – гэжэ Эзэн айладхана.

Амоос 6:3

Гай гасалангай үдэр холодуулан, болзорынь хойшо татан байха һанаатайт. Теэд гансал хүсэрхэл мандахые ойртуулнат.

Михей 2:1

Орондоо хэбтээд, муу муухай юумэ түсэблэн байгаашад ямар жэгшүүритэйб! Үүрэй сайхада түсэблөөшэ юумэеэ тэдэ хэжэ эхилнэ, юуб гэбэл, энээниие хэхээр тэдэ хүсэтэй.

Михей 3:2

Теэд таанар һайн юумэ үзэн ядадагта, муу муухайда дуратайт. Минии арад зоной арһа хуулажа, яһанһаань мяхыень һалгаанат.

Цэпаанияа 1:9

Шүтээн онгонуудта мүргэгшэдые бултыень, Минии нангин үргөө хулгайлһан, дээрмэшэлһэн олзоороо дүүргэгшэдые усадхахаб.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Лука 3:11

– Хоёр самсатай хүн нэгыень самсагүй хүндэ үгэг, эдихэ, ууха юумэтэй хүн бусадтай хубаалдаг, – гэжэ тэрэ харюусаба.

Хуули дабталга 24:17

Ерүүл хүниие, үншэн хэнзые гажа буруу бү шүүбэрилэ. Зээлеэр абаһан юумэнэйнь түлөө барюулга болгон бэлбэһэн эхэнэрэй хубсаһа бү аба.