Эзэкээл 18:30 - Библи

³⁰ Би, Эзэн Бурхан, таанадай хүн бүхэниие хэһэн хэмээрнь шүүхэб! Нүгэлнүүдэйтнай таанадые хосороохогүйн тула муу хэрэгүүдые хэхэеэ болигты, нүгэлөө наманшалагты.

Эзэкээл 18:30 ပူးပေါင်းရင်းမြစ်များ

Эзраа 10:11

Мүнөө Эзэнэйнгээ урда, эсэгэнэрэйнгээ Бурханай урда, гэмээ наманшалагты, Тэрэнэй хүсэл бэелүүлэгты, ондоо газарай зонһоо, буса түрэлтэ һамгадһаа өөрыгөө холодуулагты!

Экклезиаст 12:14

Бурхан нюусашье һаань, бүхы юумэ, һайтайнь муутайнь шүүжэ харадаг.

Экклезиаст 3:17

«Шударга сэхэ хүниие ба гэмтэй нүгэлтэниие Бурхан лэ шүүжэ харана» гэжэ би өөртөө хэлээб, ушарынь хадаа бүхы юумэндэ саг үйлэ гэжэ байха.

Исай 21:12

Манааша харюусана: «Үглөө боложо байна, гэбэшье һүни хүсэд дууһаагүй! Та дахин асуухаяа һанабал, асуугаарайт. Дахин ерээрэйт».

Исай 59:20

Эзэн иигэжэ айладхана: «Сионой зондо болон муу муухайһаа зайлагша Яковай үринэртэ Абарагша заларха.

Ерэмияа 25:5

Эзэнэй та бүгэдэндэ болон үбгэ эсэгэнэртэтнай хэтэ мүнхэдөө үгэһэн газар нютагта саашадаашье ажаһуухынтнай тула ажабайдалай муу замһаа, хэдэг бузар муухай үйлэ хэрэгүүдһээ таанадай буруу харан ошохо тухай тэдэ хэлээ һэн.

Ерэмияа 3:22

Эзэнһээ буруу хараһан таанад, бусажа ерэгты. Тэрэ таанадые эмшэлжэ, үнэн сэхэ болгохо. Таанад хэлээ бэлэйт: – Харагты, Эзэндэ бидэ эрьехэмнай. Тэрэ манай Бурхан.

Ерэмияа 35:15

Мүн Би таанадта албатан лүндэншэдээ хэдэн дахин эльгээгээб, танай муу замаа орхижо, зүбөөр ажаһуудаг болохо тухай тэдэ хэлээ. Таанадта болон үбгэ эсэгэнэртэтнай үгэһэн газар дайдадам та бүгэдын саг үргэлжэ ажаһуухын тула ондоо бурхадта мүргэхэгүй, зальбархагүй тухай тэдэ таанадта хэлэн һэргылээ. Теэд таанад үгыень дуулаагүйт, Намайе анхараагүйт.

Эзэкээл 14:6

Тиимэһээ мүнөө Минии, Эзэн Бурханай, иигэжэ тунхаглаһые тэдээндэ дуулгагты: гэмээ наманшалагты, жэгшүүритэй муухай онгонуудаа орхигты.

Эзэкээл 18:21

Хэрбээ муу хүн нүгэл хэхэеэ болижо, Минии бүхы хуулинуудые сахидаг, үнэн зүбые, сэбэр сэхые үйлэдэдэг болоо гээшэ һаа, амиды мэндэ үлэхэ, үхэхэгүй.

Эзэкээл 18:29

Энээнэй һүүлээршье таанад Намайе зүб бэшэ гээд зэмэлнэт. Израилиин улад зон, таанад өөһэдөө буруут!

Эзэкээл 24:14

Тэрэ саг ерэнэл аабза. Тиихэдэнь Би хэһээлтэеэ болюулжа гү, али Иерусалимай улад зониие хайрлажа, энэрэл үзүүлжэ байхагүйб. Хэһэн хэрэгэйнгээ хэмээр тэдэ хэһээгдэхэ ёһотой. Энэ болбол Би, Эзэн Бурхан, айладхана мүн!

Эзэкээл 33:11

Би амиды мэндэ Эзэн Бурхамби, нүгэлтэй зоной хосорхые хүсэнэ бэшэб, муу ябадалаа орхижо, амиды мэндэ байхыень хүсэнэб. Израилиин улад зон амиды мэндэ байхаяа хүсэбэл, нүгэл хэхэеэ болёод, Нам руу эрьехэ ёһотой.

Эзэкээл 33:20

Израилиин улад зон Намайе буруу гэжэ тооложо байна. Хэһэн хэрэгэйнь хэмээр тэдэниие шүүбэрилхэб!

Эзэкээл 33:9

Харин һэргылхэдэш, тэрэ нүгэл үйлэдэһэн зандаа байгаа гээшэ һаа, өөрынгөө хэһэн нүгэлэй түлөө хосорхо. Ши зэмэгүйдэ тоологдохош.

Эзэкээл 34:20

Мүнөө хадаа Би, Эзэн Бурхан, тэнхээ тамиргүй хони хүсэ шадалтай хонидһоо илгахаб.

Эзэкээл 36:19

арадуудай дундуур тараагааб. Өөһэдынь хэһэн хэрэгүүдэй хэмээр хэһээгээб.

Эзэкээл 43:9

Харин онгонуудта мүргэхэеэ, үхэһэн хаашуулдаа хүшөөнүүдые барихаяа болёо һаань, Би тэдэнэй дунда хэтэ мүнхэдөө оршохоб.

Эзэкээл 7:27

Хаан гашуудан уйдан байха, тайжа айн һүрдэхэ, зон айн шэшэрэлдэхэ. Хэһэн үйлэ хэрэгүүдэйтнай хэмээр таанадые хэһээхэб, ондоо зониие яагаад шүүдэг һэмта, тон тиимээр таанадые шүүхэб. Тиигэжэ таанад Намайе Эзэн гээд ойлгохот.

Эзэкээл 7:3

Израилиин арад түмэн, шинии хосорхо сагшни ерээ. Хэһэн хэрэгүүдыешни, жэгшүүрилтэ муу муухай ябадалайшни түлөө Би шамайе шүүхэб, тиихэдэм ши Минии уур хилэнгые мэдэрхэш.

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Һошээ 12:6

Тиимэһээ ши Бурхандаа буса. Үнэн сэхэ, шударга бай, Бурхандаа хододоо найда!

Захарияа 1:4

«Нүгэлтэ харгыһаа, хилэнсэгтэ үйлэ хэрэгүүдһээ зайлагты», – гэжэ урданай лүндэншэд таанарай үбгэ эсэгэнэртэ хэлэдэг байгаашье һаань, тэдэ Намайе дуулаагүй, үгыем анхараагүй. Тиимэрхүү үбгэ эсэгэнэртээ адляар бү байгты гэжэ Түмэн Сэрэгтэ Эзэн айладажа байна.

Малаахи 3:18

Тиихэдэ таанар дахяад Намда ерэхэт, һайн муугай, зүб буруугай хоорондохи илгаа, Бурханда һүгэдэдэг үнэн шударга хүнэй ба нүгэл үйлэдэгшын хоорондохи илгаа ойлгохот.

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь хэмээр хүн бүхэниие шиидхэхэл.

Матвей 25:32

Бүхы арадуудые Тэрэнэй урда суглуулха. Тиихэдэнь хонишоной хонидые ямаануудһаа илгадагтал адляар Тэрэ хүнүүдые бэе бэеһээнь илгажа, хоёр бүлэг болгожо хубааха.

Матвей 3:2

– Бурханай хаан түрэ һаяар мандахань, тиимэһээ нүгэл үйлэдэхэеэ болёод, Бурханда хандагты.

Матвей 3:8

Таанар буянтай һайн юумэ бүтээжэ, Бурханда хандаһанаа харуулагты.

Лука 13:3

Тиимэ бэшэ даа! Харин таанад Бурханда хандан, эрид хубилаагүй һаа, бултадаа тэдээн шэнгеэр хосорхот гэжэ мэдэгты!

Лука 13:5

Тиимэ бэшэ даа! Теэд хэрбээ таанад Бурханда хандан, эрид хубилаагүй һаа, булта эгээл тиигэжэ хосорхот!

Хэрэгүүд 26:20

түрүүн Дамааскынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, тэрэнээ бодото хэрэгүүдээрээ баталжа, Бурханда хандагты гэжэ уряалааб.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.

Яковай хандалга 1:15

Харата хүсэлэнгүүднай бүрилдэһөөр нүгэл түрүүлнэ, харин нүгэлнай ехэ боложо халихадаа, үхэл түрүүлнэ.

Пётрой 1-дэхи хандалга 1:17

Нюур харангүй, бүхы хүнүүдые хэһэн хэрэгүүдэйнь хэмжээгээр шүүбэрилдэг Бурханиие таанад Эсэгэмнай гэжэ нэрлэнэт, тиимэһээ эндэ, энэ дэлхэйдэ байха үдэрнүүдээ Тэрээндэ һүгэдэн үнгэргыт даа.

Гэршэлгэ 2:16

Нүгэл хэхэеэ болигты! Тиигээгүй һаатнай, удангүй таанадта ерээд, аманһаамни гарагша эритэ һэлмээр николаидуудай һургаал баримталагшадтай тэмсэхэб.

Гэршэлгэ 2:5

Хаанаһаа бууһанаа һанажа, нүгэл хэхэеэ болиит, анханайнгаа хэрэгүүдые бүтээгыт. Нүгэл хэхэеэ болёогүй һаатнай, ерээд, танай дэнгые абаад ябашахаб.

Гэршэлгэ 20:12

Үхөөшэдые, багашуулые, ехэшүүлые хаан шэрээгэй урда зогсожо байхыень би харабаб. Номууд нээлгээтэй байба. Удаань баһа нэгэ ном – амидаралай ном дэлгэгдэбэ. Үхөөшэд тэдэнэй өөһэдынь үйлэ хэрэгэй ёһоор, мүн номуудта бэшээтэй байһан ёһоор шиидхүүлээ.

Гэршэлгэ 22:12

«Иигээд Би һаядаа ерэхэб! Хүн болгониие хэһэн хэрэгэйнь зэргээр шагнаха, хэһээхын тула шагналаа, хэһээлтэеэ Өөртөө абажа ябанаб.