27 Харин муу зон һайн хэрэг үйлэдэжэ эхилбэл, абарагдаха.
Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.
Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.
Минии дайрангүй орхихоёо һанаһан арюун сэбэр ябадалтай зондо таанад һаад хэнэт. Харин муу муухай ябадалтай зониие муу ябадалтай зандаа үлэхэдэнь урмашуулжа, дэмжэжэ байнат.
Хэрбээ муу хүн нүгэл хэхэеэ болижо, Минии бүхы хуулинуудые сахидаг, үнэн зүбые, сэбэр сэхые үйлэдэдэг болоо гээшэ һаа, амиды мэндэ үлэхэ, үхэхэгүй.
Һайн хүн һайе үйлэдэхэеэ болижо, мууе хэжэ эхилээ һаа, өөрынгөө гэм зэмэй түлөө хосорхо.
Муу хэрэг хэһэнээ тэрэ ойлгожо, тэрээнһээ зайсажа, амиды мэндэ үлэхэ, хосорхогүй.
Муу хэрэг үйлэдэгшэдэ «үхэхэш» гэжэ айладхахадам, тэрэ нүгэл хэхэеэ болижо, һайн, үнэн юумэ үйлэдэжэ эхилбэ гэел даа.
Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.
Мүн ондоошье олон үгэнүүдээр Пётр тэдэниие һэргылэн идхаба: – Энэ забхай ябадалтан дээрэ бууха Бурханай хэһээлтэһээ яажа бэеэ абархаяа бодогты.
Би еврейнүүдыешье, ондоо яһатанииешье нүгэл хэхэеэ болижо, Бурханда хандахыень, манай Эзэн Иисүүстэ этигэхыень гуйдаг бэлэйб.
түрүүн Дамааскынхидтэ, һүүлдэнь Иерусалимай зондо, удаань бүхы Иудейн орон нютагайхинда, һүүлэй һүүлдэ бусад яһатанда нүгэл хэхэеэ болигты, тэрэнээ бодото хэрэгүүдээрээ баталжа, Бурханда хандагты гэжэ уряалааб.
Нүгэл шэбэлээ Бурханаар хүлисүүлхэ гэбэл, таанад нүгэл хэхэеэ болижо, Бурханда хандагты.
Ажабайдалдаа, һургажа байһан юумэндээ анхаралаа хандуула. Тиигэжэ байбал, ши өөрыгөөшье, өөрынгөө шагнагшадыешье абархаш.
