Эзэкээл 18:20 - Библи

²⁰ Хэн нэгэн нүгэл хэбэл, үхэхэ, харин хүүгэдынь эхэ, эсэгынгээ гэм зэмые амасахагүй, эхэ, эсэгэ хүүгэдэйнгээ түлөө хэһээгдэхэгүй. Һайн хүнэй һайн хэрэгынь өөртэнь туһалха, муу хүнэй муу хэрэгынь өөрыень тушаха.

Эзэкээл 18:20 ပူးပေါင်းရင်းမြစ်များ

3 Хаан түрэнүүд 14:13

Израильшууд бултадаа тэрэнэй хойноһоо гашуудаха, хүдөөлүүлхэ, юуб гэбэл, Израилиин Эзэн Бурхан Еробоһаамай гэр бүлэһөө тэрээндэл тааламжатай һайн зүйл оложо, Еробоһаамай гэр бүлэһөө гансал тэрэ зүб гуримаар хүдөөлүүлэгдэхэ.

3 Хаан түрэнүүд 8:32

Та огторгойһоо энээнииень дуулажа, богоолнуудайнгаа зарга хэрэг шиидхэжэ, гэмтэниие элирүүлжэ, гэмынь амасуулыт, харин гэмгүй хүниие сагааруулан аршалыт!

4 Хаан түрэнүүд 14:6

Гэбэшье, тэрэ алууршадай хүбүүдые саазалбагүй. Ушар юуб гэхэдэ, Моисейн Хуули соо Эзэн иимэ захяа заабари үгэнэ: «Үхибүүдэйнь хэһэн гэмтэ ябадалай түлөө эсэгэнэрынь, эсэгэнэрэйнь хэһэн гэмтэ ябадалай түлөө үхибүүдынь саазалжа болохогүй. Харин өөрын хэһэн гэмтэ ябадалайл түлөө хүн үхэлэй саазада хүртэхэ зэргэтэй».

2 Угай бэшэг 25:4

Гэбэшье тэрэ тэдэнэй хүбүүдые саазалбагүй. Ушар юуб гэхэдэ, Моисейн Хуули соо Эзэн иимэ захяа заабари үгэнэ: «Үхибүүдэйнь хэһэн гэмтэ ябадалай түлөө эсэгэнэрынь, эсэгэнэрэйнь хэһэн гэмтэ ябадалай түлөө үхибүүдынь саазалжа болохогүй. Харин өөрын хэһэн гэмтэ ябадалайл түлөө хүн үхэлэй саазада хүртэхэ зэргэтэй».

2 Угай бэшэг 6:23

Та огторгойһоо энээнииень дуулажа, богоолнуудайнгаа зарга хэрэг шиидхэжэ, гэмтэниие элирүүлжэ, гэмынь амасуулыт, харин гэмгүй хүниие сагааруулан аршалыт!

2 Угай бэшэг 6:30

Оршодог газар – огторгойн уудамһаа тэдэнэй гуйлта дуулажа, тэдэниие хүлисэжэ, хэһэн хэрэгэйнь хэмээр хүн бүхэндэ хэһээлтыень амсуулжа, ашыень харюулыт. Хүнэй зүрхэ сэдьхэлдэ юун байһые гансал Та мэдэнэ ха юмта.

Египедһээ гаралга 32:33

Эзэн харюу үгэбэ: – Намда эсэргүүсэн, нүгэл хэһэн хүнүүдые Өөрын Ном сооһоо баллахаб.

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Эзэкээл 14:14

Ной, Даниил, Иоов гэдэг гурбан хүнэй тэндэ ажаһуугаашье һаань, зүб арюун ябадалынь гансал өөһэдыень абарха. Энэ болбол Би, Эзэн Бурхан, айладхана мүн!

Эзэкээл 14:16

Тэндэ тэдэ гурбан хүн ажаһуугаашье хадаа, гансал өөһэдынгөө ами наһа абарха, үхи хүүгэдээшье абаржа шадахагүй, орон нютаг зэлүүд хооһон болохо. Минии амиды мүн байһантайл адляар иимэ юумэн болохо гэжэ Би баталнаб!

Эзэкээл 18:13

мүнгэ түрүүлдэг. Иимэ хүбүүн амиды мэндэ байха аал? Үгы! Иимэ жэгшүүритэй муухай юумэ хэһэндээ тэрэ заабол хосорхо. Өөрөөл үхэлдөө зэмэтэй гээшэ.

Эзэкээл 18:30

Би, Эзэн Бурхан, таанадай хүн бүхэниие хэһэн хэмээрнь шүүхэб! Нүгэлнүүдэйтнай таанадые хосороохогүйн тула муу хэрэгүүдые хэхэеэ болигты, нүгэлөө наманшалагты.

Эзэкээл 18:4

Хүн бүхэнэй – эхэ, эсэгын, үхибүүнэйнь – ами наһан Минии мэдэлэй. Нүгэл үйлэдэгшэ хэн нэгэн өөрынгөөл хэһэнэй түлөө хосорхо.

Эзэкээл 33:10

Хүнэй үри Эзэкээл, нүгэлэйнгөө түлөө угаа ехээр хэһээгдээбди гэжэ Израилиин улад зон гомдоно. Тэдэ саашадаа амиды мэндэ байхамнай хэлсээтэй гээд маргана.

Эзэкээл 33:6

Харин тэрэ харуулшан дайсанай дүтэлжэ байһые хараашье һаа, улад зониие һэргылэн бүреэгээр үлеэбэгүй гэел даа. Дайсанай ерэжэ, нүгэлтэй зонииень алахада, тэдэнэй хосорһондо харуулшан лэ зэмэтэй гээд Би тоолохоб.

Эзэкээл 4:4

Тиигээд ши зүүн таладаа хэбтэжэ, Израилиин арад зоной гэм зэмые өөр дээрээ даажа хэбтэхэш.

Левит 10:17

– Таанад нүгэл сагааруулгын үргэлые арюун нангин газарта юундэ эдеэгүйбта? Энэ хадаа аргагүй ехэ нангинай нангин зүйл гээшэ. Тиигээд энэ арад зоной нүгэл даажа, тэрэ нүгэлыень Эзэнэй үмэнэ сагааруулхынтнай түлөө танда үгтэһэн гээшэ!

Левит 16:22

Тэрэ тэхэ хүнэй бүхы хуули буса ябадалнуудыень бэедээ шэнгээгээд, амитан зоной ябашагүй газар руу абаашаха. Тиигээд тэрэ тэхэ сүл губи руу табигдаха ёһотой.

Левит 19:8

Хэн гурбадахи үдэрэй үргэлһөө эдижэ захалааб, тэрэ хүн нүгэлтэй, Эзэнэй нангин шүтөөн бузарлаба гээшэ, ами наһаяа хосороохонь гээшэ.

Левит 5:1

Хэрбээ али нэгэн ямар нэгэ үйлын гэршэ байһан, хараһан, мэдэһэн байжа, «дуулгаагүй һаа, хараалда хүртэхэт» гэжэ гэршэнэрые зарга шүүхэдэ дуудахые дуулаашье һаа, дуулгаагүй бол, нүгэлдэ хүртэхэ.

Левит 5:17

Юумэ мэдэхэгүй дээрэһээ Эзэнэй зарлигуудые эбдэжэ, хэхэгүй юумэ хэбэл, тэрэ хүн гэмтэй, нүгэлтэй болохо.

Тоололго 15:31

Эзэнэй үгэ дууладаггүй, захяа заабаринуудыень эбдэдэг али нэгэ хүн арадайнгаа дундаһаа сүлүүлхэ ёһотой. Зэмэтэ ябадалайнгаа түлөө тэрэ өөрөөл харюусаха.

Тоололго 18:1

Эзэн Аһароондо иигэжэ айладаба: – Ши, шинии үринэр, бүхы хотон бүлэтнай майхан һүмэдэ эсэргүү элдэб гэмэй түлөө харюусахат. Ши, мүн шинии үринэр санаартанай алба ябуулхада алдуу эндүү гарабал, мүн лэ харюусалгада татагдахат.

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь хэмээр хүн бүхэниие шиидхэхэл.

Хуули дабталга 24:16

Үхибүүдэйнь хэһэн гэмтэ ябадалай түлөө эсэгэнэрынь, эсэгэнэрэйнь хэһэн гэмтэ ябадалай түлөө үхибүүдынь саазалжа болохогүй. Харин өөрын хэһэн гэмтэ ябадалайл түлөө хүн үхэлэй саазада хүртэхэ зэргэтэй.

Еврейнүүдтэ 9:28

Тон тиигэжэл Христоос олон зоной нүгэлнүүдые хүлисүүлхээр Өөрыгөө нэгэтэ үргэл болгон асараа. Тэрэ хоёрдохиёо нүгэлнүүдые арилгахаяа бэшэ, харин Тэрэниие хүлеэжэ байһан зониие абархаяа ерэхэ.

Пётрой 1-дэхи хандалга 2:24

Бидэнэй нүгэл шэбэлһээ зайсажа, үнэн зүбөөр амидархымнай тула Иисүүс Өөр дээрээ нүгэл шэбэлыемнай даажа абаа, модон дээрэ үргэгдөө: Тэрэнэй шархаар таанад аршалагдан эдэгээт.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.

Гэршэлгэ 20:12

Үхөөшэдые, багашуулые, ехэшүүлые хаан шэрээгэй урда зогсожо байхыень би харабаб. Номууд нээлгээтэй байба. Удаань баһа нэгэ ном – амидаралай ном дэлгэгдэбэ. Үхөөшэд тэдэнэй өөһэдынь үйлэ хэрэгэй ёһоор, мүн номуудта бэшээтэй байһан ёһоор шиидхүүлээ.