Эзэкээл 17:21 - Библи

²¹ Эрхим сэрэгынь байлдаанда алдалан унаха, амиды мэндэ үлөөшэдынь найман зүгөөр тараагдаха. Тиихэдэ Минии, Эзэнэй, айладхал ойлгохот.

Эзэкээл 17:21 ပူးပေါင်းရင်းမြစ်များ

4 Хаан түрэнүүд 25:11

Хото соо үлөөшэ зониие, урбалта хэжэ Вавилооной тала баримталагшадтай хамта хаанай харуулай дарга Набузарадаан Вавилоон руу абаашаба.

4 Хаан түрэнүүд 25:5

Теэд Вавилооной сэрэг Цэдэкиия хаанай хойноһоо мүшхэн ябажа, Ерихооной талада тэрэниие хүсэжэ бариба. Цэдэкииягай сэрэгшэд бултадаа хаанаа орхижо тэрьедэбэ.

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Ерэмияа 48:44

Айжа тэрьедэһэн хэн нэгэн нүхэн руу унаха, нүхэнһөө гараашье һаа, тэрэ зангада баригдаха. Юуб гэбэл, Эзэн Моһаабай һандаргагдаха саг тодорхойлоо.

Ерэмияа 52:8

Теэд Вавилооной сэрэг Цэдэкиия хаанай хойноһоо мүшхэн ябажа, Ерихооной талада тэрэниие хүсэжэ бариба. Цэдэкииягай сэрэгшэд бултадаа хаанаа орхижо тэрьедэбэ.

Эзэкээл 12:14

Тэрэниие хүреэлэгшэ түшэмэлнүүдые, зүбшэгшэдыень, бэеынь хамгаалдаг сэрэгшэдые найман зүгөөр сасан тараахаб. Тиигээд тэдэниие алахаяа зон бэдэрхэ.

Эзэкээл 13:14

Таанадай будаһан ханые унагаахаб, тиихэдэмни байрань харагдаха. Тэрээнтэй хамта таанадшье хосорхот. Тиихэдээ Намайе Эзэн гэжэ мэдэхэт.

Эзэкээл 13:23

Тиимэһээ таанадай худал үзэл үзэхые, худалаар уридшалан юумэ мэдэхые Би болюулхаб. Таанадай һабарһаа арад зоноо абархаб. Иигэжэ Намайе Эзэн гээд мэдэрхэт».

Эзэкээл 15:7

Хэһээхэб тэдэниие. Нэгэ гал дүлэнһөө гарахадаа, тэдэ нүгөө гал дүлэн руу орожо шатаагдаха. Минии тэдэниие хэһээжэ эхилхэдэ таанад Намайе Эзэн гээд мэдэхэт.

Эзэкээл 5:10

Тиигэжэ Иерусалим соо эсэгэнэр хүүгэдээ эдихэ, хүүгэдынь гэртэхинээ эдихэ. Би таанадые хэһээжэ, амиды үлөөшэ зонииетнай найман зүгөөр тараан сасахаб.

Эзэкээл 5:12

Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

Эзэкээл 5:13

Иигэжэ уурайнгаа таратар тэдэниие хэһээхэб. Тиихэдэм Минии, Эзэн Бурханай, таанадтай хөөрэлдэһые ойлгохот.

Эзэкээл 5:2

Шинии зураглажа харуулһан бүһэлэлтын дууһахада хотын дунда нэгэ хуби үһые шатаа. Нүгөө хубииень хотые тойруулан ябажа, һэлмээр сабша. Үлөөшэ хубиие һалхинда хиидхүүлэ, Би һэлмэ һугалан, Иерусалим хотынхидые дахан мүрдэхэб.

Эзэкээл 6:10

Тиигээд тэдэ Намайе Эзэн гээшэ гэжэ мэдэржэ эхилхэ, дэмы хооһон хэһээгээ бэшэ ха юмбиб».

Эзэкээл 6:7

Хаа-хаанагүй зон алуулан алдалан унажа, амиды мэндэ үлэгшэдынь Намайе Эзэн гэжэ баталан мэдүүлхэ.

Амоос 9:1

Эзэн Бурханиие хараа һэм. Үргэлэй шэрээ дээрэ зогсоод, Тэрэ айладаа: Богоһын доһолтор баханын дээрэһээ сохи! Зоной толгой дээрэ Һүмэ унаг лэ! Амиды үлэгшэдые һэлмээр усадхахаб, хэншье Намһаа зугадан тэрьедэжэ шадахагүй, хэншье амиды үлэхэгүй!