Эзэкээл 17:20 - Библи

²⁰ Урьха гүльмэ табижа, тэрэниие барихаб. Тиигээд Вавилоон руу абаашажа, Минии урдаһаа буруу юумэ хэһэнэйнь түлөө тэндэ шүүн хэһээхэб.

Эзэкээл 17:20 ပူးပေါင်းရင်းမြစ်များ

2 Хаан түрэнүүд 18:9

Луус унанхай Абшалоом Давидай зониие гэнтэ обёорбо. Тэдээнһээ тэрьедэжэ, томо сарса модоной һаглагар мүшэр доогуур луусай гарахадань, Абшалоомой толгойн үһэн мүшэртэ орёолдон, тэрэ тэнгэри газар хоёрой хоорондо үлгэлдэн үлэшэбэ. Унажа ябаһан луусынь саашалан ябашоо.

2 Угай бэшэг 33:11

Эзэн Ассириин сэрэг тэдээн руу асаруулжа, тэдэ Мэнашшээ гэгшые хүлин уяжа, гэнжэлжэ, Вавилоон руу абаашаба.

Иоов 10:16

Зобохын ехээр зобожо байхадам, арсалан мэтэ добтолжо, үрсэгэнүүлэн тамалнат.

Экклезиаст 9:12

Шубуунай урьхада, загаһанай губшуурта ороһонтой адли гэнтэ муу саг бууха, муу юумэнэй болохые хүн огто мэдэхэгүй байна.

Ерэмияа 2:35

Гэбэшье «Эзэнэй уур хилэн бидэнһээ үнэхөөр зайлаха» гэлдэнэт. Үзэгты даа, нүгэлөө мэлзэжэ байһанайтнай түлөө Би таанадые хэһээхэб.

Ерэмияа 2:9

Тиимэһээ Би, Эзэн, таанадые дахин гэмнэхэб, уг удамыетнай Би мүн лэ гэмнэн зэмэлхэб.

Ерэмияа 34:21

Иудын хаан Цэдэкиия гэгшые, тушаалтадыень дайсадайнь һабарта үгэхэб. Урдаһаатнай добтолгоёо саг зуура тогтооһон Вавилооной сэрэгтэ тэдэниие дамжуулхаб.

Ерэмияа 37:17

Цэдэкиия хаан минии хойноһоо эльгээжэ, ордон руугаа асаруулаад, «Эзэнһээ мэдээсэл бии гү?» – гэжэ асууба. «Бии, – гэжэ хэлээд, – Вавилооной хаанай һабарта орохот», – гэжэ нэмэбэб.

Ерэмияа 50:44

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Вавилооной улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Гашуудал 1:13

Дээрэһээ Тэрэ гал дүлэн эльгээгээ, тэрэнь яһым шатаана. Хүлдэм урьха табяа, доошонь унагаагаа, үдэр бүри айжа, угаа үбдэжэ байнам.

Гашуудал 4:20

«Тэрэнэй хамгаалалта доро бидэ үндэһэтэдэй дунда амидархабди» гэжэ маанадай хэлэжэ байһан, амисхалнай болохо, Эзэнэй шэлэһэн нэгэн тэдэнэй нүхэндэ орожо баригдаа.

Эзэкээл 12:13

Би тэрээн дээрэ Өөрынгөө гүльмэ хаяжа, барихаб. Тиигээд Вавилоон руу абаашахаб, гэбэшье тэрэ Вавилооной орон нютаг харангүй гээгдэхэ.

Эзэкээл 15:8

Тэдэнэй Намда урбаһанай түлөө Би энэ орон нютагые зэлүүд хооһон газар болгохоб. Энэ болбол Би, Эзэн Бурхан, айладхаа мүн!

Эзэкээл 17:19

Минии нэрээр тангариглан, Минии урда хэлсээ баталһан аад, тэдэнээ эбдэһэнэйнь түлөө Би энэ хэлсээнэй хараалые өөрынь толгой дээрэ буулгахаб. Энээн тушаа Би Өөрөөрөө тангаригланаб!

Эзэкээл 18:24

Үнэн зүбые үйлэдэдэг хүн үнэн зүбһөө буруу хаража, муу зоной хэдэг жэгшүүритэй муухай хэрэгүүдые хэжэ эхилээ гээшэ һаа, амиды мэндэ байха гү? Үгы! Бүхы үнэн зүб хэрэгүүдынь мартагдаха, урбаһанайнгаа, нүгэл хэһэнэйнгээ түлөө тэрэ хосорхо.

Эзэкээл 32:3

Би, Эзэн Бурхан, гүльмэ тор шам дээрэ хаян барихаб. Тиигээд олон ондоо үндэһэ яһатанаар шамайе эрье тээшэнь татуулан гаргахаб.

Эзэкээл 38:22

Үбшэ тахал, үхэл хатал эльгээн, шамайе хэһээхэб. Бороо хура, мүндэр, хүхэр шам дээрэ болон сэрэг дээрэш адхарха.

Һошээ 2:2

Эхэеэ зэмэлэн урдаһаань тулагты, зэмэлэгты! Тэрэ минии һамган бэшэ, Би тэрэнэй нүхэр бэшэ болооб. Тэрэ забхай ябадалаа болюулжа, урбахаяа бэшэ болиг лэ!

Һошээ 7:12

Ябажа эхилхэдэнь, Би тэдээндэ гүльмэ губшуур хаяжа, жэгүүртэниие тэнгэриһээ унагааһандал хүмэрюулхэб! Энээн тушаа тэдэ бултадаа дуулаа: Би тэдэниие хэһээхэб!

Михей 6:2

Хада ууланууд, дэлхэйн хатуу үндэһэ һуури, Эзэнэй зарга шүүбэри хэхые шагныта! Эзэн арад түмэнөө шүүбэрилнэ, Израильтай Тэрэ тэмсэжэ байна.

Лука 21:35

Ушарынь юуб гэбэл, газар дэлхэй дээрэ ажамидарһан хүн амитанда бултандань тэрэ саг гэтэн гэнтэ ерэхэ бшуу.