Эзэкээл 16:8 - Библи

⁸ Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Эзэкээл 16:8 ပူးပေါင်းရင်းမြစ်များ

Эхин 22:16

– Эзэн иигэжэ айладхана: «Би шамда Өөрын нэрээр тангаригланаб. Ори ганса хүбүүгээ хайрлангүй Намда үргэхөөр бэлэн байһанайш түлөө

Египедһээ гаралга 15:16

Айжа һүрдэжэ байг тэдэ! Танай хүсэтэ гар доро шулуун шэнги шэмээгүй болог! Эзэн, энэ Өөрын болгоһон арадтнай алад гаража ябанал!

Египедһээ гаралга 32:13

Өөрын богоолнууд Абраһаам, Исаак ба Израильда юун тухай тангариг үгэһэнөө һаныт – тэдэнэй уг удамые тэнгэриин одо мүшэд шэнги олон болгохоб, тэдээндэ гэжэ найдуулһан газараа уг удамдань хэтын хэтэдэ эзэмшэн һуухыень үршөөхэб гэжэ Өөрыгөө гэршэ болгон тангариглаа бэлэйт!

Исай 43:1

Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 43:4

Ши Намда ехэ үнэтэй-сэнтэйш, угаа хайратайш, тиимэһээ шамайе абархын тула Би ондоо үндэһэ яһатаниие хамаагүй шинии түлөө үгэхэб, тэдэнээр һэлгэхэб.

Ерэмияа 31:3

Би тэдээндэ холоһоо үзэгдөө бэлэйб. Израилиин арад зон, Би таанадта хэтэ мүнхэдөө дурланхайб, тиимэһээл хайра энэрэлээ та бүгэдэндэ үзүүлнэб.

Ерэмияа 31:32

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Минии тэдээндэ нүхэр байһан байгаашье һаам, тэдэ хэлсээ эбдээ һэн.

Эзэкээл 16:6

Эрьен ябахадаа Би шинии өөрынгөө шуһан соо мухарин байхыеш хараа һэм. Тиигээд үхэхэ зүбшэл шамда үгөөгүй бэлэйб.

Һошээ 11:1

Эзэн иигэжэ айладхана: Израилиин эдир залуу байхада Би тэрээндэ дуратай бэлэйб, тиигээд Египедһээ Би Өөрынгөө Хүбүүе дуудааб.

Һошээ 2:15

Тэрээндэ үзэмэй модоной сэсэрлигыень бусаахаб, найдуулгын тэмдэг болгон Һанаа Зобориин Нюрууе үгэхэб. Тиихэдэм тэрэ тэндэ эдир залуу наһандаал шэнги, Египедэй газар дайдаһаа гараһан үдэртөөл адли, дуу дуулан байхал.

Һошээ 2:7

Тэрэ амарагуудайнгаа хойноһоо гүйхэ, гэбэшье хүсэхэгүй. Тэрэ тэдэнээ бэдэрхэ, гэбэшье олохогүй. Тиигээд тэрэ иигэжэ хэлэхэ: «Өөрынгөө түрүүшын үбгэндэ бусахам, юуб гэхэдэ, тиихэдэ мүнөөндэм орходоо намда һайн байгаа бэлэйл».

Малаахи 1:2

«Хайра дурамни таанад тээшэ эрьенхэй» гэжэ Эзэн айладхана. Гэбэшье таанар «Танай дура үршөөл ямар юумэнһээ эли болохо жэшээтэйб?» гэжэ асуудаг байнат. Эзэн энээндэ харюусана: – Эсаав Яков хоёр аха дүү болоно. Гэбэшье Минии сэдьхэл Яков тээшэ эрьенхэй.

Римэйхиндэ 5:8

Харин манай үшөө нүгэлтэй байхада Бурхан маанадай түлөө Христоосые үхэлдэ хүртөөгөөд, манда аргагүй ехэ дуратай байһанаа баталаа.

Хуули дабталга 4:31

Эзэн Бурхантнай нигүүлэсхы сэдьхэлтэй Бурхан юм. Тэрэ таанадые орхихогүй, һалгаахагүй, үбгэ эсэгэнэртэйтнай баталһан хэлсээгээ, тангариглаһанаа Тэрэ мартахагүй.

Рүүт 3:9

– Ши хэмши? – гэжэ тэрэ асууба. – Би Рүүт зарасатнай байнаб. Та намайе дали дороо абыт даа, туһа хүргэхэ ёһотой манай түрэл хүн та гээшэт, – гэбэ тэрэнь.

1 Хаан түрэнүүд 12:22

Юуб гэхэдэ, Эзэн агууехэ нэрынгээ түлөө Өөрын арад түмэниие орхихогүй. Ушарынь гэбэл, Эзэн таанарые Өөрынгөө арад зон болгон шэлээл!