Эзэкээл 16:60 - Библи

⁶⁰ Гэбэшье залуу хонгор байхадаш шамтай баталһан хэлсээгээ Би мартахагүйб, энэ хадаа хэтэ мүнхэдөө хүсэндөө байха гээд найдуулхаб.

Эзэкээл 16:60 ပူးပေါင်းရင်းမြစ်များ

Эхин 9:15

Тиихэдэнь Би таанадтай ба хамаг амитадтай баталһан Өөрынгөө хэлсээн тушаа һанахаб – амитан олониие хосороогшо асари үер дахин тохёолдохогүй.

2 Хаан түрэнүүд 23:5

Бүгэдые эмхидхэһэн, найдамтай, хэтэ мүнхын хэлсээ Тэрэнэй намтай баталаа хадань, минии гэр бүлэ Бурханай урда мүн тиимэ бэшэ аал? Тэрэ минии уг удамые юрөөхэ. Энэ хадаа минии хүсэһэн зүйл, Бурхан тэрэниие заабол дүүргэхэ.

Псалманууд 105:8

Харин Эзэн Өөрын нэрын түлөө, Өөрын хүсэ шадал харуулхын түлөө тэдэниие абараа.

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 55:3

Һайса шагнагты, Нам руу ерэгты! Дуулагты, иигэжэ таанад амиды мэндэ байхат! Хэтэ мүнхын хэлсээ таанадтай баталхаб, Давидта найдуулһан үршөөл хайраяа үзүүлхэб.

Исай 61:8

Эзэн иигэжэ айладхана: «Би зүб шударга ёһо гуримда дуратайб, дарлалта, дээрмэдэлгэ үзэн ядадагби. Хэһэн хэрэгүүдэйнь хэмээр шагнал Өөрын арадта үгэхэб, хэтэ мүнхын хэлсээ тэдээнтэй баталхаб.

Ерэмияа 2:2

Иерусалимай хүн бүхэндэ иимэ зар соносхол дуулгахыемни захирба: Таанадай эдир залуу байхадаа Намда үнэн сэхэ байһые, гүлмэр залуухан һамгандал, Намда дураяа бэлэглэдэгые, элһэн сүл губяар, талха таряанай ургадаггүй газар нютагаар Намайе дахан ябаһыетнай һанажа байнаб.

Ерэмияа 50:5

Тэдэ Сион руу харгы зам һурагшалаад, тэрэ зүг шэгээр ошохо. Намтай тэдэ хэтэ мүнхын хэлсээ баталха, хэзээдэшье тэрэниие эбдэхэгүй.

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Эзэкээл 34:25

Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.

Һошээ 2:15

Тэрээндэ үзэмэй модоной сэсэрлигыень бусаахаб, найдуулгын тэмдэг болгон Һанаа Зобориин Нюрууе үгэхэб. Тиихэдэм тэрэ тэндэ эдир залуу наһандаал шэнги, Египедэй газар дайдаһаа гараһан үдэртөөл адли, дуу дуулан байхал.

Левит 26:42

Би Яковтай, Исаагтай, Абраһаамтай баталһан хэлсээгээ һанахаб, энэ газараа һанахаб даа.

Левит 26:45

Би тэдэнэй элинсэг хулинсагтай хэһэн Хэлсээгээ һанан байхаб. Тэдэнэй Бурхан болохын тула буса арадуудай хараһаар байтар Би тэдэниие Египедэй газарһаа гаргаа бэлэйб. Би Эзэн гээшэб.

Лука 1:72

үбгэ эсэгэнэртэтнай найдуулһан ёһоор таанадые үршөөл хайрада хүртөөхэб, мүн Өөрынгөө нангин хэлсээ,

Еврейнүүдтэ 12:24

Таанад Аабэлэй сасаһан шуһанда орходоо бүри һайн юумэнүүдые үгэхөөр найдуулан Шэнэ Хэлсээе баталһан Иисүүсэй сасагдаһан шуһанда ерээт.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Еврейнүүдтэ 8:10

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулинуудые тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо гэжэ Эзэн хэлэнэ.