Эзэкээл 16:6 - Библи

⁶ Эрьен ябахадаа Би шинии өөрынгөө шуһан соо мухарин байхыеш хараа һэм. Тиигээд үхэхэ зүбшэл шамда үгөөгүй бэлэйб.

Эзэкээл 16:6 ပူးပေါင်းရင်းမြစ်များ

Исай 14:19

Харин ши ямаршье булашагүйш, шарлаһан мүшэр мэтэ хаяатайш. Үхэгшэдэй дунда хэбтэнэш, һэлмээр сабшагдаһан зоной дунда. Ши шулуун нүхэн руу хаюулбаш. Хүүршни хүлдэ гэшхэгдэхэ.

Исай 51:23

Таанадые тамалагшадта энээниие үгэхэб. Тэдэ таанадые газар дээрэ хэбтүүлэн, шорой мэтээр дээгүүртнай дэбһэн гараа бэлэйл».

Эзэкээл 16:22

Иигэжэ нүгэл хэжэ, забхайран һальхайржа байха үедөө ши шараа нюсэгэн, шуһандаа зууралданхай газарта мухарижа байһан бага балшар наһаяа һанахаяашье арсааш.

Эзэкээл 16:5

Эдэ бүгэдын нэгыеньшье хэншье хээгүй, шамайе хайрлаагүй. Харин ши хээрэ тала руу хаягдаа бэлэйш. Юуб гэхэдэ, түрэһэн үдэрһөө эхилэн ши хэндэшье хэрэггүй болоо бэлэйш.

Эзэкээл 16:7

Хээрын ногоон мэтээр шамайе эрхэ сүлөөдэ, хашан харшалангүй ургуулааб. Гоё һайхан хүхэтэй, ута үһэтэй залуу басаган болотороо ургааш. Гэбэшье үшөөл нюсэгэн зандаа байгаа бэлэйш.

Михей 7:10

Дайсамни энээниие хараад, эшэн улайха. «Эзэн Бурхантнай хаана гээшэб?» – гэжэ асуужа тэрэ байгаа бэлэйл. Гудамжануудаар гэшхэгдэдэг шабартал адляар тэрэнэй гэшхэгдэн, доромжолуулагдан байгаашые би харахаб.

Матвей 5:13

Таанад газар дэлхэйн зоной дабһан хужарынь гээшэт. Хэрбээ дабһанай амтаяа гээгээ һаань, тэрэниие яажа дахин гашуун болгохоб? Амтагүй дабһан юундээшье хэрэггүй болоод, миил хаягдажа, хүнэй хүлдэ гэшхүүлхэ зэргэтэйл.

Иоанн 5:25

Би таанарта үнэниие хэлэнэб: Бурханай Хүбүүнэй хэлэһые наһа бараһан хүнүүдэй дуулаад, амидырха саг ерэжэ байна, мүнөө ерээдшье байна.

Хэрэгүүд 7:34

Би Минии арадай Египедтэ зобожо байхыень харааб, гэнэн ёолохые дуулааб, тиимэһээ тэдэниие аршалан сүлөөлхын тула газар дэлхэйдэ буужа ерээб. Ши яба, Би шамайе Египет эльгээнэб», – гэжэ хэлэбэ.

Римэйхиндэ 9:15

Тэрэ Моисейдэ: «Хэниие үршөөлдэ хүртөөхэ гэбэл, хүртөөхэб, хэниие хайрлаха гэбэл, хайрлахаб», – гэжэ хэлээ.

Хуули дабталга 9:4

Эзэн Бурханайтнай тэдэниие үлдэн гаргахада, «Бидэнэй сэбэр сэхэ ябадалтай байһанда Эзэн энэ газар эзэмдэхыемнай асарба» гээд досоогоо сэдьхэжэ бү байгты. Тэдэ арадуудай буруу ябадалтай байхадань Эзэн үлдэнэ бшуу.

Еврейнүүдтэ 10:29

Зүгөөр Бурханай Хүбүүндэ зэбүүрхэдэг, өөһэдыень нүгэлнүүдһээнь арилгаһан Бурханай хэлсээнэй шуһые нангин гэжэ тоодоггүй хүнүүд, үршөөл хайрын Һүлдые доромжолдог хүнүүд тэрээнһээ долоон доро хэһээлтэдэ хүртэхэ ёһотой!

Гэршэлгэ 14:20

Хотын гадна оршоһон томо тогоон соо үзэмэй баглаа жэмэсүүдые низа тэһэ дэбһэбэ, тиихэдэнь тогооной халитар улаан шуһан урдажа, мориной хазаарта хүрэмөөр гурбан зуун хараа модоной зайда халин тарашаба.