Эзэкээл 16:38 - Библи

³⁸ Үбгэндөө урбан, һальхай һамуу ябадал гаргаһанайш, алууршан байһанайш түлөө Би шамайе шүүбэрилхэб! Угаа ехээр уурлан, шамайе хороохо гэжэ заргада оруулан шиидхэхэб!

Эзэкээл 16:38 ပူးပေါင်းရင်းမြစ်များ

Эхин 38:11

Тэрэнэй удаа Иуда Тамаарта иигэжэ хэлэбэ: – Минии хүбүүн Шэлаа үшөө бэеэ хүсөөдүй байна, ехэ болоторынь эсэгынгээ гэртэ бусаад, бэлбэһэн эхэнэр мэтээр ажаһуулши. Харин Иуда үнэхөөр Тамаарые Шэлаада үгэхэ дурагүй байгаа. Тамаартай гэрлэжэ, Шэлаа аханартаа адляар мүн лэ Эзэн Бурханда шиидхүүлэгдэжэ, алуулна аа гү гэжэ тэрэ айһан байгаа. Тиигээд Тамаар түрхэмдөө бусаа һэн.

Эхин 38:24

Гурбан һарын үнгэрөөд байхада, Иудада зон дуулгаба: – Танай бэри Тамаар янхан мэтэ һальхайраад, тэрээнһээ байтагай хээлитэй болоод байна. – Тэрэниие гэрһээнь шэрэжэ гаргаад, олоной урда галдаха хэрэгтэй, – гэжэ Иуда харюусаба.

Эхин 9:6

Хэрбээ хэн нэгэн хүниие алаа һаа, өөрөө алуулха. Юундэб гэхэдэ, хүн гээшэ Минии, Бурханай, түһөөгөөр бии болгогдоо.

Египедһээ гаралга 21:12

Хүниие үхэтэр сохиһон хүнэй ами хороохо ёһотой.

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Эзэкээл 16:36

Зондо мүнгэ сасажа, түлэжэ, удаань тэдэнэй урда нюсэгэлөөд, хурисал тэдээнтэй хэдэг байгааш. Жэгшүүрилтэй муухай онгонуудта мүргэжэ, хүүгэдээ тэдээндэ үргэн алааш.

Эзэкээл 16:40

Тэдэ олониитые тухиран, шам руу үхэтэрыш шулуу шэдүүлхэ, бэеыеш һэлмээр сабшаха.

Эзэкээл 23:24

Зэр зэбсэгээ морин тэргэдэ тээнхэй, дайшалхы тэргэнүүдтэй олон гэгшын сэрэг шинии урдаһаа ерэжэ, халхабша, бамбай, дуулга үмдэнхэй тэдэ шамайе тойрохо, тиихэдэнь өөрынгөө хуули ёһонуудаар шүүхыень шамайе тэдээндэ үгэхэб.

Эзэкээл 23:25

Би шамда угаа уурланхайб, тиимэһээ тэдэнэй шамда хэрзэгы муухайгаар хандахыень хорихогүйб. Тэдэ хамар, шэхыеш отолхо, үхи хүүгэдыеш һэлмээр усадхаха, галдан һалгааха.

Эзэкээл 35:6

Би, Эзэн Бурхан, Өөрөөрөө тангаригланаб: алахадаа бэрхэ хадаш өөрыешни үхэл хатал һалан һандангүй хойноһоош дахаха.

Эзэкээл 36:18

Тэдэ алалсаа хюдалсаа үйлэдөө, онгонуудта мүргөө, иигэжэ газар бузарлаа болоно. Тиимэһээ Би тэдээндэ угаа ехээр уурлажа,

Левит 20:10

Хэн хадамтай һамгантай унтанаб, хэн танилайнгаа һамгантай унтанаб, тэдэ урбагшад хоюулан алуулха ёһотой.

Наум 1:2

Эзэн хадаа жүтөөрхэгшэ, үһөөгөө абадаг Бурхан юм. Эзэн хадаа үһөөрхэгшэ, уур хилэнгэй Эзэн мүн. Эзэн дайсадһаа үһөөгөө абадаг, тэдэнэйл урдаһаа хилгэнэдэг юм.

Цэпаанияа 1:17

Эзэн иигэжэ айладана: «Зониие хашан зобооходом, тэдэ һохор мэтэ тэмтэрэн ябадаг болохо. Тэдэ Минии урдаһаа нүгэл хээ, тиимэһээ шуһаниинь уһан мэтэ адхагдаха, үхэһэн бэень шабааһан мэтэ шобторогдохо».

Тоололго 35:16

Хэрбэеэ хэн нэгэн хэнииешьеб түмэр зэбсэгээр сохижо алабал, тэрэ хүн алууршанда тоологдожо, толгойн саазада хүртэхэ ёһотой.

Тоололго 35:17

Хэрбэеэ хэн нэгэн хэнииешьеб шулуугаар шэдэжэ алабал, тэрэ шулууниинь хүниие аламаар томо байбалнь, тэрэ хүн алууршанда тоологдожо, толгойн саазада хүртэхэ ёһотой.

Тоололго 35:18

Хэрбэеэ хэн нэгэн хэнииешьеб модоор сохижо алабал, сохигшо модониинь хүниие аламаар томо байбалнь, тэрэ хүн алууршанда тоологдожо, толгойн саазада хүртэхэ ёһотой.

Тоололго 35:31

Үнэхөөрөө тэрэнэй алууршан байбал, тэрээндэ толгойн сааза хүртүүлэгты. Алууршын ами наһанай түлөө эдилгэ мүнгэ абажа болохогүй.

Гэршэлгэ 16:6

Тэдэнэр Бурханай арадай, лүндэншэдэй улаан шуһа адхаруулаа, тиихэдэнь Та тэдэндэ шуһа уулгажа, тэдэнэй гэмые зүб амсуулаат!