Эзэкээл 16:11 - Библи

¹¹ Ииигэжэ шамайе гоёогоод, гарташ бугааг, хүзүүндэш гоё һайхан зүүдхэл үмдэхүүлээ бэлэйб.

Эзэкээл 16:11 ပူးပေါင်းရင်းမြစ်များ

Эхин 24:22

Тэмээнүүдэй садатараа уһалуулһанай һүүлээр тэрэ ахалагша зараса басаганда хахад шээкэл хэмжүүрэй алтан сахариг, арбан шээкэл хэмжүүрэй хоёр алтан бугааг үгөөд,

Эхин 24:47

«Хэнэй басаган болонош?» – гэжэ асуухадам, «Бэтүһээлэй басагамби. Бэтүһээл Нахоор Милкаа хоёрой хүбүүн», – гээд тэрэ харюусаа. Тиихэдэнь би басаганда хамарай һиихэ мүн хоёр бугааг үгөөб.

Эхин 24:53

Тиигээд тэрэ зараса үнэтэй һайхан хубсаһа, алта мүнгөөр хэһэн гоёолто гаргажа, Рэбээккаагай аха эжы хоёрто бэлэг болгон бариба.

Эхин 35:4

Албата зониинь абажа ябаһан бүхы бурхадай дүрсэнүүдые, шэхэнэйнгээ сахаригуудые абаад, Яковта үгэбэ. Эдэ бүгэдые Яков Шэхээм хотодо дүтэ байһан нэгэ сарса модон доро булаба.

Эхин 41:42

Тиигээд тэрэ тамгатай бэһэлигээ хурганһаа мулталаад, Иосифто зүүлгэбэ, маалинга һайхан хубсаһа үмдэхүүлбэ, хүзүүндэнь алтан зүүдхэл яларуулба.

Эстээр 2:17

Эзэн хаан бусад басагадһаа үлүүгээр Эстээртэ дурлажа, энхэрэн илдамаар хандажа, толгой дээрэнь хатанай титим табижа, Баштиин орондо хатан болгон үргэбэ.

Иоов 42:11

Иоовой аха дүү, анда нүхэд, танил талань сугларан, ехэ найр хэбэ. Эзэнһээ боложо асари ехэ зоболон үзэһэн Иоовто хүн бүхэн нэгэ нэгэ хэсиитэ мүнгэ, нэгэ нэгэ алтан һиихэ бэлэглэбэ.

Египедһээ гаралга 32:2

– Танай һамгадай, хүбүүд, басагадай шэхэнэй һиихэнүүдые абажа, намда асарагты, – гэжэ Аһароон тэдэниие зонхилбо.

Египедһээ гаралга 35:22

Ерэхэ дуратай хамаг зон, эрэ, эмэгүй бултадаа алтан зүүдхэлнүүдээ: зүүлтэ, һиихэ, бэһэлиг, бугааг мэтэ зүйлнүүдые Эзэндэ үргэл болгожо үгэбэ.

Һургаал 1:9

Үнэн дээрэ энэшнил үзэсхэлэнтэ сэсэгэй титим, хүзүүнэйшни шэмэг бололтой.

Һургаал 25:12

Зэмэлэлгын мэргэн үгэ гээшэ шэхээ табин соносогшодо алтан һиихэ ба шэжэр алтан зүүдхэл мэтэ.

Һургаал 4:9

Сэсэн ухаан гээшэ шинии эгээл ехэ баялиг боложо, толгой дээрэш һайхан сэсэгэй титим табиха».

Дуунай дуун 1:10

Ордоной дархашуулай урлажа хээлэһэн мүнгэн угалзатай алтан зүүлтэ шиниимни хүзүүе шэмэхэл.

Дуунай дуун 4:9

Минии хубита, дүүхэймни! Харасаа нам руу нэгэл шэдээд, сэдьхэл зүрхымни эзэлээш. Эрдэни зүүдхэлээ ялас гүүлээд, эрьежэ харахадаал, эзэмдээш.

Исай 28:5

Амиды үлэһэн Өөрын зондо Түмэн Сэрэгтэ Эзэнэй үзэсхэлэнтэ титимдэл адли болохо саг дүтэлжэ байна.

Исай 3:19

һиихэнүүдыень, гарай бугаагуудые, нэмэргэнүүдые, толгойн боолто, хүлэй гэнжэ, бүһэнүүдые, хангалтай түрхилгэнүүдые, һахюуһыень,

Исай 3:21

гоёолой хубсаһыень, гадар самса, нэмэргэнүүдыень, мүнгэ хэдэг багахан сүүмхэнүүдыень,

Гашуудал 5:16

Толгойһоомнай титим унаа! Нүгэл хэһэнэймнай түлөө гай тодхор болоо!

Эзэкээл 16:17

Минии шамда үгэгшэ алта, мүнгэн шэмэглэлнүүдые абажа, эрын дүрсэтэй онгонуудые өөртөө дархалжа, ши тэдээндэ мүргэн,

Эзэкээл 23:40

Холын зониие асаруулхаяа элшэнэрые тэдэ эльгэжэ, ерэхэдэнь, тэдэ хоёр эгэшэнэр бэеэ угаажа, нюдөө будажа, зүүдхэлнүүдээрээ бэеэ гоёодог бэлэй.

Эзэкээл 23:42

Тэдэнэй гэртэ элһэн сүл губиин архиншад олоороо үймэржэ, шууяжа байгша һэн. Эдэ зон эгэшэнэрэй гарта бугаагуудые, толгойдонь үзэсхэлэн һайхан титимүүдые үмдэхүүлдэг байгаа.

Даниил 5:16

Харин шамайе иимэ юумэ тайлбарилжа шададаг, хүрмэлдэһэн юумэ тайладаг гээд дуулаһан байнаб. Зай, энэ бэшээшые уншажа, удхыень намда ойлгуулжа шадаа гээшэ һааш, шамда улаан хубсаһа үмдэхүүлхэ, хүзүүндэш алтан зүүдхэл зүүхэ, тиигээд засагай талаар хан түрэ соо гурбадахи хүн болохош, – гэбэ ха.

Даниил 5:29

Бэлшаццаарай захиралтаар Даниилда улаан хубсаһа үмдэхүүлбэ, алтан зүүдхэл хүзүүндэнь зүүбэ, тиигээд хан түрэ соо засагай талаар гурбадахи хүн гэжэ айладхаба.

Даниил 5:7

Үзэлшэдые, мэргэшүүл халдейшүүдые, зурхайшадые дуудаха тухай хаан шангаар хашхаран захиржа, Вавилооной сэсэн мэргэшүүлдэ хандан, иигэжэ хэлэбэ: – Хэн энэ бэшээшые уншажа, намда тайлбарилнаб – тэрэ улаан хубсаһа үмдэдэг болохо, алтан зүүдхэл хүзүүндэнь үмдэгдэхэ, тиигээд тэрэ хан түрэ соо засагай талаар гурбадахи хүн болохо!

Һошээ 2:13

Баал бурхадуудта уталга ууюулжа, һиихэ болон элдэб зүүдхэлнүүдээр бэеэ шэмэглэн, амарагуудайнгаа хойноһоо гүйжэ, Намайе мартан орхижо байһанайнь түлөө Би тэрэниие хэһээхэб. Энэ болбол Би, Эзэн, айладхаа мүн!

Левит 8:9

Эзэнэй захиһан үгөөр, толгой дээрэнь боолто малгай үмдэхүүлбэ, тэрэ малгайдань урдаа алтан хабтаһатай нангин шүтөөнэй титим һуулгажа барюулба.

Тоололго 31:50

Эзэндэ бэлэг болгожо, бидэ алтаар хэһэн гарай боолтонуудые, бугаануудые, бэһэлигүүдые, һиихэнүүдые болон хүзүүнэй гоёолтонуудые сэрэгшэ бүхэнһөө асарбабди. Бидэнэй хэһэн нүгэл арюудхажа, эдэ бэлэгүүдые Эзэндэ үргэл болгоёл.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!

Гэршэлгэ 4:10

хорин дүрбэн ахамадууд хаан шэрээ дээрэ Һуугаашын урда тээ унан һүгэдэн мүргэхэ, хэтэ мүнхэ Амидарагшын урда доро дохин мүргэхэ, тиин хаан шэрээгэйнь урда титим малгайнуудаа табяад, иигэжэ хэлэхэ:

Гэршэлгэ 4:4

Энэ хаан шэрээе тойроод, баһа хорин дүрбэн хаан шэрээнүүд байгаа. Тэдэ хаан шэрээнүүд дээрэ хорин дүрбэн ахамадууд һуугаа. Эдэ ахамадууд сагаан хубсаһа үмдэнхэй, толгойдонь алтан титим малгайнууд табяатай.

Ударидагшад 8:24

Гидоон сэрэгшэдтээ иигэжэ хэлэбэ: – Таанадһаа нэгэл юумэ гуйнаб. Сэрэгшэ бүхэн өөрынгөө олоһон олзоһоо нэгэ нэгэ һиихэ намда үгэгты! Ушар юуб гэхэдэ, диилдэгшэд олон алтан һиихэтэй байба. Гэбэшье тэдэ һиихэнүүдынь израильшуудай байһан юм.