Эзэкээл 16:10 - Библи

¹⁰ Угалзатуулан шэрэһэн гоё һайхан хубсаһа, эрхим арһаар оёһон гутал шамда үмдэхүүлээб, үнэтэ лентээр бэеыш орёогооб, торгон нэмэргэ дээрэш хэдэрээб.

Эзэкээл 16:10 ပူးပေါင်းရင်းမြစ်များ

Эхин 41:42

Тиигээд тэрэ тамгатай бэһэлигээ хурганһаа мулталаад, Иосифто зүүлгэбэ, маалинга һайхан хубсаһа үмдэхүүлбэ, хүзүүндэнь алтан зүүдхэл яларуулба.

Египедһээ гаралга 25:5

элдээд утаһан хониной арһа болон нимгэн булгайр, акаци модо,

Египедһээ гаралга 26:14

Утан элдэһэн хониной арһаар дээрэһээнь хушалта хэжэ, үшөө тэрээнээ нарин элдэлгэтэй булгайраар хушаарай.

Египедһээ гаралга 26:36

Сэнхир хүхэ, гүн улаан ба үдхэн улаан үнгэтэй ээрэһэн утаһаар ба нарин маалинга бүдөөр майхан һүмэ руу орохо газарые халхалдаг олон үнгэтэ хүшэгэ бүтээгдэһэн байха ёһотой.

Египедһээ гаралга 28:5

Эдэ бүгэдые бүтээхын тула алтан, сэнхир хүхэ, гүн улаан, үдхэн улаан утаһа, маалинга абаг.

Һургаал 31:22

Өөртөөшье гоё хубсаһа уралан оёдог, маалинга болон улаан хилгааһан хубсаһатай ябадаг. נ Нүүн

Исай 3:23

Анхилдаг һайхан сүршэлгын орондо үмхэй муухай үнэртэй, гоё һайхан бүһэнүүдэй орондо аргамжатай, гоёлой хубсаһанай орондо онги-набта хубсаһатай, гоё һайхан үһэнэй орондо халзан тэдэ болохо.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Эзэкээл 16:13

Иигэжэ ши алта, мүнгөөр гоёжо, эгээл һайхан бүд торгоор оёһон, тиихэдэ угалзатуулан шэрэһэн хубсаһа үмдэдэг байгаа бэлэйш. Эрхим шанартай гурилаар бариһан хилээмэ, зүгын бала, оливын тоһо эдидэг һэнши. Хатан мэтэ угаа гоё һайхан болоо бэлэйш.

Эзэкээл 16:18

Минии шамда үгэгшэ угалзатуулан шэрэһэн гоё һайхан хубсаһа абажа, тэдэ онгонуудта үмдэхүүлбэш, Минии шамда үршөөгшэ оливын тоһо, уталгануудые тэдэнэй урда табибаш.

Эзэкээл 16:7

Хээрын ногоон мэтээр шамайе эрхэ сүлөөдэ, хашан харшалангүй ургуулааб. Гоё һайхан хүхэтэй, ута үһэтэй залуу басаган болотороо ургааш. Гэбэшье үшөөл нюсэгэн зандаа байгаа бэлэйш.

Эзэкээл 26:16

Далайн эрьеэр оршодог улас түрэнүүдэй хаашуул хан шэрээһээ буужа, нэмэргэнүүдээ, шэрэн оёһон гоё һайхан хубсаһануудаа хуу татан тайлажа, шэшэрэн доогуур һууха. Диилдэжэ байһан тухайш шэнэ һонин байд гээд лэ дуулажа байхадаа, тэдэ шэшэрхэ һалганахаяа оройдоош болюулжа шадахагүй.

Эзэкээл 27:16

Араамай зон номин шулуугаар, хүхэ бэхэ үнгэтэй, мүн тиихэдэ шэрэжэ оёһон бүдөөр, гоё һайхан маалинга бүдөөр, шүрэ, рубин шулуунуудаар эд барааешни андалдан абагша һэн.

Эзэкээл 27:7

Египедһээ асарагдаһан шэрэмэл һайхан бүдөөр далбагануудшни хэгдэжэ, холоһоо обёорхоор байгаа һэн. Элишааһаа асарагдаһан хүхэ бэхэ үнгэтэй бүд һүүдэрһөө халхабшаш болоо һэн.

Лука 15:22

Эсэгэнь барлагуудтаа: «Түргэхэн эгээ һайн хубсаһа асараад, хүбүүндэм үмдэхүүлэгты, хургандань үнэтэ шулуутай бэһэлиг зүүлгэгты, хүлдэнь гутал үмдэхүүлэгты.

Гэршэлгэ 18:12

Тэдэнэй обоо собоо алта, мүнгые, үнэтэ шулуунуудые, һубад һубһые, нарин улһые, шад улаан бүдөөр, дардам торгоор, үнэтэй улаабтар бүдөөр оёһон хубсаһыень, хоншуухан үнэртэй модонуудые, заанай яһаар хэһэн бүтээлнүүдые, үнэтэ модоор, гуули, түмэрөөр, гантиг шулуугаар хэһэн амһартануудыень ондоо хэншье саашадаа абахагүйл.

Гэршэлгэ 19:8

Басагандань нарин улһаар оёһон ялагар, сэбэр хубсаһан үгтэнхэй. Нарин улһан гээшэнь Бурханай арад зоной үнэн зүб үйлэ хэрэг гэһэн удхатай.

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.