Эзэкээл 15:6 - Библи

⁶ Энэ болбол Эзэн Бурханай айладхал үгэнүүд: – Ой сооһоо үзэмэй модо абажа, галда шатааһандал, Иерусалимай улад зониие абажа, гал руу хаяхаб!

Эзэкээл 15:6 ပူးပေါင်းရင်းမြစ်များ

Исай 27:11

Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Ерэмияа 21:7

Тэрэнэй удаа Иудын хаан Цэдэкиия, шамайе, түшэмэлнүүдыеш болон дайн дажарай, үлэсхэлэн хооһон байдалай, зуд тахалай һүүлээр үлөөшэ зониие Вавилооной хаан Навуходоносороор, таанадые алахаяа һанаһан дайсадаартнай, баряанда абхуулхаб. Навуходоносор таанадые һэлмээр сабшан алаха. Тэрэ хэнииешье амиды мэндэ үлөөхэгүй, хайрлахагүй, энэрэл үзүүлхэгүй. Энэ болбол Би, Эзэн, айладхана мүн!» гээшые нам руу ерэһэн зондо дамжуулан хэлэбэб.

Ерэмияа 25:18

Иерусалимай, Иудын хан түрын бүхы хотонуудай зондо газарыень хооһон элһэн сүл губи, үзэмжэгүй муухай, зоной хараал болгохын тула хаашуул, ноёдтойнь хамта энэ аягаһаа уулгабаб. Газарынь тон тиимэ болоол даа.

Ерэмияа 4:7

Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Эзэкээл 15:2

– Хүнэй үри Эзэкээл! Үзэм модоной мүшэр бусад мододой мүшэрһөө юугээрээшье дээрэ бэшэ.

Эзэкээл 15:4

Гансал гал түлихэдэ тэрэ хэрэгтэй. Хоёр үзүүрынь шатажа, дунда хэһэгынь нүүрһэн болоходо, тэрээгээр ямар нэгэн юумэ хэжэ боломоор гү?

Эзэкээл 15:5

Бүрин бүтэн байхадань юумэ хэжэ боломоор бэшэ байгаа. Мүнөө галда шатаагдаад байхадаа тэрэ бүришье хэрэггүй болоол!

Эзэкээл 15:7

Хэһээхэб тэдэниие. Нэгэ гал дүлэнһөө гарахадаа, тэдэ нүгөө гал дүлэн руу орожо шатаагдаха. Минии тэдэниие хэһээжэ эхилхэдэ таанад Намайе Эзэн гээд мэдэхэт.

Захарияа 1:6

Минии богоол болохо лүндэншэдтэ һургаал болгон дамжуулһан Минии үгэнүүд, Минии гаргаһан шиидхэбэринүүд танай эсэгэ элинсэгүүдтэ бэелээгүй гэжэ байгаа гү? Тэдэ хэлэгшэ бэлэй: «Ябаһан харгыемнай, хэһэн хэрэгыемнай Эзэн яажа сэгнээ һэм, тиимээр лэ үйлэ бүтээгээ», – гэжэ Түмэн Сэрэгтэ Эзэн тунхаглаба гэбэ.