Эзэкээл 15:4 - Библи

⁴ Гансал гал түлихэдэ тэрэ хэрэгтэй. Хоёр үзүүрынь шатажа, дунда хэһэгынь нүүрһэн болоходо, тэрээгээр ямар нэгэн юумэ хэжэ боломоор гү?

Эзэкээл 15:4 ပူးပေါင်းရင်းမြစ်များ

Псалманууд 80:16

Дайсадынь Эзэнэй урда билдагуушалжа эхилхэ һэн, тэдэнэй хэһээлтэнь хэтэ мүнхын байха бэлэй.

Исай 1:31

Хатаһан набша намаагай ошонһоо аһажа-шатажа байһандал, хүсэ шадалтай зоншье муу муухай хэрэгүүдэйнгээ хэмээр усадхагдажа эхилхэ, хэншье энэ гай тодхор саража-болюулжа шадахагүй.

Исай 27:11

Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Эзэкээл 15:3

Юушьеб дархалхын тула тэрээниие хэрэглэжэ боломоор гү? Хубсаһа хунар үлгэхэеэ хадааһашье тэрээгээр хэжэ болохоор гү? Үгы!

Эзэкээл 15:5

Бүрин бүтэн байхадань юумэ хэжэ боломоор бэшэ байгаа. Мүнөө галда шатаагдаад байхадаа тэрэ бүришье хэрэггүй болоол!

Эзэкээл 15:6

Энэ болбол Эзэн Бурханай айладхал үгэнүүд: – Ой сооһоо үзэмэй модо абажа, галда шатааһандал, Иерусалимай улад зониие абажа, гал руу хаяхаб!

Эзэкээл 19:14

Мүшэрһөөнь гал гаража, гэшүүһэдынь, жэмэсынь дууһан шатаба. Иигэжэ хүдэр гэшүүһэд, мүн тиихэдэ хаанай баягшье бэшэ байхаа болёо һэн.

Амоос 4:11

Содом болон Гоморрые һандаргааһандаа адляар Би таанад руу тон тиимэ һандарал эльгээгээб. Таанар гал дүлэнһөө шүүрэн абагданхай сусал мэтэ байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Матвей 3:12

Тэрэ таряагаа сэбэрлэхээр хүрзэеэ гартаа адхаад байна: таряагаа суглуулжа амбаартаа хадагалха, харин мэхиинэ һолоомыень залиршагүй галда шатааха.

Иоанн 15:6

Минии досоо оршодоггүй хүн үзэмэй сэсэрлиг сооһоо хаягдажа, хаташаһан мүшэрнүүд шэнги байха. Тиимэ мүшэрнүүд суглуулагдан, гал руу хаягдан, галдагдаха.

Еврейнүүдтэ 12:29

Ушарынь гэхэдэ, манай Бурхан үнэхөөрөө һүнөөдэг гал дүлэн гээшэ.

Еврейнүүдтэ 6:8

Харин тиихэдэ хашаг болон буртаг үбһэ ургуулһан газар юундэшье хэрэггүй, Бурханай хараалда арай хүртөөгүй, галда шатаагдаха хойшолонтой байдаг.