Эзэкээл 14:22 - Библи

²² Заримашуул өөһэдынгөө хүбүү, басагадые абарха, тиигээд саашадаа тэдэнэй яажа байхые, ямар үйлэ хэрэг хэхые тэдэ өөһэдынгөө нюдөөр хараха даа! Тиихэдээ юундэ Иерусалимые хэһээһыем, тэрээн дээрэ гай тодхор татаһыем тэдэ ойлгохо.

Эзэкээл 14:22 ပူးပေါင်းရင်းမြစ်များ

2 Угай бэшэг 36:20

Амиды үлөөшэ зониие тэрэ Вавилоон руу нүүлгэн абаашаба. Персиин улас түрын бии болотор тэдэ өөрынь болон үхи хүүгэдэйнь богоолнууд байгаа бэлэй.

Исай 24:13

Олива хуряагаад, үзэм суглуулаад байха үедэ хооһон хогоосон, нэгэ хэдыл жэмэс үлөөд байгша. Тон тиимэ байдал дэлхэйн бүхы арадуудта үзэгдэхэ.

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Ерэмияа 30:11

Би таанадтай байхаб, абархаб. Таанарые арадуудай хоорондо тараагаа һэм, тэдэ арадуудые Би усадхахаб. Гэбэшье таанадые усадхахагүйб. Харин таанадые хэһээнгүй орхихогүйб, теэд хэһээхэдээ, үнэн зүбөөр хэһээлтэ амасуулхаб! Энэ болбол Би, Эзэн, айладхана мүн!

Ерэмияа 4:27

Эзэн иигэжэ тунхаглана: Бүхэли газар нютаг һандаргагдан хооһорхо, гэбэшье Би бүримүһэн усадхахагүйб.

Ерэмияа 5:19

Тэдэнэй «Юундэ Эзэн Бурхамнай бидэндэ эдэ бүгэдые ушаруулааб?» гэжэ асуухадань, «Намайе, Бурханиие, орхижо, өөһэдын газар нютагта хариин шүтөөнүүдтэ алба хэжэ байһантайгаа адли таанар мүнөө хариин газар нютагта ондоо уладта алба хэхэ болоот» гэжэ Намайе айладхана гээд ши, Ерэмияа, хэлээрэй.

Эзэкээл 12:16

Үсөөхэн зонииень дайн дажарһаа, үлэн хооһон байдалһаа, үбшэ хабшанһаа аршалан амиды мэндэ үлөөхэб. Тиихэдэм тэдэ ондоо үндэһэ яһатанай дунда байхадаа ямар жэгшүүрилтэ үйлэ хэрэгүүдые хэһэнээ ойлгожо, Намайе Эзэн гээд баталан гэршэлхэ.

Эзэкээл 16:54

Тиихэдэм өөрынгөө үйлэ хэрэгүүдэй түлөө ши эшэхэш, Содом болон Самари шамһаа багаар нүгэл үйлэдэһэндөө баясан байха.

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Эзэкээл 20:43

Тиихэдэм өөрынгөө үйлэдэһэн хэрэгүүдые, өөһэдыгөө бузарлажа байһанаа һанажа, иимэ муу муухай юумэ хэһэндээ өөһэдһөө жэрхэжэ эхилхэт.

Эзэкээл 31:16

Тэрэ модоной шууяа гарган унажа, Эдээмэй Минии тэрэниие үхэлэй орон руу шэглүүлхэдэ, дэлхэйн үндэһэ яһатад айн шэшэрэлдэхэ. Үхэлэй орондо оршогшо модод – Минии сэсэрлигэй болон Ливаанай эрхим модод тэрэ модоной унахада сэдьхэлээ ханаха, баясаха.

Эзэкээл 32:31

Эзэн Бурхан иигэжэ айладхана: – Танай фараон эдэ хүүрнүүдые харахадаа, ганса Египедэй сэрэгэй бэшэ, ондоошье арадуудай иимэ байдалда ороһондо сэдьхэлээ заһан байха.

Эзэкээл 36:20

Туугдан ошоһон газар нютаг бүхэндөө тэдэ Минии нангин нэрэ бузарлаа: «Эзэн Бурханай арад аад, орон нютагһаа гаран ошохо баатай болоо гэжэ хариин зон хэлсэнэ».

Эзэкээл 36:31

Хэһэн муу муухай хэрэгүүдээ һанажа, өөһэдһөө жэрхэжэ эхилхэт.

Эзэкээл 7:16

Талын гулабхаа аад, айжа, хада уула руу ниидээшэ гулабхаа мэтэ зон хаданууд руу гүйлдэн ошохо. Тэдэ бултадаа өөр өөрынгөө гэм бурууе гэмшэн ёололдохо.

Михей 5:7

Амиды мэндэ үлөөшэ Яковай үри һадаһад олон арадуудай дунда Эзэнһээ үршөөгдэһэн шүүдэр мэтэ байха. Ургамал ногоон дээрэ орохо бороо мэтэ тэдэ байхал. Тэдэ хүнһөө дулдыдахагүй, Бурханһаал дулдыдаха юм.

Марк 13:20

Хэрбээ Эзэн тэдэ аймшагтай үдэрнүүдэй тоое үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Эзэн тэдэ үдэрнүүдэй тоо үсөөрүүлхэ юм.

Хуули дабталга 4:31

Эзэн Бурхантнай нигүүлэсхы сэдьхэлтэй Бурхан юм. Тэрэ таанадые орхихогүй, һалгаахагүй, үбгэ эсэгэнэртэйтнай баталһан хэлсээгээ, тангариглаһанаа Тэрэ мартахагүй.