Эзэкээл 13:9 - Библи

⁹ Худал үзэл үзэдэг, уридшалан хэлэнэбди гэжэ худал тунхагладаг лүндэншэдые Би хэһээхэб. Минии улад зоной зүбшэжэ байхада тэдэ хамта байлсахагүй, нэрэнүүдынь Израилиин арад түмэнэй тоо бүридхэл соо бэшэгдэхэгүй, һөөргөө Израилиин газар уһан руу тэдэ бусахагүй. Тиихэдээ тэдэ Намайе Эзэн Бурхан гээд мэдэхэ.

Эзэкээл 13:9 ပူးပေါင်းရင်းမြစ်များ

3 Хаан түрэнүүд 13:18

– Би тандал адли лүндэншэ гээшэб. Эльгээмэл Эзэнэй үгэ намда дамжуулан, «тэрэниие гэртээ оруулжа, эдеэ хоол, унда таби» гэжэ айладхаа юм, – гэжэ үндэр наһатай лүндэншэ хэлэбэ. Гэбэшье тэрэ худалаар хэлээ.

Эзраа 2:59

Тээл-Мээлаа, Тээл-Харшаа, Хэрүүб, Аддаан, Иммээр хотонуудһаа гараһан аад, Израильһаа гараһан уг гарбалаа гэршэлжэ шадаагүй хүнүүд гэбэл,

Нэхэмьяа 7:62

Дэлайяагай уг, Тобияагай уг, Нэходаагай уг – зургаан зуун дүшэн хоёр хүн.

Нэхэмьяа 7:64

Тэдэнэр угай бэшэгүүдые бэдэрээд, тэдээн соо өөһэд тухайгаа тэмдэглэл олобогүй, тиигээд тэдэниие санаартадай хэргэмһээ хаһаба.

Псалманууд 101:7

Сүл губида шубуун мэтэ, һандаралай дунда шара шубуун мэтэ болооб.

Псалманууд 69:5

Харин Тан руу эрмэлзэгшэ бүхы зон баясан, баярлан байг! Абарагшадаа дуратайшуул «Бурхан агууехэ!» гэжэ хододоо хэлэн байг!

Псалманууд 87:6

Үхэһэн зоной дунда хаягдаһан, агы нүхэн хуурсаг руу табигдаһан үхэнхэй хүндэл адли болооб. Та тэдээн тухай дахин һанахагүйт, тэдэ Танай мэдэлэй бэшэ.

Псалманууд 95:11

Огторгой баясаг, газар дэлхэй хүхиг! Тэнгис далай болон досоонь байгаа бүхы юумэн нэерэг лэ!

Исай 4:3

Сиондо амиды мэндэ үлөөшэд, Иерусалим соо амиды үлэгшэд, юрэдөө, амиды зоной тоодо Иерусалимда бэшэгдэнхэй бүхы зон гэгээн гээд нэрлэгдэхэ.

Ерэмияа 14:15

Тиимэһээ Би, Эзэн, Минии эльгээгээгүй, гэбэшье Минии нэрэһээ абарал буулгажа байгааша лүндэншэдтэй юу хэхэ байһанаа дуулгахамни. Тэдэ «Дайн дажар, үлэсхэлэн хооһон байдал энэ газар нютагта болохогүй» гэжэ хэлээ бэлэй. Харин Би тэдэниие дайн дажарта болон үлэнхэ хооһон байдалда оруулан хюдахаб!

Ерэмияа 17:13

Эзэн, Та – Израилиин найдабарит. Танһаа арсан ошогшод нэрээ гутааха, тооһон дээрэ бэшэһэн бэшэгтэл үгы болохо. Юуб гэбэл, тэдэ Таниие, Эзэниие, сэбэр уһанай булагые, орхибо ха юм.

Ерэмияа 23:20

Тэрэнэй һанаһанаа хээгүйдэнь энэ түгэсэхэгүй. Зон һүүлдэнь лэ энээниие ойлгохо.

Ерэмияа 4:9

«Тэрэ үдэр хаан болон ноёд айн һүрдэхэ, санаартад ухаа алдаха, лүндэншэд гайхан гэлыхэ», – гэжэ Эзэн тунхаглаба.

Эзэкээл 11:10

Орон нютагтатнай болоһон байлдаануудта хосорон һалахат. Тиихэдээ таанад бултадаа Намайе Эзэн гээд мэдэрхэт.

Эзэкээл 12:20

Олон зонтой хото һууринуудынь һандаргагдаха, орон нютагынь хооһорхо. Тиихэдэ тэдэ Намайе Эзэн гээд мэдэрхэ.

Эзэкээл 13:14

Таанадай будаһан ханые унагаахаб, тиихэдэмни байрань харагдаха. Тэрээнтэй хамта таанадшье хосорхот. Тиихэдээ Намайе Эзэн гэжэ мэдэхэт.

Эзэкээл 13:23

Тиимэһээ таанадай худал үзэл үзэхые, худалаар уридшалан юумэ мэдэхые Би болюулхаб. Таанадай һабарһаа арад зоноо абархаб. Иигэжэ Намайе Эзэн гээд мэдэрхэт».

Эзэкээл 20:38

Минии урдаһаа һөөргэдэгшэдые Би таанад сооһоо илгажа, баряанда байгша орон нютагһаань гаргаашье хадаа Израилиин газар руу оруулхагүйб. Тиихэдэм таанад Намайе Эзэн Бурхан гээд мэдэрхэт.

Даниил 12:1

Тэрэ үедэ арадайтнай аршалагша сахюусан Михаээл заларан бии болохо. Хүн түрэлтэнэй үдэжэ эхилһэн сагһаа хойшо харагдаа-үзэгдөөгүй хүндэ үе тиихэдэ тохёолдохо. Харин Бурханай ном соо бэшээтэй танай арадай бүхы зон абарагдаха.

Һошээ 4:5

Ши болон лүндэншэд үдэр, һүнигүй бүдэржэ, унан алдахат. Абяа аниргүй болгон эхыеш усадхахаб!

Һошээ 9:3

Эзэнэй үршөөһэн газарһаа тэдэ гаран ошохо баатай болохо, Эпрааим һөөргөө Египет руу бусаха, Ассиридэ сээртэй хоол эдин байха.

Михей 3:5

Эдилгэ үгэдэг зондо амгалан тайбаниие худал найдуулжа, эдилгэ үгэдэггүй зондо дайн дажар болохо гэжэ һүрдөөжэ байгааша худалша лүндэншэд арад зониием мэхэлнэ. Эзэн эдэ лүндэншэдтэ иигэжэ айладхана:

Михей 3:6

– Таанадта һүниин харанхы бууха, лүндэн табижа шадахагүйт, Таанадые шэб харанхы тойрохо, абарал буулгажа шадахагүйт. Лүндэншэд дээрэхи наран хорон орохо, тэдэнэй оршожо байһан үдэр бүрхэхэ.

Лука 10:20

Таанад ада шүдхэрнүүдые мэдэлдээ оруулһандаа бэшэ, харин нэрэеэ тэнгэридэ бэшүүлһэндээ баярлагты!

Филиппынхидтэ 4:3

Шишье, үнэн сэхэ хүдэлмэрилэгшэмни, баһа тэдэ эхэнэрнүүдтэ туһалаарай. Тэдэнэр намтай, Клементтэй болон бусадшье һүзэглэгшэдтэй хамта Һайн Мэдээсэлые эдэбхитэйгээр дэлгэрүүлээ юм. Тэдэ зоной нэрэнүүдынь мүнөө Бурханай номдо бэшэгдээ.

Еврейнүүдтэ 12:23

Нэрэнүүдынь тэнгэридэ бэшэгдэһэн Бурханай эгээн түрүүшын һүзэглэгшэдэй бүлгэмэй гэшүүдынь болон таанад ерээт. Таанад бүхы хүнүүдэй Зарга шүүгшэ болохо Бурханда, эрхим түгэс болоһон үнэн сэдьхэлтэнүүдэй һүлдэнүүдтэнь ерээт.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ гэжэ газар дэлхэйн бүтээгдэхэһээ түрүүн хараалагдаа.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

Гэршэлгэ 20:12

Үхөөшэдые, багашуулые, ехэшүүлые хаан шэрээгэй урда зогсожо байхыень би харабаб. Номууд нээлгээтэй байба. Удаань баһа нэгэ ном – амидаралай ном дэлгэгдэбэ. Үхөөшэд тэдэнэй өөһэдынь үйлэ хэрэгэй ёһоор, мүн номуудта бэшээтэй байһан ёһоор шиидхүүлээ.

Гэршэлгэ 20:15

Амидаралай ном соо бэшэгдээгүйшүүлые гал дүлэтэ нуур худар шэдээ һэн.