Эзэкээл 13:10 - Библи

¹⁰ Бүгэдэ юумэн амгалан тайбан гэжэ хэлэн, тэдэ Минии арад түмэниие мэхэлнэ. Амгалан тайбан юумэн үгы! Арад зоноймни бата бэшэ хана барихадань, тэдэ ерэжэ сагаанаар будана.

Эзэкээл 13:10 ပူးပေါင်းရင်းမြစ်များ

4 Хаан түрэнүүд 21:9

Теэд тэдэнэр Эзэнэй үгые дуулабагүй. Мэнашшээ өөрынгөө арад зониие харгы замһаань хадууруулжа, тэдэнэр израильшуудта газарыень үгэхэ гэжэ Эзэнэй хюдаһан арадуудһаа бүри дороор харатай хэрэгүүдые үйлэдэдэг болоо.

2 Угай бэшэг 18:12

Михай гэгшые дуудахаяа ошогшо нэгэн: – Михай, лүндэншэд нэгэн хүн мэтэ бултадаа хаанда һайн мэдээ дуулган, лүндэн табина. Танайшье үгэ тэдээндэл адли байг лэ, һайн мэдээ дуулгыт даа, – гэбэ.

Һургаал 12:26

Үнэн шударга хүн хажуудахидаа газаршан болодог. Нүгэлтэнэй зам өөрыень төөрюулдэг.

Исай 30:10

Тэдэ үзэлшэдтэ «үзэл бү үзэгты» гэнэ, мэдэлшэдтэ «мүн болохо юумэ бидэндэ бү харуулагты, бидэнэй дуулахаяа һанаһан юумэ хэлэгты, аятай юумэ мэргэлэгты.

Исай 57:21

Нүгэл хилэнсэгтэй зондо ямаршье амар амгалан байхагүй». Иигэжэ Бурхамнай айладхажа байна.

Ерэмияа 14:13

Тиихэдэнь би: – Хүсэн Түгэлдэр Эзэн! Мэдэнэ гүт, ямаршье дайн болохогүй, үлэсхэлэн хооһон байдал үзэхэгүйт гэжэ лүндэншэд улад зондо соносхожо байна. Энэ газар нютагта саг үргэлжын амар амгалан байдалые Танай үршөөһэн тухай тэдэ хэлэнэ, – гэбэб.

Ерэмияа 23:17

Минии үгэ дуулахаһаа арсадаг зондо тэдэ «Амар амгалан байхат» гэжэ хэдэн дахин хэлэжэл байна. Үсэд, һанаашаараа юумэ хэдэг зондо «гай тодхор таанадтай тохёолдохогүй» гээд хэлэнэ.

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Ерэмияа 28:9

Амгалан тайбан байха гээд соносходог лүндэншын хэлэһэн үгэнүүдэй үнэн дээрээ бэелүүлэгдэшоо гээшэ һаань, тэрэ Эзэнэй үнэхөөр эльгээһэн лүндэншэ гээд мэдэрэгдэхэл, – гээд хэлэбэб.

Ерэмияа 4:10

Тиихэдэнь би: «Оо, Хүсэн Түгэлдэр Эзэн! Та Иерусалимай арад зониие үнэхөөр лэ мэхэлээт! Амар амгалан байхат гэжэ тэдээндэ хэлээ һэнта, теэд хоолойдонь мүнөө эритэ табяатайл», – гэжэ хэлэбэб.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 50:6

Минии арад түмэн төөриһэн хонид мэтэ, нэгэ гүбээһээ нүгөө гүбээ хүрэтэр тэнэн-төөрин ябаа, гэрээшье мартаа, хонишодынь тэдэниие төөрюулээ.

Ерэмияа 6:14

Арадаймни хүндэ шархануудай багахан шулгархай байһан мэтэ тэдэ хайша хэрэгээр тэрэнииень эмшэлнэ. «Бүхы юумэн һайн» гээд тэдэ хэлэнэ. Теэд һайн юумэн үгы!

Ерэмияа 8:11

Минии арад зоной шархые оройдоол багахан шулгархай мэтээр эмшэлнэ. «Бүхы юумэн һайн» гэлдэхэ, харин һайн юумэн үгыл.

Ерэмияа 8:15

Амгалан тайбаниие хүлеэһэмнай, ямаршье һайн юумэн ерэбэгүй. Бурхан бидэниие хүлисэхэ гэжэ найдаһамнай, аймшагтай юумэн болобо.

Эзэкээл 13:16

Тэдэ Израилиин худал лүндэншэд Иерусалимда бүхы юумэн һайн гэжэ худал лүндэн табижа, худал үзэгдэлнүүдые тунхаглажа байгаа. Теэд һайн юумэн оройдоошье үгы ха юм! Энэ болбол Би, Эзэн Бурхан, айладхана мүн!

Эзэкээл 22:28

Тиихэдэнь лүндэншэдынь тэрэ нүгэлыень бүглэжэ, худал үзэгдэл хаража, уридшалан хэлэхэдээ, хуурмаг юумэ дуулгана. Дээдэ Эзэн иигэжэ айладхаа гээд тэдэ хэлэнэ, харин Би тэрэ юумыень оройдоошье айладхаагүй бэлэйб.

Эзэкээл 7:25

Зоболон ерэжэ байна. Таанад амгалан байдал бэдэрбэшье, олохогүйт.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Михей 2:11

Һалхин мэтэ хүн, таанадай һанаае худалаар тэгшэлжэ, «үзэмэй дараһан архи тухай болон үшөө дахин үзэмэй дараһан архи тухай!» гэжэ хэлэжэ байгааша хүн һанаандатнай таараха байгаа.

Малаахи 3:15

Мүнөө ехэрхүү бардам хүнүүдые үреэлдэ хүртэһэн гэжэ хэлэнэ. Муу үйлэ хэгшэд урда гарана. Тэдэ Бурханиие туршажа, нүгэл үйлэдэнэ, харин Бурхан тэдэниие хэһээнэгүй» гэдэг.

Фессалоникиинхидтэ 1-дэхи 5:3

Хүнүүдэй «Амгалан тайбан, аюулгүй һуунабди» гэжэ байхада, тэдэниие гэнтэ һүйдхэхэ. Тэрэ һүйдхэл болбол түрэхөө байһан эхэнэрэй үбдэдэг мэтэ гэнтэ эхилхэ, тиимэһээ хүнүүд тэрээнһээ зайлажа шадахагүй.

Тимофейдэ 1-дэхи 4:1

Һүүлшын үдэрнүүдтэ зарим хүнүүд һүзэгөө алдаха, ада шүдхэрнүүдэй альбанда орохо, шолмосой һургаалые анхарха гээд Арюун Һүлдэ элеэр хэлэнэ.

Тимофейдэ 2-дохи 3:13

Харин хара һанаатай, мэхэшэ зон бусад зониие эндүүрүүлхэ, өөһэдөөшье эндүүрэн бүри муу муухай юумэ үйлэдэжэл байха.

Иоаннай 1-дэхи хандалга 2:26

Эдэ бүгэдые таанарые мэхэлхэеэ һанагшад тухай бэшэбэб.

Гэршэлгэ 2:20

Теэд таанадые зэмэлхэ зарим юумэн Намда бии: өөрыгөө лүндэншэ гээд тоолодог Изээбэл һамгые таанад зүбшөөнэт; тэрэ һамган өөрынгөө һургаал заабариие номножо, Минии зарасанарай тархи толгой эрьюулнэ, тэдэниием зальхай һамуу ябадалтай болгоно, худал бурхануудта үргэһэн хоол эдюулжэ һургана.