Эзэкээл 11:21 - Библи

²¹ Харин жэгшүүритэй муухай онгонуудта мүргэдэг зониие хэһээхэб. Энэ болбол Би, Эзэн Бурхан, айладхана мүн!

Эзэкээл 11:21 ပူးပေါင်းရင်းမြစ်များ

Экклезиаст 11:9

Залуу байгаа сагтаа баярлажа сэнгэ. Залуу наһанайш үдэрнүүдтэ зүрхэ сэдьхэлшни хүхюун тэнигэр байг. Сэдьхэлэй хүсэл, өөрынгөө нюдэнэй хараса дахан бай. Гэхэдээ энэ бүгэдынгөө түлөө Бурханай урда харюусаха саг ерэхэ гэжэ бү мартаарай.

Ерэмияа 1:16

Намайе орхижо, ондоо бурхадта үргэл үргэжэ, шүтөөнүүдые хэжэ, тэдээндэ һүгэдэн мүргэдэг болоһонойнь, нүгэл үйлэдэһэнэйнь тула Би Өөрын арадта хэһээлтэ амасуулхаб.

Ерэмияа 16:11

Тиихэдэнь ши тэдээндэ: – Элинсэг хулинсагайтнай Намайе орхиһоной түлөө гэжэ Эзэн айладхана! Тэдэ ондоо бурхадые дахажа, тэдээндэ алба хэжэ, урдань һүгэдэн мүргэжэ байгаа. Харин Намайе орхижо, Минии хуули сахяагүй гэжэ Эзэн айладхана.

Ерэмияа 16:18

Минии газар нютагые бузарлаһанайнь түлөө Би эгээл түрүүн тэдэнэй гэм зэмэ, нүгэлые дабхар түлүүлхэб! Һэе хүүр мэтэ амигүй, жэгшүүрилтэ шүтөөнүүдээрээ, худал хуурмаг бурхадаараа тэдэ газарыем дүүргээ.

Ерэмияа 17:9

Хүнэй зүрхэ сэдьхэл харатай, заһахын аргагүй. Тэрэниие хэн ойлгожо шадахаб?

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Эзэкээл 11:18

Тэдэ бусахадаа, тэрэ газарһаа жэгшүүритэй муухай онгонуудые үгы хэн хаяха.

Эзэкээл 14:3

– Хүнэй үри Эзэкээл! Эдэ зон зүрхэ сэдьхэлээ онгонуудта зорюулжа, гэмтэ зам шэлэнхэй. Тиигээд мүнөө болоходо тэдээндэ зүбшэл үгэхэ гэжэ Намайе һанана гү?

Эзэкээл 16:43

Залуу байхадаш туһалдаг дэмжэдэг тушаам мартажа, муу муухай юумэ үйлэдэжэ, Намайе ехэ сухалдуулааш. Һальхай һамуу ябадал гарган, жэгшүүритэй юумэ хэжэ байгааш. Энээниие өөрыншни толгой дээрэ буулгажа, хэһээхэб! Энэ болбол Би, Эзэн Бурхан, айладхана мүн!

Эзэкээл 20:16

Юундэ тиигээбиб гэхэдэ, тэдэ Минии зарлигуудые, хуули ёһонуудыем дүүргээгүй, субботонуудыемни бузарлаа, хамаг сэдьхэл бодолоороо онгонуудта мүргэхэ гэжэ зүдхөө.

Эзэкээл 20:31

Онгонуудта бэлэг сэлэг, үнгэрхэдөө, өөрын үхи хүүгэдые үргэжэ, өөһэдыгөө бузарлаад, мүнөө болоходо Минии хүсэл, түсэб мэдэхэеэ һананат. Ямаршье харюу таанадта үгэхэгүйб гэжэ Би, Эзэн Бурхан, амиды мэндэ байһаараа тангариглан соносхоноб.

Эзэкээл 20:38

Минии урдаһаа һөөргэдэгшэдые Би таанад сооһоо илгажа, баряанда байгша орон нютагһаань гаргаашье хадаа Израилиин газар руу оруулхагүйб. Тиихэдэм таанад Намайе Эзэн Бурхан гээд мэдэрхэт.

Эзэкээл 22:31

Тиимэһээ угаа ехээр уурлажа, Би тэдэниие хэһээхэб, үйлэ хэрэгүүдынь өөһэдынь толгой дээрэ буулгахаб. Энэ болбол Би, Эзэн Бурхан, айладхаа мүн!

Эзэкээл 7:3

Израилиин арад түмэн, шинии хосорхо сагшни ерээ. Хэһэн хэрэгүүдыешни, жэгшүүрилтэ муу муухай ябадалайшни түлөө Би шамайе шүүхэб, тиихэдэм ши Минии уур хилэнгые мэдэрхэш.

Эзэкээл 7:4

Би шамайе хайрлахагүйб, энэрэл үзүүлхэгүйб, хэһэн хэрэгүүдэйшни хэмээр, жэгшүүрилтэ ябадалайшни түлөө шамайе хэһээхэб. Тиихэдэм таанад Намайе Эзэн гээд мэдэрхэт.

Эзэкээл 7:8

Удахагүй таанад Минии уур хилэнгэй бүхы хүсэ өөр дээрээ мэдэрхэт. Хэһэн үйлэ хэрэгүүдэйтнай хэмээр таанадые хэһээхэб, жэгшүүритэй муухай ябадалайтнай түлөө гэм зэмые өөһэдтэтнай амасуулхаб.

Эзэкээл 9:10

Тиимэһээ Би тэдэниие хайрлахагүйб, энэрэл үзүүлхэгүйб. Хэһэн юумыень өөһэдтэнь амасуулхаб.

Еврейнүүдтэ 10:38

Үнэн сэдьхэлтэн этигэл һүзэгэйнгөөл ашаар амидарха, хэрбээ хэн нэгэнэй таталзабалнь, Би тэрэниие һайшаахагүйб.

Иудын хандалга 1:19

Тиимэ зонһоо боложо хүнүүд эбээ таһалдаг, тэдэ зон бэеынгээ хүсэлэнгүүдтэ хүтэлүүлэн, Арюун Һүлдэгүй ажамидардаг.