Эзэкээл 10:19 - Библи

¹⁹ Херүүбүүд далинуудаа дэбижэ, газарһаа дээшээ дэгдэн ниидэбэ. Би тэдэниие адаглан байгаа һэм. Сахаригуудшье тэдэнэй хажууда эрьелдэн ниидээ бэлэй. Тэдэ нангин үргөөгэй зүүн бартаануудай хажууда тогтобо, Израилиин Бурханай алдар соло дээгүүрнь заларан туяаран байгаа һэн.

Эзэкээл 10:19 ပူးပေါင်းရင်းမြစ်များ

Эзэкээл 10:1

Херүүбүүдэй толгой дээгүүр агаар мандал байгаа бэлэй. Би тэрээн руу харахадам, мандал дээгүүр сапфир шулуугаар бүтээһэн хан шэрээ мэтэ юумэн байгаа һэн.

Эзэкээл 11:1

Бурханай Һүлдэ намайе үргэжэ, Эзэн Бурханай нангин үргөөгэй зүүн бартаанууд руу асарба. Тэндэ хорин табан хүниие, тэдэнэй тоодо арад түмэнэй удамаршад болохо Аззуурай хүбүүн Яазаанияае, Бэнайяа гэгшын хүбүүн Пэлаатияа гэгшэдые харабаб.

Эзэкээл 43:1

Тэрэ хүн намайе нангин үргөөгэй зүүн үүдэнүүдтэ абаашаба.

Эзэкээл 43:2

Зүүн зүгһөө мандан заларжа байһан Израилиин Бурханай һүр жабхаланай ялагар алдар соло тэндэ обёорбоб. Тэнгис далайн шааяандал адли һүрөөтэй шанга абяан дуулдажа, бүхы оршон дэлхэй Тэрэнэй һүр жабхалангаар яларжа толоржо байгаа һэн.

Эзэкээл 43:4

Эзэнэй алдар соло зүүн үүдэнүүдээр нангин үргөө руу шэнгэн оробо.

Эзэкээл 8:16

Тиигээд Тэрэ намайе нангин үргөөгэй дотоодо хашаа руу оруулба. Тэндэ үүдэнэй болон үргэлэй шэрээгэй хоорондо нюргаараа Эзэнэй нангин руу, нюураараа зүүн зүг руу зогсон, мандажа байгаа наран руу мүргэжэ байгааша хорин табан хүн харагдаба.