Эзэкээл 1:4 - Библи

⁴ Минии харахада, хойто зүгһөө һалхи шуурган ерэжэ ябана, сахилгаан мэтэ хурса гэрэл асари томо үүлэнһээ ялбажа, тойроод туяа гэрэл сасаран байгаа бэлэй. Гал соо улайжа байгша түмэр мэтэ гэрэл сахилгаан дотор үзэгдөө һэн.

Эзэкээл 1:4 ပူးပေါင်းရင်းမြစ်များ

3 Хаан түрэнүүд 19:11

Эзэн харюусаба: – Газаашаа гараад, Минии урда, хада дээрэ зогсо. Зай, Эзэн үнгэржэ, асари ехэ хүсэтэй һалхи эльгэхэдэнь, хаданууд хамхаржа, хабсагайнууд бутаржа байба. Гэбэшье тэрэ һалхин дотор Эзэн байгаагүй. Һалхинай удаа газар хүдэлбэ. Гэбэшье газар хүдэлэлгын дотор Эзэн байгаагүй.

4 Хаан түрэнүүд 2:11

Тэдэ хоёр хөөрэлдэһөөр, аян замаа үргэлжэлүүлжэ, харгыгаар саашалбад. Гэнтэ дайшалхы гал тэргэ, гал морид бии болоод, хуй һалхин эшхэржэ, Элияае Элишааһаа холодхон, тэнгэри өөдэ абаад ябашаба.

Иоов 38:1

Хара һалхин сооһоо Иоовто Эзэн харюусаба:

Псалманууд 50:3

Бурхан, энэрэл хайраараа Та намайе хайрлыт! Үршөөл ехэтэй Та алдуу эндүүем арилгыт!

Египедһээ гаралга 9:24

Египет орондо урдань хэзээдэшье үзэгдөөгүй ехэ мүндэр оробо, сахилгаан сахилба.

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Исай 21:1

Далайн эрьедэхи элһэн сүл губи тухай зүн. Урда зүгэй газараар бурьялагша хуй һалхин мэтэ дайсан элһэн сүл губиһаа, аймшагтай газарһаа ерэжэ байна.

Ерэмияа 23:19

Үзөөрэйгты, Эзэнэй уур хилэнтэй шуурган эбхэрэн дүтэлжэ байна. Тэрэ хорон муу зоной толгой дээрэ эрьелдэн бууха.

Ерэмияа 25:32

Израилиин Бурхан, Түмэн Сэрэгтэ Эзэн иигэжэ айладана: Гай тодхор нэгэ үндэһэ яһатанһаа нүгөөдэ үндэһэ яһатан хүрэтэр дамжан ябана, газар дэлхэйн аласһаа агууехэ шуурган хүдэлжэ эхилээ.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 4:6

Тогтонгүй гүйжэ, амияа абархыень туг үргэн, Сиондо дохёо тэмдэг үгэгты. Ушарынь гэбэл, Эзэн хойто зүгһөө гай гасалан ба агууехэ сүйд асаржа байна.

Ерэмияа 6:1

Бэньямиинэй үри һадаһад, ами наһаяа абархаяа Иерусалимай хотонуудһаа тэрьедэн ошогты! Гай гасалан, агууехэ сүйд хойто зүгһөө болохоёо байна гэжэ Тэкооһада бүреэ үлеэжэ, Бэт-Һахээрэмдэ һэргылэмжын тугуудые үргэгты.

Эзэкээл 1:27

Тэрэ түхэл дүрсэ гал дүлэндэ улайжа байһан гуулин түмэр мэтэ бүхыдөө ялаганажа, хажуугаарнь туяа гэрэл сасаржа байһандал бэлэй.

Эзэкээл 13:11

Тэрэ худал лүндэншэдтэ ханань унахаяа байна гэжэ дуулга. Аадар бороо эльгэхэдэмни, мүндэр тэрэниие сохихо, шанга һалхин үлеэхэ.

Эзэкээл 13:13

Тиимэһээ Эзэн Бурхан иигэжэ тунхаглана: – Уур сухал дундаа Би шанга һалхи, аадар бороо, мүндэр эльгэжэ, хана унагаахаб.

Эзэкээл 43:3

Энэ үзэгдэл хадаа Иерусалим хото усадхаха зорилготойгоор Эзэн Бурханай заларан ерэһые хараһандамни, мүн Хэбаар голой эрьедэ минии хараһан үзэгдэлнүүдтэ адлирхуу бэлэй. Би тэрэ дары газар руу һүгэдэн унаа һэм.

Эзэкээл 8:2

Хүнэй түхэлтэй гал дүрсэ харабаб. Уусаһаань доошоо гал, уусаһаань дээшээ ялагар гуулин мэтэ тэрэ дүрсэ яларжа байгаа.

Захарияа 6:6

Хара морид хойто зүг руу шэглэнхэй, хойноһоонь сагаан морид ябана, алаг морид үдын наранай орон тээшэ ошохо, – гэжэ Эльгээмэл харюусаба.

Еврейнүүдтэ 12:29

Ушарынь гэхэдэ, манай Бурхан үнэхөөрөө һүнөөдэг гал дүлэн гээшэ.

Гэршэлгэ 1:15

Хүлнүүдынь шатама халуун пеэшэндэ халаажа улайлгаһан зэд шэнги, хоолойнь хүүюур уһан мэтэ хүнхинэжэ байгаа һэн.