Эзэкээл 1:28 - Библи

²⁸ Бороогой һүүлээр үүлэн дээгүүр һолонгын задардагтал, туяа гэрэл сасаржа байгаа. Тэрэ гэрэл Эзэнэй заларһые гэршэлһэн тиимэ гоё гэрэл бэлэйл. Энээниие харахадаа, би нюураараа газарта унажа, иигэжэ дуугаржа байгааша абяа дуулаа һэм.

Эзэкээл 1:28 ပူးပေါင်းရင်းမြစ်များ

Эхин 17:3

Абрам газар мүргэн һүгэдэбэ. Бурхан тэрээндэ хандан, үгэеэ үргэлжэлүүлбэ:

Египедһээ гаралга 16:10

Эдэ үгэнүүдые Аһарооной Израилиин зондо дамжуулхадань, тэдэ губи тээшэ харасаа шэглүүлбэ. Тэндэхи зэрэлгээтэ огторгойдо Эзэнэй һүр һүлдэ үүлэн түхэлөөр үзэгдөө һэн.

Египедһээ гаралга 16:7

Үглөөдэр үглөөгүүр Эзэнэй һүр соло харахат. Юуб гэхэдэ, таанадай гэмэрэлдээн Тэрээндэ дуулдаба. Харин бидэ хэн гээшэбибди? Юундэ манда гэмэрхэ болобот?

Египедһээ гаралга 24:16

Эзэнэй һүр соло Синай уулада буугаа. Зургаан үдэртэ хадые үүлэн хушанхай байгаад, долоодохи үдэртэнь Эзэн үүлэн сооһоо Моисейе дуудаба.

Египедһээ гаралга 24:17

Уулын оройдо соробхилһон гал мэтэ Эзэнэй һүр соло Израилиин зондо үзэгдөө бэлэй.

Эзэкээл 10:4

Эзэнэй алдар соло херүүбүүдһээ нангин үргөөгэй богоһо руу шэлжэрэн бууба. Нангин үргөө үүлээр дүүрэбэ, дотоо хашаа Эзэнэй алдарай туяа гэрэлээр ялараа һэн.

Эзэкээл 3:23

Тиихэдэнь би тала газар руу ошожо, Хэбаар голой дэргэдэ Эзэн Бурханай алдар соло хараһандал адляар мүн лэ тиимэ алдар соло тэндэ харабаб. Би нюураараа газар шаан унаа һэм.

Эзэкээл 43:2

Зүүн зүгһөө мандан заларжа байһан Израилиин Бурханай һүр жабхаланай ялагар алдар соло тэндэ обёорбоб. Тэнгис далайн шааяандал адли һүрөөтэй шанга абяан дуулдажа, бүхы оршон дэлхэй Тэрэнэй һүр жабхалангаар яларжа толоржо байгаа һэн.

Эзэкээл 44:4

Удаань тэрэ хүтэлэгшэ намайе нангин үргөөгэй нюур тала руу хойто хаалгануудаар абаашаба. Нангин үргөө Эзэнэй алдар солоор толорон байһыень харамсаараа газар руу һүгэдэн унабаб.

Эзэкээл 8:4

Хэбаар голой эрьедэ байхадаа харагша гоё һайхан гэрэл туяа, Эзэн Бурханай заларһые гэршэлэгшэ гэрэл туяа, би тэндэ хараа һэм.

Даниил 8:17

Минии зогсожо байгааша тэрэ газар руу тэрэ дүтэлбэ. Дүтэлхэдэнь, би угаа айжа, доошоо унаа бэлэйб. Тэрэ намда иигэжэ айладхаба: – Хүнэй хүбүүн, мэдэжэ бай: энэ хадаа һүүлшын саг тушаа үзэгдэл гээшэ.

Левит 9:24

Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Хэрэгүүд 9:4

Газарта унаад, тэрэ: – Саул, Саул, юундэ ши Намайе хашан мүрдэнэбши? – гэһэн абяа дуулаба.

Римэйхиндэ 9:4

Тэдэ израильшууд Бурханай шэлэжэ абаһан хүнүүд юм. Бурхан тэдэндэ алдараа харуулаа, тэдэнтэй хэлсээ баталаа, тэдэндэ Хуули, тиигээд шүтэлгын Һүмэ ба найдуулгаа үгөө.

Коринфынхидтэ 1-дэхи 13:12

Мүнөө бидэ Бурханиие бүүдэг гэрэлэй һүүдэртэ адли харанабди, харин һүүлдэнь Тэрээнтэй сэхэ харилсахабди. Мүнөө юумэ гүйсэд мэдэнэгүйб, харин һүүлдэ Бурханай намайе мэдэһэндэл адляар би юумые бүрин түгэс мэдэдэг болохоб.

Гэршэлгэ 10:1

Удаань үүлэ нэмэрһэн бата хүсэтэй ондоо нэгэ Эльгээмэлэй тэнгэриһээ буужа ябахые харабаб. Толгой дээгүүрнь һолонго татанхай, нюур шарайнь наран шэнги, хоёр хүлынь гал баханануудтал адли.

Гэршэлгэ 4:3

Хаан шэрээ дээрэ тэрэ Һуугаашань үнэтэ хас шулуун, мана шулуун шэнгеэр толоржо байба. Хаан шэрээень тойроод, номин шулуун мэтээр һолонго ялалзан татажа байба.

Ударидагшад 13:20

Үргэлэй шэрээһээ галай дүлэн огторгой өөдэ дэгдэбэ. Тиихэдэнь Эзэнэй Эльгээмэл тэрэ дүлэнтэй хамта дэгдэлсэбэ. Манооһаа ба тэрэнэй һамган эдэ бүгэдые хараад, нюураараа газар дэрлэн унажа, Тэрээндэ зальбаршабад.