Еврейнүүдтэ 9:14 - Библи

¹⁴ Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Шэнэ Хэлсээн

¹⁴ Христосой шуһан бузарнуудыень бүрин түгэс арилгадаг юм. Тэрэ мүнхын Һүлдөөр дамжуулан өөрыгөө Бурханда үргөө. Тэрэнэй шуһань сэдьхэлыемнай дэмы хэрэгүүдһээ арилгаад, амиды Бурханда алба хэхэ аргатай болгохо.

Еврейнүүдтэ 9:14 ပူးပေါင်းရင်းမြစ်များ

2 Хаан түрэнүүд 4:11

Харин мүнөө харатай муу зоной гэмгүй хүниие гэртэнь, өөрынь орон дээрэ алаад байхада, би тэрээнэйнь түлөө тэдэниие харюусалгада татахаб! Таанадые газарай хүрьһэнһөө аршажа хаяхаб!

4 Хаан түрэнүүд 19:16

Мүнөө шэхээ табижа, шагныт, нюдөө нээжэ, харыт! Амиды Бурханиие доромжолхо гэжэ элшэдээ эльгээһэн Сэннахэриибэй үгые соносыт!

Иоов 15:16

Харин хүн гэжэ бузар амитанда найдалтай гү? Булагай уһанай гараһантай адли хүнэй гэм буруу таһархагүй.

Египедһээ гаралга 12:5

Ямаршье дутагдал гажуугүй жэлтэй эрэ хурьган байха зэргэтэй. Хурьганай орондо эшэгэ абахада баһа болохо.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 53:9

Хэзээдэшье хүсэрхэлгэ хээгүйшье һаань, хүүрынь хуулигүй зоной булашада оршоо. Тэрэнэй худал юумэ хэлэжэ байхыень нэгэшье хүн дуулаагүй, тиимэһээ баян зонтой хамта тэрэ хүдөөлүүлэгдөө».

Исай 57:15

Би болбол хэтэ мүнхэдөө оршогшо үндэр болон арюун Бурхан гээшэб. Үндэр, нангин газарта оршодогшье һаа, Би даруу зантай, гэм зэмээ мэдэрдэг зонтой хамта байнаб. Иигэжэ Би тэдэнэй зориг, этигэл һэргээнэб.

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Эзэкээл 45:18

Эзэн Бурхан иигэжэ айладхана: – Һарын шэнэдэ ямаршье эрэмдэггүй буруу абажа, үргэл хээд, нангин үргөөе арюудхаха болонот.

Даниил 6:26

Минии зарлиг иимэ: хан түрымни алишье газар нютагай улад зон Даниилай Бурханһаа айн-шэшэрэн байг лэ. Тэрэ болбол амиды мэндэ, диилдэхэгүй Бурхан мүн, хааншалалгань хэтэ мүнхэ, зонхилолгонь заха хизааргүй.

Левит 22:20

Эзэндэ тулюур, муу, туранхай, үбшэн мал бү үргэгты. Муу мал үргэхэдэтнай, танда үршөөл хайрлагдахагүй.

Тоололго 28:11

Шэнэ һарын эхиндэ тахилай шэрээ дээрэ түгэс шатаалта үргэлдэ иимэ үргэлнүүдые асарагты: эрэмдэггүй эбэртэ бодо малнуудһаа хоёр буруун буха, нэгэ хуса, долоон эрэ хурьга.

Тоололго 28:3

Түгэс шатаалта үргэлдэ үдэр бүри эрэмдэг бэшэ хоёр түлгэн хурьга үргэжэ байгты.

Тоололго 28:9

Субботодо эрэмдэггүй хоёр түлгэн хуса, оливын тоһонтой холёотой эфаагай арбанай хоёр хуби гурил, мүн үзэмэй дараһан архи асарагты.

Матвей 12:28

Хэрбээ Бурханай Арюун Һүлдөөр ада шүдхэрнүүдые дарадаг һаамни, тэрэ Бурханай хаан түрын эндэтнай тогтоод байһые баталха.

Матвей 16:16

– Та Бурханай табисууртат, Амиды Бурханай Хүбүүнта, – гэжэ Симон Пётр харюусаба.

Матвей 20:28

Хүн түрэлхитэнэй Хүбүүн хүнүүдые зарахаяа ерээ бэшэ, харин бусад уладта алба хэхэеэ, мүн үнэтэ ами наһанайнгаа сэнгээр олон хүнүүдые абархаяа ерээ, – гэбэ.

Матвей 7:11

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Лука 1:74

дайсадайтнай гарһаа мулталан абархаб гээ. Тиимэһээ бидэ айлтагүйгөөр Эзэндээ алба хэжэ,

Лука 12:24

Хирээнүүдые хараад үзэгты: тэдэ таряа таридаггүй, хададаггүй, хадагалха газаршьегүй, амбааршьегүй, гэбэшье тэдэниие Бурхан тэжээдэг. Таанад шубуудта орходоо үнэтэй сэнтэйлта!

Лука 12:28

Мүнөөдэр эндэ ургажа байгаад, үглөөдэрынь, магад, галда шатаагдажашье болохо хээрэ ургаһан алишье ногоо Бурхан үзэсхэлэнтэ гоёор шэмэглэдэг юм. Харин таанадые Бурхан тэрэ ногоонһоо һураггүй ехээр анхараа бэзэ, этигэл багатан!

Лука 4:18

«Эзэнэй Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхыемни, Хаалтада, баряанда байгшадта эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Эзэн эльгээгээ юм.

Иоанн 3:34

Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ.

Хэрэгүүд 10:38

Назаредэй Иисүүсые Арюун Һүлдөөр болон хүсэ шадалаар Бурханай дүүргэхэдэнь, Тэрэ хаа хаанагүй ябажа, буянтай хэрэгүүдые үйлэдэжэ, шолмосто баригдаһан хүн бүхэниие эдэгээжэ байһыень таанад баһа мэдэнэт. Бурхан Тэрээнтэй хамта байгаа бшуу.

Хэрэгүүд 14:15

– Хүнүүд, юу хэжэ байнабта? Бидэ таанадтал адли юрын хүнүүд гээшэбди! Таанадай онгонуудһаа зайсажа, дээдэ огторгой, газар, далай, досоонь байгааша бүхы юумэ бүтээһэн Амиды Бурханда һүгэдэн хандахынтнай тула бидэ таанадта Һайн Мэдээсэл асараабди.

Хэрэгүүд 15:9

Бурхан маанадай болон бусад арадуудай хоорондо ямаршье илгаа гарганагүй, юундэб гэхэдэ, тэдэнэй зүрхэ сэдьхэл этигэлээр арюудхагдаа.

Римэйхиндэ 1:20

Бурханай харагдадаггүй мүнхэ һүр хүсэн болон Бурханай мүн шанарынь газар дэлхэйн бүтээгдэхэһээ эхилэн Тэрэнэй бүхы бүтээһэн юумэнүүдые хаража үзэһэнэй ашаар эли ойлгогдоно. Тиимэһээл үнөөхи зондо өөһэдыгөө хамгаалха юумэн байхагүй.

Римэйхиндэ 11:12

Еврейнүүдэй нүгэлһөө боложо газар дэлхэйнхид элбэг дэлбэгээр буян хэшэгтэ хүртөө, тэдэнэй оюун сэдьхэлэй ядуу байһанһаа бусад арадууд баян бардамаар буян хэшэгтэ хүртөө. Тиихэдэ еврейнүүдэй Бурханда хандабалнь, буян хэшэг бүришье элбэг дэлбэгээр үгтэхэ бэшэ аал.

Римэйхиндэ 11:24

Бусад арадууд, таанад зэрлиг оливай һалаа набшаһадта адлит. Хэрбээ өөһэдынгөө зэрлиг модонһоо таһалагдаад, ондоо таримал оливай модондо һуурижуулагдадаг байхадань, таримал модоной һалаада адли еврейнүүдые түрэл һууриндань һуулгахада Бурханда бүришье амархан бэшэ гү?

Римэйхиндэ 6:13

Бэеынгээ алишье эрхэтэниие нүгэлдэ хүтэлхэ хуурмаг ябадалай зэбсэг бү болгогты. Зүгөөр үхөөд амидырһан зондол адляар өөһэдыгөө Бурханда зорюулан, бэеынгээ алишье эрхэтэниие Бурханай хэрэглэхэ зүб ябадалай зэбсэг болгогты.

Римэйхиндэ 6:22

Мүнөө таанад нүгэл шэбэлһээ сүлөөлэгдөөд, Бурханай барлагууд болобот. Тэрэнэй үрэ дүндэнь таанад арюун гэгээн болобот, мүнхын амидаралда хүртэбэт.

Коринфынхидтэ 1-дэхи 15:45

«Түрүүшын хүн, Адаам, амитай болоо, харин һүүлшын Адаам ами хайрладаг Һүлдэ юм», – гээд Нангин Бэшэг соо хэлэгдэнэ.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Коринфынхидтэ 2-дохи 6:16

Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».

Галадуудта 2:19

Хуули гээшэ үхэлһөө ондоо юумэ намда үгэжэ шадахагүй хадаа ажамидаралдамни ямаршье удхагүй юм. Тиимэһээ би Бурханай түлөө амидарнаб. Мүнөө би өөрөө амидарна бэшэб, харин Христоос зосоомни амидарна. Намда хайра дуратай байжа, минии түлөө Өөрыгөө үргэһэн Бурханай Хүбүүндэ һүзэглэдэг дээрэһээ би мүнөө амиды ябанаб. Би Христоостой хамта хэрээһэндэ хадуулааб.

Эфесэйхиндэ 2:5

нүгэл шэбэлһээ боложо үхэһэн бидэниие Христоостой хамта амидыруулаа. Таанад Бурханай үршөөл хайраар абарагдабат.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Хуули дабталга 15:21

Малда ямар нэгэн дутагдал – дохолон гү, али һохор, үгышье һаа, үшөө ондоо дутуу дундатай байгаа һаань, тэрэниие Эзэн Бурхандаа бү үргэ.

Хуули дабталга 17:1

Дутагдал зэмдэгтэй үхэр гү, али хони Эзэн Бурхандаа бү үргэгты. Юуб гэхэдэ, энэ хадаа Эзэн Бурхандатнай жэгшүүритэй муухай юумэн гээшэ.

Хуули дабталга 31:27

Зоной үсэдые, өөрынхиеэ табихаяа һанадаггүйе мэдэнэб. Минии бүхы наһанай үргэлжэлдэ тэдэ Эзэндэ үсэрхэжэ байна. Гээгдэһэнэйм удаа бүри үсэд болохо юм бэшэ гү?

Хуули дабталга 33:27

Эртэ урдын Бурхан – амарха газар, Тэрэнэй хэтэ мүнхэ гарнууд таниие дэмжэдэг, Тэрэ хажууһаатнай дайсадыетнай үлдөө, тэдэниие «хюда!» гээд танда айладаа.

Хуули дабталга 5:26

Гал дүлэн сооһоо дуугаржа байһан амиды Бурханай хоолойе бидэндэл адли дуулажа, амиды мэндэ үлэһэн амитан бии юм аал?

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Тимофейдэ 1-дэхи 1:17

Хэтэдээ амиды, нюдэндэ харагдадаггүй мүнхын Хаан, ори ганса Бурхан хэтын хэтэдэ хүндэтэй, алдар солотой байг лэ. Болтогой!

Тимофейдэ 1-дэхи 3:15

Хэрбээ минии һаатабал, үнэн зүбэй тулга ба түшэг болохо амиды Бурханай һүзэглэгшэдэй бүлгэмдэ, али Бурханай гэртэ яажа бидэ өөһэдыгөө абажа ябаха ёһотойбибди гэжэ энэ бэшэг сооһоо мэдэжэ байхаш.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Еврейнүүдтэ 10:10

Иисүүс Христоосой Бурханай эрхэ хүсэл бэелүүлэн, Өөрынгөө бэеые нэгэтэ болон хэтын хэтэдэ үргэл болгон асарһан хадань бидэ булта нүгэлнүүдһээн мултаран арюудхагдаабди.

Еврейнүүдтэ 10:12

Христоос болбол нүгэлнүүдэй түлөө нэгэ тахил тахяад, хэтын хэтэдэ Бурханай баруун талада һуугаа.

Еврейнүүдтэ 10:2

Хэрбээ Бурханда мүргэл хэжэ байһан хүнүүдэй нүгэлнүүдынь үнэхөөрөө хүлисэгдэһэн байбал, тэдэ хүнүүд нүгэлтэйбди гэжэ өөһэдыгөө тоолохоёо болёод, тахил үргэхэеэ болихо һэн.

Еврейнүүдтэ 10:22

Тиимэһээ үнэн сэдьхэлтэйгээр, дүүрэн һүзэг этигэлтэйгээр, бузар һанал бодолнуудһаан сэбэрлэгдэһэн зүрхэ сэдьхэлтэйгээр, сэбэр уһаар угаагдаһан бэетэйгээр Бурханай ойро ошоёл.

Еврейнүүдтэ 11:21

Яков наһа барахынгаа урда тээ этигэл һүзэгтэйгөөр Иосифой хүбүүдые бултыень буян хэшэгтээ хүртөөгөөд, таягаа тулан, Бурханда мүргөө.

Еврейнүүдтэ 13:12

Тиимэһээ Иисүүсшье арад зоноо шуһаараа арюудхахын тула хотоһоо гаргуулан саазалуулаа.

Еврейнүүдтэ 3:12

Аха дүүнэрни, амиды Бурханһаа холодохогүйн тула таанад булта нүгэлгүй, этигэлтэй байхые оролдожо байгты.

Еврейнүүдтэ 6:1

Христоосой һургаалай түрүүшын хэшээлнүүдые хойноо орхижо, урагшаа дабшаял. Үхэлдэ хүргэдэг хэрэгүүдээ орхижо, Бурханда һүзэглэхэ, уһаар арюудхаха болон гараараа адислаха тухай, үхэһэн хүнүүдэй амидырха, хэтын зарга шүүбэри тухай һургаалай һуури дахин табиха хэрэггүй.

Еврейнүүдтэ 7:16

Тэрэ Хуулиин ёһоор гү, али тогтоолоор бэшэ, харин дууһашагүй амидаралай хүсөөр санаарта болоо.

Еврейнүүдтэ 7:27

Ондоо ахамад санаартадтал адли түрүүн өөрынгөө нүгэлнүүдэй түлөө, һүүлдэнь арад зоной нүгэлнүүдэй түлөө үдэр бүхэн үргэл асарха Тэрээндэ хэрэггүй. Тэрэ нэгэтэ, тиихэдэ хэтын хэтэдэ Өөрыгөө үргэл болгон үргөө.

Еврейнүүдтэ 9:12

Христоос майханда нэгэтэ ороходоол Хамагай Нангин газарта хэтын хэтэдэ ороо, тиин Тэрэ тэхын гү, али буха буруугай шуһа тахил болгон абажа ороогүй, харин Өөрынгөө аминай ба шуһанай сэнгээр нүгэлнүүдыемнай арилгаа.

Еврейнүүдтэ 9:26

Тиигээгүй һаа, Тэрэ газар дэлхэйн зохёон бүтээгдэхэһээ эхилээд, оло дахин зобохо бэлэй. Үе сагай эсэстээ хүрэжэ байхада Тэрэ Өөрыгөө тахил болгон үргөөд, нүгэлые усадхахаар нэгэтэл, гэхэдэ хэтын хэтэдэ ерээ.

Еврейнүүдтэ 9:7

харин майханай дотоодо таһалгада жэлдээ нэгэл дахин гансал ахамад санаарта ородог бэлэй. Ахамад санаарта ороходоо, өөрынгөө түлөө, арад зоной нүгэл хэжэ байнабди гэжэ мэдэрэнгүй хэжэ байһан нүгэлнүүдэйнь түлөө Бурханда үргэхэ шуһа абажа ородог байгаа.

Еврейнүүдтэ 9:9

Энэ болбол мүнөөнэй үе сагые зураглаһан бэлгэ тэмдэг болоно. Бурханда үргэгдэжэ байһан үргэлнүүд мүргэл хэжэ байһан хүниие гүйсэд абарха аргагүй гэһэн удхатай.

Пётрой 1-дэхи хандалга 1:19

харин бэеын дутагдалгүй, сэбэр Хурьганай, Христоосой үнэтэй сэнтэй шуһаар худалдажа абтагдаат.

Пётрой 1-дэхи хандалга 2:22

Тэрэ ямаршье нүгэл хээгүй, Тэрэнэй худал юумэ хэлэжэ байхыень нэгэшье хүн дуулаагүй.

Пётрой 1-дэхи хандалга 2:24

Бидэнэй нүгэл шэбэлһээ зайсажа, үнэн зүбөөр амидархымнай тула Иисүүс Өөр дээрээ нүгэл шэбэлыемнай даажа абаа, модон дээрэ үргэгдөө: Тэрэнэй шархаар таанад аршалагдан эдэгээт.

Пётрой 1-дэхи хандалга 3:18

Бидэниие Бурханда хандуулхын тула Христоос манай нүгэл шэбэлэй түлөө нэгэтэ зоболон эдлээ. Тэрэ үнэн сэдьхэлтэн хара һанаатай зоной түлөө бэеэ һүнөөлгэжэ, һүлдөөрөө амидыраа.

Пётрой 1-дэхи хандалга 4:2

Энэ сагһаа эхилээд, газар дэлхэй дээрэ үнгэргэхэ үдэрнүүдтээ хүнэй хүсэлэнгүүдые дахаха бэшэ, харин Бурханай дура хүсэлөөр ажамидарха ёһотойт.

Иоаннай 1-дэхи хандалга 1:7

Хэрбээ Бурхандал адляар гэрэл туяа соо байгаа һаа, хоорондоо бидэ эбтэйбди, тиин Бурханай Хүбүүн Иисүүсэй шуһаниинь маниие ямаршье нүгэл шэбэлһээ арюудхан сэбэрлэнэ.

Иоаннай 1-дэхи хандалга 3:5

Христоос Өөрөө нүгэл хээгүй аад, хүнүүдые хэһэн нүгэлһөөнь сүлөөлхэеэ ерээ гэжэ таанар мэдэнэт.

Гэршэлгэ 1:5

мүн үнэн бодото Гэршэ байһан, үхөөд, анха түрүүн амидырһан, газар дэлхэйн хаашуулай Эзэн бологшо Иисүүс Христоосһоо таанадта амгалан байдал, буян хэшэг үршөөгдэнэ. Иисүүс Христоос манда дуратай, тиимэһээ Өөрынгөө шуһа адхажа, бидэниие нүгэлһөөмнай сүлөөлөө.

1 Хаан түрэнүүд 17:26

Тиихэдэнь Давид хажуудаа зогсожо байһан хүнүүдтэ: – Энэ пилишт хүниие алажа, Израилиие доромжолхые болюулһан хүн ямар шагнал абахаб? Бэлгэеэ отолуулаагүй энэ пилишт хүн амиды Бурханай сэрэгые доромжолжо байха хэн гээшэб? – гэбэ.