Еврейнүүдтэ 8:10 - Библи

¹⁰ Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулинуудые тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо гэжэ Эзэн хэлэнэ.

Шэнэ Хэлсээн

¹⁰ Тэдэ үдэрнүүдэй һүүлдэ Израилиин арадтай баталха хэлсээн иимэ: хуулинуудаа тэдэнэй һанал бодолдо оруулхаб, зүрхэ сэдьхэлдэнь бэшэхэб. Би тэдэнэй Бурханиинь болохоб, тэдэнэр минии арад болохо гэжэ Дээдын Эзэн хэлэнэ.

Еврейнүүдтэ 8:10 ပူးပေါင်းရင်းမြစ်များ

Египедһээ гаралга 24:4

Моисей Эзэнэй бүхы үгэнүүдые бэшэжэ абаба. Үглөөдэрынь хадын хормойдо үргэлэй шэрээ түхеэржэ, Израилиин уг аймагуудай тоогоор арбан хоёр нангин шулуу зэргэлүүлэн табиба.

Египедһээ гаралга 24:7

Хэлсээнэй бэшэг уншажа үгэхэдэнь: – Эзэнэй айладаһан соо жэншэдгүй ябахабди! – гэжэ зон дабтан байба.

Египедһээ гаралга 34:1

Эзэн Моисейдэ айладаба: – Түрүүшынхидэл адли хоёр шулуун хабтаһа хайжа хэ. Шинии эбдэһэн түрүүшын хабтаһанууд дээрэ бэшээтэй байгаа үгэнүүдые Би тэрэ хабтаһанууд дээрэ бэшэхэб.

Египедһээ гаралга 34:27

Эзэн Моисейдэ зарлиг болобо: – Эдэ үгэнүүдые бэшэжэ аба. Энэ хадаа Минии шамтай ба Израильтай баталһан хэлсээнэй эрхэ нүхэсэл мүн.

Дуунай дуун 2:16

Хайрата тэрэмни гансал минии. Харин би гансал тэрээнэйб. Үүрые угтаһан һалхинай һэбшээлтэр, һүниин һүүдэрэй һүнэн зайлатар талын сараана сэсэгэй дундуур хонин һүрэгөө тэрэмни бэлшээнэ. Хайратамни, ши бусажа ерэ. Буга, гүрөөһэн мэтэ дабхар-дабхар хадын хашалангые дабажа гаталһаар намдаа ерэ.

Ерэмияа 24:7

Би тэдээндэ Намайе мэдэдэг болохо хүсэл үгэхэб. Тиихэдэм тэдэ Минии арад зон, Би тэдэнэй Бурхан болохоб. Тэдэ Нам руу бүхы зүрхэ сэдьхэлээрээ таталдан бусаха.

Ерэмияа 31:1

Эзэн ииигэжэ айладхана: – Минии Израилиин бүхы обогуудта Бурхан болохо, мүн тэдэнэй Минии арад түмэн болохо саг дүтэлжэ байна.

Ерэмияа 31:33

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулиие тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо.

Ерэмияа 32:38

Тиихэдэм тэдэ Минии арад түмэн, Би тэдэнэй Бурхан болон байхаб.

Ерэмияа 32:40

Би тэдээнтэй хэтэ мүнхын хэлсээ байгуулхаб. Һайн юумэ тэдээндэ хододоо хэдэг байхаб, холодохогүйнь тула Намһаа угаа айдаг болгохоб.

Эзэкээл 37:27

Иигэжэ Би арад түмэнэйнгөө дунда оршохоб, Бурханиинь болохоб, харин тэдэ Минии арад болохо мүн.

Эзэкээл 39:22

Тэрэ гэһэнһээ хойшо Израилиин арад түмэн өөһэдэйнь Эзэн Бурхан Минии байһые мэдэдэг болохо.

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Һошээ 2:23

Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Захарияа 8:8

Би тэдэниие һөөргэнь асаржа, Иерусалимда байрлуулхаб. Тэдэ Минии арад түмэн боложо, Би үнэн сэхэ Бурханиинь болохоб».

Римэйхиндэ 11:27

Тэдэнэй нүгэл шэбэлыень зайсуулаад, Би тэдэнтэй энэ хэлсээ баталхаб», – гэжэ Нангин Бэшэг соо бэшээтэй байдаг.

Коринфынхидтэ 1-дэхи 6:16

Янхан эмэтэй ниилэһэн хүн тэрээнтэй нэгэ бэе болоно гэжэ таанад мэдэхэгүй аалта? «Хоёр хүн ганса бэе болон эблэрхэ», – гэжэ Нангин Бэшэг соо элеэр бэшээтэй.

Коринфынхидтэ 2-дохи 3:3

Христоосой Өөрөө энэ бэшэг бэшээд маанадаар дамжуулһаниинь эли байна. Энэ бэшэг бэхээр бэшэ, харин амиды Бурханай Һүлдөөр бэшээтэй, шулуун хабтагайнууд дээрэ бэшэ, харин хүнүүдэй сэдьхэлдэнь бэшээтэй.

Хуули дабталга 30:6

Эзэн Бурхантнай таанадые болон уг удамыетнай Өөр руунь зүрхэ сэдьхэлээрээ тэгүүлдэг болгохо, тиихэдэнь Эзэн Бурхандаа бүхы зүрхэ сэдьхэлээрээ дурлахат, иигэжэ амиды мэндэ үлэхэт.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Еврейнүүдтэ 11:16

Харин тэдэнэр үлүү һайн, тэнгэриин орон нютагта зорижо байба. Тиимэһээ Бурхан тэдэнэй Бурханби гэхэдээ тэдэнһээ эшэдэггүй: Бурхан тэдэ зондо хото бэлдээд байна.

Яковай хандалга 1:18

Бурхан Өөрынгөө һайн дураар үнэн зүб мэдээсэлэй ашаар бүхы зохёон бүтээгдэһэн юумэнүүдэйнгээ дээжэнь болгохын тула маанадые мүндэлүүлээ.

Яковай хандалга 1:21

Элдэб янзын забхай зальхай, нүгэлтэ юумэнүүдые үйлэдэхэеэ болёод, зүрхэ сэдьхэлдэтнай һуулгагдаһан, таанадые абарха аргатай мэдээсэлые зосоогоо тогтоожо байгаарайгты.

Пётрой 1-дэхи хандалга 1:23

Юундэб гэхэдэ, таанад үмхирдэг үрэһөө бэшэ, харин үмхирдэггүй үрэһөө дахин түрөөт. Тэрэ үрэ болбол амиды Бурханай бодото Үгэ мүн.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.