Еврейнүүдтэ 7:16 - Библи

¹⁶ Тэрэ Хуулиин ёһоор гү, али тогтоолоор бэшэ, харин дууһашагүй амидаралай хүсөөр санаарта болоо.

Шэнэ Хэлсээн

¹⁶ Тэрэ Хуулиин ёһоор гү, али тогтоолоор бэшэ, харин дууһашагүй амидаралай хүсөөр санаарта болоо юм.

Еврейнүүдтэ 7:16 ပူးပေါင်းရင်းမြစ်များ

Римэйхиндэ 7:14

Хуули оюун сэдьхэлтэй холбоотой, харин би бэе махабадтаа хүлюулээд, нүгэлэй богоолынь болон худалдагдаһан байгааб гэжэ би мэдэнэб.

Галадуудта 4:3

Бидэшье бага балшар наһандаа энэ дэлхэйн эмхи гуримгүй хүсэнүүдэй мэдэлдэ байгаабди.

Галадуудта 4:9

Мүнөө таанад Бурханиие мэдэһэн аад лэ, тодорхойлон хэлэбэл, Бурханай таанадые мэдэһэн хойно таанад яагаад һүр хүсэгүй, ахир тулюур хүсэнүүдтэ дахин бусабат, тиигээд тэдэндэ алба хэхэеэ һанабат?

Колоссынхидтэ 2:14

Нүгэлнүүднай маанадые Бурханда үритэйшүүл болгоо. Хуулиин ёһоор бидэнэй түлэхэ ёһотой үри шэриин тэмдэглэлнүүдые Тэрэ арилгаба. Манай үри шэри ба нүгэлнүүдые Тэрэ хэрээһэн дээрэ саазалуулагдан түлэбэ.

Колоссынхидтэ 2:20

Таанад Христоостой үхөөд, энэ замбуулиниие захирһан хүсэнүүдһээ сүлөөлэгдэбэт. Тиихэдээ яагаад таанад энэ дэлхэйн харьяалда байһандал адли ажамидарна гээшэбта? Яагаад таанад: «Гар бү хүрэ», «Амтыень бү үзэ», «Барижа бү үзэ» гэхэ мэтын тогтоолнуудые сахина гээшэбта?

Еврейнүүдтэ 10:1

Иудейн Хуули болбол бодото юумэнүүдэй тон зүб хэбынь бэшэ, харин һайн юумэнүүдэй һүүдэрынь лэ гээшэ. Жэлһээ жэлдэ, хододоо нэгэ адли амитадые тахил болгон үргэжэ, Бурханда ерэжэ байһан хүнүүдые Хуули яажа эрхим һайн болгохоб.

Еврейнүүдтэ 7:15

Мэлхицээдэгтэл адли ондоо санаартын бии болоһониинь эндэһээ бүри элеэр харагдана.

Еврейнүүдтэ 7:17

«Мэлхицээдэгтэ адли Ши хэтын хэтэдэ санаарта байхаш», – гэжэ Нангин Бэшэг соо хэлэгдэнэ.

Еврейнүүдтэ 7:21

Харин Иисүүс болбол Бурханай Тэрээндэ үгэһэн тангаригай ёһоор санаарта болоо: «Эзэн „Ши хэтын хэтэдэ санаарта байхаш“ гээд тангариглаа, тиин айладхаһан үгөө бусаажа абахагүй».

Еврейнүүдтэ 7:28

Моисейн Хуули дутагдалнуудтай хүнүүдые ахамад санаартаар табидаг, харин Хуулиин һүүлдэ үгтэһэн Бурханай тангариг хододоо эрхим түгэс Хүбүүниие ахамад санаартаар табяа.

Еврейнүүдтэ 7:3

Тэрэ эхэ эсэгэгүй, угай бэшэггүй; тэрэнэй түрэһэн гү, али үхэһэн тухай гэршэлгэ байдаггүй. Тэрэ Бурханай Хүбүүндэ тон адли, хэтэдээ санаарта байха.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Гэршэлгэ 1:18

Би амидыб; үхөөд байһанаа мүнөө хэтэ мүнхэдөө амиды ябахаб; үхэлэй ба үхэлэй ороной түлхюурнүүдынь Намда бии.