Еврейнүүдтэ 7:14 - Библи

¹⁴ Эзэн болбол Иудын обогой гэжэ һайн мэдээжэ. Санаартад тухай асуудал хүндэхэдөө, Моисей энэ обог тухай юушье хэлээгүй.

Шэнэ Хэлсээн

¹⁴ Дээдын Эзэн болбол Иудын обогой гэжэ һайн мэдээжэ юм. Санаартад тухай асуудал хүндэхэдөө Моисей энэ обог тухай юушье хэлээгүй һэн.

Еврейнүүдтэ 7:14 ပူးပေါင်းရင်းမြစ်များ

Эхин 46:12

Иуда, тэрэнэй гурбан хүбүүд Шэлаа, Пээрэц ба Зээрах. Ээр Онаан хоёр хүбүүдынь бүри Ханаһаанда байхадаа гээгдээ һэн. Пээрэцэй хоёр хүбүүд Хэцроон ба Хамуул;

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Исай 11:1

Ишайн уг отологдоһон модоной түгсүүл мэтэ, гэбэшье түгсүүлһээ шэнэ эшэ ургаха, түгсүүлһээ шэнэ мүшэр урган гараха.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Тоололго 24:17

Эзэн ерэхэ гэжэ харанаб, гэбэшье тон мүнөө бэшэ. Эзэн ерэхэ гэжэ харанаб, гэбэшье тон һаядаа бэшэ. Яковһаа одон толорон мандаха, Израильһаа засаг баригша бии болохо. Тэрэ засаг баригша Моһаабай тайжанарай толгой таһалха, Шээдэй үринэрые хюдаха.

Матвей 2:6

«Иудейн орон дайдын Бэтлэһээм хото, ши Иудын мэдэлэй бусад шухала хотонуудһаа юугээрээшье дутанагүйш, юундэб гэхэдэ, Минии Израилиин арад зониие хүтэлхэ ехэ ударидагша шамһаа мүндэлэн гараха».

Лука 1:43

Минии Эзэнэймни эжы, иимэ һайнаар намда орожо ерэһэндэшни би баяртай байнаб.

Лука 3:33

Нахшоон – Амминадаабай, Амминадааб – Адмиинай, Адмиин – Арниин, Арнии – Хэцрооной, Хэцроон – Пээрэцэй, Пээрэц – Иудын хүбүүн,

Иоанн 20:13

– Эхэнэр аа, ши юундэ уйланабши? – гэжэ тэдэ хоёрынь асууба. – Багшымни шарилые агы нүхэн сооһоонь абаашаһан байна, хайшань абаашаһыень би мэдэнэгүйлби, – гэжэ Мария харюусаба.

Иоанн 20:28

– Эзэмни, Бурхамни! – гэжэ Фома хашхараад абаба.

Римэйхиндэ 1:3

Бурхан Һайн Мэдээсэл номнохыемни намайе шэлэжэ абаа. Нангин Бэшэг соо хэлэгдэһэнэй ёһоор Бурхан тэрэ Һайн Мэдээсэлые урдань лүндэншэдөөрөө дамжуулан амалаа. Тэрэ Мэдээсэлынь Бурханай Хүбүүн, манай Эзэн Иисүүс Христоос тухай. Иисүүс хүнэй бэе бэелхэдээ Давидай үри һадаһан боложо түрөө. Харин Тэрэнэй һүр хүсэтэй Бурханай Хүбүүн байһыень, үхөөд амидырхадань Арюун Һүлдэ харуулаа. Бүхы яһатаниие, тиихэдэ Иисүүс Христоосой дуудаһан таанадые һүзэгтэй, мэдэлдэ оросотой болгохын тула Бурхан Хүбүүгээрээ дамжан, Тэрэнэй аша туһада намайе элшэн болгон үршөөгөө.

Римэйхиндэ 2:3

Гэмнэжэ байһан хүнүүдтэйгээл тон адли юумэ үйлэдэжэ байхадаа, таанад Бурханай хэһээлтэдэ хүртэхэгүйбди гэжэ үнэхөөрөө һанана гүт?

Эфесэйхиндэ 1:3

Манай Эзэн Иисүүс Христоосой Эсэгэ болохо Бурханда магтаал соло дуудаял! Маанадай Христоостой нэгэдэһэн ушарһаа дээдын тэнгэриһээ оюун ухаанда хабаатай буян хэшэг Тэрэ маанадта хайрлаа.

Филиппынхидтэ 3:8

Бүри үнэтэй сэнтэй юумэнһээ, минии Эзэн Иисүүс Христоосые мэдэрхэһээ гадна бусад бүхы юумэнүүдые би хэрэггүй ба дэмы хооһон гэжэ тоолоноб. Христоосһоо боложо би бүхы юумэнһээ арсааб. Христоосые оложо, Тэрээнтэй сүм нэгэдэхын тула би бусад бүхы юумые юун дээрэшье тоолоногүйб.

Еврейнүүдтэ 7:13

Бидэнэй дурдаһан Эзэн ондоо обогой хүн байгаа, тиин обогойнь нэгэшье хүн санаартын алба гүйсэдхээгүй.

Еврейнүүдтэ 7:15

Мэлхицээдэгтэл адли ондоо санаартын бии болоһониинь эндэһээ бүри элеэр харагдана.

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.

Гэршэлгэ 5:5

– Бү уйла! Харалши! Илаашань Иудын угай, Давидай үри һадаһан болохо Арсалан тээ тэрэ байна. Долоон тамгыень эбдэжэ, энэ номые Тэрэл нээжэ шадаха, – гэжэ нэгэ ахамадынь намда хэлэбэ.