Еврейнүүдтэ 6:4 - Библи

⁴ Һүзэг этигэлээ алдаһан хүнүүд яажа дахин гэм хэхэеэ болёод, Бурханда хандахаб? Тэдэнэр нэгэ үедэ Бурханай гэрэл туяада ябаа, тэнгэриин бэлэг абажа, Арюун Һүлдые тогтоожо абаа.

Шэнэ Хэлсээн

⁴ Һүзэг этигэлээ алдаһан хүнүүд яажа дахин гэм хэхэеэ болёод, Бурханда хандахаб? Тэдэнэр нэгэ үедэ Бурханай гэрэл туяада ябаа, тэнгэриин бэлэг абажа, Нангин Һүлдые тогтоожо абаһан байгаа.

Еврейнүүдтэ 6:4 ပူးပေါင်းရင်းမြစ်များ

Левит 13:55

Хэрбээ санаартын харахада муухай болоһон хубсаһа угааһанай һүүлээр яра шархань үшөө хубилаагүй, саашаа дэлгэрээшьегүй байгаа һаань, газаа, дотороошье эдигдэһэн байг, тэрэ юумэн бузартай, тэрээниие галда шатааха хэрэгтэй.

Левит 14:43

Хэрбэеэ хэдышье шулууень абажа, хюһаад, шабаһанай һүүлдэ, буриин тэрэ гэртэ дахин гаража, ургаа һаань,

Тоололго 24:3

тэрэ өөрынгөө һургаал үгүүлэлые иигэжэ айладаба: – Бэһоорой хүбүүн Балаһаам хэлэнэб. Би тон һайнаар хаража байһан тухайгаа хэлэнэб.

Матвей 12:45

Тиигээд тэрэ ада шүдхэр өөрһөөн һураггүй хоротой ондоо долоон ада шүдхэрые абажа ерэдэг. Тэдэнь үнөөхи гэртэнь орожо байрладаг. Тиигэхэдэнь тэрэ хүниинь урдынхидаа орходоо бүри ехээр тамаа үзэдэг. Тон энээндэл адляар энэ оршон үеын зон иимэ дорой байдалтай болохо, – гэжэ Иисүүс хэлэбэ.

Матвей 5:13

Таанад газар дэлхэйн зоной дабһан хужарынь гээшэт. Хэрбээ дабһанай амтаяа гээгээ һаань, тэрэниие яажа дахин гашуун болгохоб? Амтагүй дабһан юундээшье хэрэггүй болоод, миил хаягдажа, хүнэй хүлдэ гэшхүүлхэ зэргэтэйл.

Иоанн 15:6

Минии досоо оршодоггүй хүн үзэмэй сэсэрлиг сооһоо хаягдажа, хаташаһан мүшэрнүүд шэнги байха. Тиимэ мүшэрнүүд суглуулагдан, гал руу хаягдан, галдагдаха.

Иоанн 3:27

– Тэнгэриин үршөөгөөгүй юумэ хэншье абажа шадахагүй, – гэжэ Иоанн харюусаба. –

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Иоанн 6:32

Тиихэдэнь Иисүүс: – Би таанарта үнэн зүбые хэлэнэб: Бурханай хилээмэ таанарта Моисей үгөөгүй, тиимэ ёһотой хилээмэ Минии Эсэгэ Бурхан таанарта үгэдэг.

Хэрэгүүд 10:45

Тиимэһээ Арюун Һүлдын бусад арадта үгтэһэн ябадалда Пётртой ерэһэн еврей һүзэглэгшэд ехэ гайхалдаба.

Хэрэгүүд 11:17

Эзэн Иисүүс Христоосто этигэхэдэмнай бидэндэ үгтэһэн буян хэшэгтэл тон адли буян хэшэгые Бурхан тэдэндэ хайрлаа. Тиихэдэ Бурханда һаалта хэхэ би хэн гээшэбиб?

Хэрэгүүд 15:8

Хүнүүдэй һанал бодол мэдэдэг Бурхан бидэндэ үгэһэндөөл адляар тэдэндэ Арюун Һүлдэ үгэхэдөө, Өөрынгөө үршөөл хайра баһа бусад арадуудта хайрлаба гээшэ.

Хэрэгүүд 8:20

– Ши мүнгэтэйгөө суг хосоро! Бурханай үршөөһэн бэлэгые мүнгөөр худалдаад абахаяа һанаа гүш? – гэбэ Пётр. –

Римэйхиндэ 1:11

Би таанадтай уулзажа, Бурханай Һүлдын үршөөһэн аша буянгаар хубаалсахаяа аргагүй ехээр хүсэжэ байнаб. Тиигэбэл һүзэгтнай бэхижэхэ байгаа.

Коринфынхидтэ 2-дохи 4:4

Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христоосой алдар тухай һайн мэдээсэлһээ сасарһан гэрэл туяае хараха аргагүй байгаа.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Галадуудта 3:2

Таанад Хуули сахижа байһан дээрэһээ гү, али Христоосто этигэһэн дээрэһээ Арюун Һүлдэдэ хүртэбэ гүт гэжэ би таанадһаа һураха һанаатайб.

Галадуудта 3:5

Хуули сахиһандатнай бэшэ, харин Христоосто этигэһэндэтнай Бурхан таанадта Арюун Һүлдые хайрлажа, гайхамшагта үйлэ хэрэгүүдые бүтээгээ юм.

Эфесэйхиндэ 1:18

Бурханай таанадые дуудахада таанадта үгтэһэн найдабариин ямар байдагые, Өөһэдынгөө хүнүүдтэ Тэрэнэй үгэхэб гэһэн найдуулгын элбэг дэлбэг байдагые, Тэрээндэ этигэһэн бидэн соо хүдэлжэ байһан хүсэ шадалынь аргагүй ехэ байдагые мэдэжэ байхынтнай тулада оюун ухаанайтнай нюдые Тэрэ нээжэ үгэг лэ.

Эфесэйхиндэ 2:8

Этигэл һүзэгэйтнай ашаар таанадые Бурханай үршөөл хайра абараа. Тиин тэрэ этигэл һүзэгтнай өөһэдһөөтнай бэшэ, харин Бурханай үршөөһэн бэлэг гээшэ.

Эфесэйхиндэ 3:7

Бурханай хүсэ шадалай нүлөөгөөр намда үгтэһэн тусгай үршөөлөөр би Һайн Мэдээсэлэй зарасань болооб.

Эфесэйхиндэ 4:7

Христоосой маанадта үгэхэ гэжэ шиидэһэн хэмжээгээр хүн бүхэмнай онсо абьяас бэлигтэ хүртэбэ.

Тимофейдэ 1-дэхи 4:14

Бүлгэмэй хүтэлэгшэдэй уридшалан хэлээд, дээрэшни гараа табихадань, шамда абьяас бэлиг үгтөө. Тэрэ абьяас бэлигээ хэрэглэжэ байгаарай.

Тимофейдэ 2-дохи 2:25

Шамда эсэргүүсэһэн хүнүүдые Бурхан нүгэл үйлэдэхыень болюулжа, Өөртөө хандуулха, үнэн зүбые мэдэрхэ боломжо үгэхэ магадалтай юм хадань ши тэдэ зониие ехэл дарууханаар заһажа байгаарай.

Тимофейдэ 2-дохи 4:14

Түмэр дархан Александр намда ехэл муу юумэ хээ һэн. Эзэн хэһэн зэргээрнь тэрээндэ харюулаг лэ.

Еврейнүүдтэ 10:32

Таанадтай урдань юунэй тохёолдоһые һанаандаа оруулагты. Бурханай гэрэл туяагай таанадые гэрэлтүүлхэдэ, таанад зоболонгуудые дабан, агууехэ баатаршалга гаргабат.

Еврейнүүдтэ 2:4

Бурхан тэрэ гэршэлгэдэ элдэб янзын гайхамшагта үзэгдэлнүүдые болон дүлгэ тэмдэгүүдые нэмэн харуулжа, Өөрынгөө һайн дураар Арюун Һүлдэ хайрлаа.

Иоаннай 1-дэхи хандалга 5:16

Хэрбээ ахань үхэлдэ хүргэдэггүй нүгэл хэнэ гэжэ мэдэжэ, хаража байһан хүн Бурханда мүргэг, тиихэдэнь Бурхан тэрээниие амиды байлгаха. Үхэлдэ хүргэдэггүй нүгэл хэһэн хүн тухай эндэ би хэлэжэ байнаб. Харин үхэлдэ хүргэдэг нүгэл гэжэ бии. Тиимэ нүгэл хэгшэдэй түлөө зальбарха ёһотой гэжэ би эндэ хэлэнэгүйб.