Еврейнүүдтэ 5:7 - Библи

⁷ Дэлхэй дээрэ амидархадаа, Тэрэниие абарха аргатай Бурханда Иисүүс шангаар хүхирэн, нулимсаа гоожуулан зальбараа, Тэрэниие гуйгаа. Иисүүсэй номгон, үнэр шударга байһан хада Бурхан Тэрэниие дуулаа.

Шэнэ Хэлсээн

⁷ Газар дэлхэй дээрэ амидаржа байхадаа, тэрэниие абарха аргатай Бурханда Иисус шангаар хүхирэн, нулимсаа гоожуулан зальбараа, тэрэниие гуйгаа. Иисусай номгон, үнэр шударга байһан хада Бурхан тэрэниие дуулаа һэн.

Еврейнүүдтэ 5:7 ပူးပေါင်းရင်းမြစ်များ

Псалманууд 69:1

[Дуунай бүлэгэй хүтэлбэрилэгшэдэ: Давидай зохёоһон. Дурасхалда.]

Псалманууд 88:1

[Эзраахай Этаанай ирагуу үгэнүүд.]

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Исай 53:3

Тэрэниие шоо үзэжэ, Тэрээнһээ зайлажа байгаабди. Уй гашуудал болон үбшэ хабшанай зоболон Тэрэ мэдээ. Бидэ Тэрээнһээ буруу хаража, шоо үзэжэ, хэншье бэшэ гэжэ тоодоггүй һэмди.

Левит 2:2

Аһарооной санаарта хүбүүдтэ асараг лэ. Санаартан дүүрэн адха оливын тоһотой, гүгэлтэй гурил абаад, үргэлэй шэрээ дээрэ галдаг. Энэ хадаа үргэлэй тэмдэг хуби гээшэ, Эзэндэ таатай һайхан үргэл, хуншуу үнэр гээшэ.

Матвей 27:46

Гурбан сагай багта Иисүүс: – Элии, Элии! Лема сабахтани? (Бурхамни, Бурхамни! Юундэ Намайе орхибот?) – гэжэ шангаар хашхарба.

Матвей 27:50

Иисүүс дахин шангаар хашхараад, амяа табиба.

Марк 15:34

Гурбан сагай багаар Иисүүс: – Элои! Элои! Лема сабахтани? (Бурхамни, Бурхамни! Юундэ Намайе орхибот?) – гэжэ шангаар хашхарба.

Марк 15:37

Иисүүс шанга абяа гаргаад, амяа табиба.

Лука 23:46

– Эсэгэмни, Танай мэдэлдэ һүнэһөө ябуулнаб! – гэжэ Иисүүс шангаар үгэлэн, ами табиба.

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Иоанн 11:35

Иисүүс уйлашаба.

Иоанн 11:42

Та Намайе хододоо дуулажа байдагта гэжэ Би мэдэнэб. Намайе Та эльгээгээт гэжэ эндэ зогсогшо хүнүүдэй этигэхынь тула Би тиигэжэ хэлээб! – гэжэ

Иоанн 17:1

Эдэ үгэнүүдэйнгөө һүүлээр Иисүүс тэнгэри өөдэ хараад, иигэжэ хэлэбэ: – Эсэгэ аа! Сагни ерэбэ. Хүбүүнэйтнай Танай нэрэ алдаршуулхын тула, Хүбүүгээ алдаршуулыт.

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Галадуудта 4:4

Харин саг болзорой ерэхэдэ, эхэнэрһээ түрэһэн Хүбүүгээ Бурхан эльгээбэ. Хуулиин эрхэ мэдэлдэ байһан хүнүүдые абархын тула, Бурханай найдуулһан юумэнэй уг залгамжалагшад болгохын тула түлөөһэ үгэжэ, эльгээһэн Тэрэ Хүбүүниинь Хуулиин ёһоор ажамидаржа байгаа.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Еврейнүүдтэ 10:10

Иисүүс Христоосой Бурханай эрхэ хүсэл бэелүүлэн, Өөрынгөө бэеые нэгэтэ болон хэтын хэтэдэ үргэл болгон асарһан хадань бидэ булта нүгэлнүүдһээн мултаран арюудхагдаабди.

Еврейнүүдтэ 10:5

Тиимэһээ Христоос энэ газар дэлхэйдэ ерэхэдээ, Бурханда иигэжэ хэлээ: – Үргэл болон бэлэгүүдые хүсэнэгүйт. Тиихэдэ Намда махабад бэе олгоот.

Еврейнүүдтэ 11:7

Ерээдүйдэ тохёолдохо уһан галаб тухай хэнэйшье уридшалан мэдээгүй байхада Ной этигэл һүзэгөөрөө Бурханһаа һэргылэмжэ абаад, Бурханай үгөөр байжа, өөрыгөө болон өөрынгөө гэр бүлые абарха корабль баряа. Эсэстэнь, газар дэлхэйнхид гэмнэгдээд, Ной этигэл һүзэгөөрөө Бурханһаа үнэн сэдьхэлтэнэй залгаламша болобо.

Еврейнүүдтэ 12:28

Хубилгаха аргагүй хаан орониие эзэлээд, бидэ баяр баясхалангаар дүүрэн байял. Бурханда хүндэтэйгөөр хандан, һүгэдэн, Тэрээндэ һайшаагдамаар алба хэжэ байял.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Еврейнүүдтэ 2:14

Үхибүүдэй махабад бэе ба шуһанһаа бүридэһэн хадань Иисүүс Өөрөө тэдэнтэйл адли хүн болоо. Үхэлые эрхэ мэдэлдээ абаад байһан шолмосые Өөрынгөө үхэлөөр хүсэгүй болгохын тула,

Иоаннай 1-дэхи хандалга 4:3

Иисүүсые хүн боложо, газарта ерээгүй гэдэг һүлдэ Бурханай бэшэ, харин Христоосой дайсанай һүлдэ гээшэ. Тиимэ һүлдэ тухай таанар дуулаат, тэрэ һүлдэ газар дэлхэйдэ ерэхэ гэжэ таанар мэдэнэт, тэрэнь дэлхэйдэ ерээд байна.

Иоаннай 2-дохи хандалга 1:7

Юундэб гэбэл, олон тоото мэхэшэд дэлхэйдэ ерэбэ. Иисүүс Христоосые хүн боложо газарта ерэһые тэдэ мэдэрнэгүй. Тиимэ хүнүүд мэхэшэд, Христоосой дайсад гээшэ.