Еврейнүүдтэ 5:12 - Библи

¹² Саг хугасаагаар багсаахада, таанад багшанар болоод байха байгаат, харин Бурханай Үгын түрүүшын хэшээлнүүдые таанадта дахин дабтаха хэрэгтэй болоод байна. Хатуу хоол барихын орондо таанад һүөөр ундалха болонот.

Шэнэ Хэлсээн

¹² Саг хугасаагаар багсаахада таанад багшанар болоод байха байгаат, харин Бурханай Үгын түрүүшын хэшээлнүүдые таанадта дахин дабтаха хэрэгтэй болоод байна. Хатуу хоол барихын орондо таанад һүгөөр ундалха болонот.

Еврейнүүдтэ 5:12 ပူးပေါင်းရင်းမြစ်များ

2 Хаан түрэнүүд 16:23

Тэрэ сагта Ахитоопэлэй зүбшэлнүүд Бурханһаа зүбшэл асуужа байһандал тоологдодог байгаа. Тэдэ Давидташье, Абшалоомдошье ехэ сэнтэй бэлэй.

Эзраа 7:10

Юуб гэхэдэ, Эзэнэй хуулинуудые үзэжэ, наринаар өөрөө сахихаһаа гадна тэрэнээ израильшуудта заажа, үнэн зүб ябадалда һургахын тула Эзраа үнэн сэдьхэлһээ оролдожо ябаа.

Псалманууд 34:11

Намайе худалаар хардагшад урдаһаам тулана, минии мэдэхэгүй юумые мүшхэн байна.

Исай 28:13

Тиимэһээл Эзэнэй үгэнүүд таанадта «заабари, заабари, дүрим, дүрим, тэндэ нэгэ бага, эндэ нэгэ бага…» болохо. Тиимэһээл таанад алхахадаа, бүдэржэ унахат, шархатан, урьхада орожо баригдахат.

Исай 55:1

Эзэн иигэжэ айладхана: «Ангаһан зон, уһан руу ерэгты! Мүнгэгүйшье хүн ерэжэ, эдигты! Ерыт! Үзэмэй дараһан архи, һү мүнгэгүйгөөр абагты!

Матвей 17:17

– Этигэл һүзэггүй, забхай ябадалтай зон аа! Үшөө хэды шэнээн таанадтай байхабиб? Үшөө хэды болотор таанадые тэбшэхэбиб? Хүбүүгээ наашань Намда абаад ерэ, – гэжэ Иисүүс хэлэбэ.

Марк 9:19

Иисүүс улад зондо хандан: – Этигэл һүзэггүй зон аа! Үшөө хэды шэнээн таанадтай байхабиб? Үшөө хэды болотор таанадые тэсэжэ тэбшэжэ байхабиб? Тэрэ хүбүүе Намда асарагты! – гэжэ хэлэбэ.

Хэрэгүүд 7:38

Моисей израилиин арадтай сүл губида хамта ябахадаа, өөртэйнь болон манай үбгэ эсэгэнэртэй Синай хада дээрэ хөөрэлдэһэн Эльгээмэлтэй уулзажа, амиды үгэнүүдые хүлеэн абаад, бидэндэ дамжуулан үгөө.

Римэйхиндэ 3:2

Алишье талаһаа һайн, илангаяа еврейнүүдтэ Бурханай һургаалай даалгагдаһаниинь шухала юм.

Коринфынхидтэ 1-дэхи 14:19

Тиихэдээ һүзэглэгшэдэй бүлгэм соо байхадаа бусад зониие һургахын тула танигдахагүй хэлэн дээрэ олон мянган үгэнүүдые хэлэнхаар ойлгомжотой табан лэ үгэ хэлэхэнь дээрэ гэжэ тоолодогби.

Коринфынхидтэ 1-дэхи 14:20

Аха дүүнэр, таанад үхибүүдтэл адляар бодомжолхоёо болигты. Нүгэл шэбэлэй талаар зэмэгүй хүүгэд байгты, харин бодомжолходоо, наһаяа хүсэһэн хүнүүд байгты.

Галадуудта 4:3

Бидэшье бага балшар наһандаа энэ дэлхэйн эмхи гуримгүй хүсэнүүдэй мэдэлдэ байгаабди.

Филиппынхидтэ 3:1

Аха дүүнэрни, Эзэнтэй нэгэдэһэндээ баяр жаргалтай байгты гэжэ түгэсхэлдөө хэлэхэ байнаб. Урда бэшэһэн юумээ дахин дабтахадамни намда хүндэ бэшэ, харин таанадта аша туһатай юм.

Колоссынхидтэ 3:16

Христоосой һургаал ажамидаралайтнай гол хүтэлэгшэнь болог лэ. Бэе бэеэ ухаатайгаар, бодомжотойгоор һургажа, заабарилжа байгты. Бурханда баяр хүргэн, псаломууд, магтаалнууд, арюун нангин дуунуудые дуулажа байгты.

Еврейнүүдтэ 10:32

Таанадтай урдань юунэй тохёолдоһые һанаандаа оруулагты. Бурханай гэрэл туяагай таанадые гэрэлтүүлхэдэ, таанад зоболонгуудые дабан, агууехэ баатаршалга гаргабат.

Еврейнүүдтэ 5:11

Энэ талаар бидэ олон юумэ хэлэхэ байгаабди, гэхэтэй хамта таанадай ойлгосо доройтоһон тула тайлбарилжа үгэхэмнай ехэл бэрхэшээлтэй байна.

Еврейнүүдтэ 5:13

Һүөөр тэжээлгэжэ байһан хүн бүхэн үнэн зүбые, буруугай ушарые илгаха туршалгагүй үхибүүн гээшэ.

Еврейнүүдтэ 6:1

Христоосой һургаалай түрүүшын хэшээлнүүдые хойноо орхижо, урагшаа дабшаял. Үхэлдэ хүргэдэг хэрэгүүдээ орхижо, Бурханда һүзэглэхэ, уһаар арюудхаха болон гараараа адислаха тухай, үхэһэн хүнүүдэй амидырха, хэтын зарга шүүбэри тухай һургаалай һуури дахин табиха хэрэггүй.

Пётрой 1-дэхи хандалга 2:2

Һая түрэһэн үхибүүд яажа һүндэ дуратай байдаг бэ, тэдэндэл адляар таанадшье Бурханай Үгэдэ дуратай байгты. Тэрэнэй ашаар таанад ургахат, абарагдахат.

Пётрой 1-дэхи хандалга 4:11

Номножо байһан хүн Бурханай Мэдээсэлые номножо байг лэ; алба хэжэ байһан хүн Бурханай үршөөһэн хүсэ шадалаар өөрыгөө бэхижүүлжэ байг лэ. Бүхы юумэнүүд Иисүүс Христоосоор дамжан, Бурханиие алдаршуулжа байг лэ! Бурхан хэтын хэтэдэ алдар солотой, хүсэ шадалтай байхань болтогой! Зобоходоо баясажа байгты.