Еврейнүүдтэ 3:7 - Библи

^7-11 «Үбгэ эсэгэнэртнай сүл губида ябахадаа дүшэн жэл соо Минии хэрэгүүдые хаража байһаншье һаа, Намайе тэндэ шалгаба, туршаба. Тиимэһээ Би тэрэ үеынхидтэ сухалдажа: „Тэдэнэр ходо эндүүржэ ябадаг, харгы замаарни ябадаггүй“, – гэжэ айладааб. Тиимэһээ Би уур сухалдаа „тэдэниие амаруулха гэһэн газартаа хэзээшье оруулхагүйб“ гэжэ тангариглааб. Тиимэһээ таанад мүнөөдэр Бурханай дуу дуулахадаа, Бурханай урдаһаа үймөө татаһан үбгэ эсэгэнэртээл адли үсэд зан бү гаргагты», – гэжэ Арюун Һүлдэ хэлэнэ.

Шэнэ Хэлсээн

^7-11 «Үбгэ эсэгэнэртнай сүл губида ябахадаа Бурханиие туршажа, үймөө татаа һэн. Дүшэн жэл соо Бурханай юу хэжэ байһыень хаража байһаншье һаа, тэдэнэр Бурханиие тэндэ шалгаба, туршаба. Тиимэһээ Бурхан тэдэ зондо сухалаа хүрэжэ: „Тэдэнэр ходо эндүүржэ ябадаг, харгы замаарни ябадаггүй“, – гэжэ хэлэһэн байна. Бурхан уур сухалаа хүрэхэдөө: „Амаруулха гэһэн газартаа тэдэниие хэзээшье оруулхагүйб“, – гэжэ тангариглаһан байна. Тиимэһээ таанад Бурханай дуу дуулахадаа, үбгэ эсэгэнэртэйгэйл адляар зүрюу зан бү гаргагты», – гэжэ Нангин Һүлдэ хэлэнэ.

Еврейнүүдтэ 3:7 ပူးပေါင်းရင်းမြစ်များ

2 Хаан түрэнүүд 23:2

– Эзэнэй Һүлдэ намаар дамжуулан айладхана, Тэрэнэй үгэ минии хэлэн дээрэ байна.

Һургаал 27:1

Үглөөдэрые бү һайрха, юун болохыень өөрөөшье мэдэнэгүйш.

Экклезиаст 9:10

Гарайнгаа хэжэ шадаха юумэ шадал соогоо хэгты. Ушарынь гэхэдэ, үхэлэй орондо ошоходош, тэндэ ажал үйлэ, бодол сэдьхэлгэ, мэдэсэ, мэргэн ухаан гэжэ байхагүй.

Исай 55:3

Һайса шагнагты, Нам руу ерэгты! Дуулагты, иигэжэ таанад амиды мэндэ байхат! Хэтэ мүнхын хэлсээ таанадтай баталхаб, Давидта найдуулһан үршөөл хайраяа үзүүлхэб.

Исай 55:6

Эзэндээ эрьен мүргэгты, мүнөө Тэрэ таанадай ойрохоно.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Матвей 22:43

Иисүүс тэдэндэ: – Тиигэбэл, юундэ Давид хаан Арюун Һүлдын нүлөөдэ абтан Бурханай табисууртые Эзэн гэжэ нэрлээб:

Марк 12:36

«Бузар дайсадыеш хүл дорош дэбһүүлэн табитарни баруун гар таладам һуугаарай гэжэ Эзэн минии Эзэндэ айладхаба», – гээд Арюун Һүлдөөр урмашуулагдаһан Давид айладхаба.

Иоанн 10:16

Энэ хорёо соохи хонидһоо гадна, мүн ондоошье хонид Намда бии. Тэдэниие Би баһа иишэнь асарха ёһотойб. Тэдэ хонид Минии үгэ дуулаха, тиихэдээ нэгэл һүрэг хонид байха, нэгэл хонишон байха!

Иоанн 10:27

Минии хонид үгыемни дууладаг, Бишье тэдэнээ мэдэхэб, тэдэмни Минии хойноһоо дахажа ябана.

Иоанн 10:3

Харуулшан тэрээндэ хониной байрын үүдэ нээжэ үгэдэг. Хонидынь тэрэнэйнгээ дууень дууладаг, адуулагшань хонидоо нэрэ нэрээрнь дуудаад, газаашань гаргадаг.

Иоанн 5:25

Би таанарта үнэниие хэлэнэб: Бурханай Хүбүүнэй хэлэһые наһа бараһан хүнүүдэй дуулаад, амидырха саг ерэжэ байна, мүнөө ерээдшье байна.

Хэрэгүүд 1:16

– Аха дүүнэрни, аа! Искариодой Иудын хуби заяан тухай Арюун Һүлдын Давидаар уридшалан хэлүүлһэн Нангин Бэшэгэй мүрнүүд үнэн дээрээ бэелхэ ёһотой һэн. Иисүүсые бэдэрһэн зондо Иуда байһан газарыень заажа үгөө.

Хэрэгүүд 28:25

Нэгэ һаналда ерэнгүй таража эхилхэдэнь, Павел тэдэниие иимэ үгэнүүдээр үдэшэбэ: – Арюун Һүлдэ лүндэншэ Исайгаар дамжуулан манай үбгэ эсэгэнэртэ сохом үгэнүүдые хэлээ:

Хэрэгүүд 8:29

Арюун Һүлдэ Филипптэ: – Тэргэдэ дүтэлөөд, хажуудань яба, – гэжэ хэлэбэ.

Еврейнүүдтэ 10:15

Арюун Һүлдэшье энээн тухай бидэндэ гэршэлэн хэлэнэ:

Еврейнүүдтэ 3:13

Таанадай хэн нэгэнэй нүгэлөөр хорхойтуулагдан дошхорхогүйн тула, Нангин Бэшэг соо бэшээтэй «мүнөөдэр» гэдэг үгын маанадта хандажа байхада, та бэе бэеэ үдэр бүхэндэ урмашуулжа байха ёһотойт.

Еврейнүүдтэ 3:15

Нангин Бэшэг соо: «Таанад мүнөөдэр Бурханай дуу дуулахадаа, Бурханай урдаһаа үймөө татаһан үбгэ эсэгэнэртээл адли үсэд зан бү гаргагты», – гэжэ бэшээтэй.

Еврейнүүдтэ 4:7

«Мүнөөдэр» гэгдэдэг ондоо үдэрые Бурханай шэлэһыень тэрэ харуулна. Нилээд сагай үнгэрһэн хойно Тэрэнэй Давидаар дамжуулан хэлэһэниинь Нангин Бэшэг соо үгтэнхэй: «Таанад мүнөөдэр Бурханай дуу дуулахадаа, үсэд зан бү гаргагты».

Еврейнүүдтэ 9:8

Майханай гадаада таһалгын байха үедэ Хамагай Нангин газарта орохо харгы хаалгаатай байнал гэжэ Арюун Һүлдэ элеэр харуулна.

Пётрой 2-дохи хандалга 1:21

Юундэб гэхэдэ, нэгэшье лүндэншэ өөрынгөө дура хүсэлөөр уридшалан хэлээгүй, харин Арюун Һүлдөөр хүтэлүүлэгдэн, Бурханай үгэ айладхадаг байгаа.

Гэршэлгэ 3:20

Энэ Би үүдэнэй хажууда ерээд, үүдэ тоншожо байнаб. Минии абяа дуулаад, үүдэ нээһэн хүнэйдэ орожо, хамта эдеэлхэб, тэрэ хүн Намтай суг эдеэлхэ.