Еврейнүүдтэ 3:18 - Библи

¹⁸ «Амаруулха гэһэн орондоо тэдэниие хэзээшье оруулхагүйб», – гэжэ Бурхан тангариглахадаа, хэд тухай хэлээб? Урдаһаань үймөө татаһан хүнүүд тухай айладаа.

Шэнэ Хэлсээн

¹⁸ «Амаруулха гэһэн орондоо тэдэниие хэзээшье оруулхагүйб», – гэжэ Бурхан тангариглажа байхадаа, хэд тухай хэлэжэ байгааб? Урдаһаань үймөө татаһан хүнүүд тухай хэлэжэ байгаа ха юм.

Еврейнүүдтэ 3:18 ပူးပေါင်းရင်းမြစ်များ

Тоололго 14:11

Эзэн Моисейдэ иигэжэ айладаба: – Хэды болотор энэ арад Намһаа буруу харахаб? Хэды болотор эдэнэр Намда этигэхэгүйб? Эдээндэ оло дахин дүлгэ үзэгдэл боложо Минии харагдаашье һаа, эдэнэр Намда этигэнэгүйл.

Тоололго 14:23

үбгэ эсэгэнэртэнь үгэхэб гэжэ Минии тангариглаһан тэрэ орон нютагые харахагүй! Намда этигэдэггүй бүгэдэ зон тэрэ газар нютагые үзэхэгүй!

Тоололго 14:30

Тиимэһээ үгэхэб гэжэ Минии гараа үргэн тангариглаһан тэрэ газарта таанадай хэншье хүрэжэ ошохогүй. Гансал Епуннээгэй хүбүүн Халээб, Нүүнэй хүбүүн Иисүүс тэрэ газар дээрэм хүлөө табиха.

Тоололго 14:37

Тэрэ орон нютаг тухай муу үгэ тарааһан зондо Эзэн тахал үбшэн һүжэрүүлэн, тэдэниие хюдаба.

Тоололго 20:12

Эзэн Моисей Аһароон хоёрто иигэжэ айладаба: – Таанад Намайе хүндэлэнгүй, бүхы израильшуудтаа Минии арюун нангиниие харуулаагүйт, Намда этигэжэ ябадагаа гэршэлээгүйт. Энэ арадта найдуулагша газараа Би үгэхэб. Теэд таанад түрэл арадаа дахуулжа, тэрэ газартамни орохогүйт!

Иоанн 3:36

Бурханай Хүбүүндэ этигэдэг хүн хэтэ мүнхын ажамидаралда хүртэхэ, харин энэ Хүбүүниие буруушааһан хүн хэтын амидарал үзэхэгүй, Бурханай уур сухал хододоо хүргэжэ байха.

Римэйхиндэ 11:30

Бусад арад таанадай урдань Бурханай үгэ дууладаггүй байһантайтнайл адляар мүнөө еврейнүүд баһа Бурханай үгэ дууладаггүй. Тэрээнһээнь боложо таанад Бурханай үршөөл хайрада хүртэбэт.

Хуули дабталга 9:23

Кадээш-Барнээ гэгшэһээ Эзэнэй таанадые эльгээжэ, «Минии таанадта үгэжэ байһан газар руу уруудан буужа эзэлэгты!» – гээд айладахадань, та бүгэдэн урдаһаань һөөргэдэжэ, этигэбэгүйт, үгыень дуулабагүйт.

Еврейнүүдтэ 4:11

Этигэлгүй байһанайнгаа тула унаһан тэдэ хүнүүдтэл адли нэгэмнайшье унангүй, тиимэ амаралтада хүртэхын тула бүхы шадалаараа шармайе.

Еврейнүүдтэ 4:2

Сүл губяар ябаһан зондол тон адли бидэ Һайн Мэдээсэл дуулаабди. Тэдэнэр Бурханай үгые дуулаһаншье һаа, һайн болоогүй. Ушарынь хэлэхэдэ, тэдэ Бурханай үгые шагнажа байхадаа, тэрэ үгыень этигэл һүзэгтэйгээр тогтоожо абаагүй.

Еврейнүүдтэ 4:6

Һайн Мэдээсэл түрүүн дуулаһан хүнүүд этигэлгүй байһан хадаа амаралтада хүртөөгүй. Тэрэ амаралтада хүртөөгүй зон үшөөшье байна.