Еврейнүүдтэ 3:16 - Библи

¹⁶ Бурханай дуу дуулаһаншье һаа, урдаһаань үймөө татаһан хүнүүд хэд байгааб? Тэдэнэр булта Моисейн хүтэлбэри доро Египедһээ гараһан хүнүүд байгаа.

Шэнэ Хэлсээн

¹⁶ Бурханай дуу дуулаһаншье һаа, урдаһаань үймөө татаһан хүнүүд хэд байгааб? Тэдэнэр булта Моисейн хүтэлбэри доро Египедһээ гараһан хүнүүд байгаа.

Еврейнүүдтэ 3:16 ပူးပေါင်းရင်းမြစ်များ

Ерэмияа 32:29

гал табиха. Ондоо бурхадта мүргэжэ, Баалда зорюулан сан санзай бааюулан, Намайе сухалдуулһан тэдэ байшангуудтайнь хамта дайсад энэ хотые дууһан шатааха.

Ерэмияа 44:3

Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Ерэмияа 44:8

Шүтөөнүүдые хэжэ, Египедэй газар дайдада ондоо бурхадта үргэл үргэжэ, өөһэдыгөө һалгаахатнай гү? Дэлхэйн арадуудай доромжолол болохо, танай нэрые хараал мэтээр дурдадаг болохын тула гү?

Тоололго 14:11

Эзэн Моисейдэ иигэжэ айладаба: – Хэды болотор энэ арад Намһаа буруу харахаб? Хэды болотор эдэнэр Намда этигэхэгүйб? Эдээндэ оло дахин дүлгэ үзэгдэл боложо Минии харагдаашье һаа, эдэнэр Намда этигэнэгүйл.

Тоололго 14:2

Израильшууд Моисей Аһароон хоёрто дураа гутан, иигэжэ шангаар гэмэрэлдэшэбэд: – Элһэн губида гү, али Египедтэ үхэхэеэ яагаабибди бидэнэр!

Тоололго 14:24

Минии зараса Халээб тэдээнһээ гансааран илгаржа, Намда үнэн сэхэ зандаа үлөө. Тэрэнэйнь түлөө Би тэрэниие харагша газартань хүргэн абаашахаб. Үри һадаһадынь энэ орон нютагые эзэмдэн ажаһууха!

Тоололго 14:30

Тиимэһээ үгэхэб гэжэ Минии гараа үргэн тангариглаһан тэрэ газарта таанадай хэншье хүрэжэ ошохогүй. Гансал Епуннээгэй хүбүүн Халээб, Нүүнэй хүбүүн Иисүүс тэрэ газар дээрэм хүлөө табиха.

Тоололго 14:38

Гэбэшье шэнэ газар тагнан шэнжэлээд ерэгшэдэй дундаһаа Нүүнэй хүбүүн Иисүүс Епуннээгэй хүбүүн Халээб хоёр амиды мэндэ үлэбэд.

Тоололго 14:4

Зон өөһэд хоорондоо иигэжэ хэлсэдэг болобо: – Шэнэ ударидагшые һунгаад, һөөргөө Египет руу бусая!

Тоололго 26:65

Ушар юуб гэхэдэ, тэдэнэрые булта сүл губида үхэхэ гэжэ Эзэн айладаһан байгаа. Гэбэшье Епуннээгэй хүбүүн Халээб, Нүүнэй хүбүүн Иисүүс хоёр лэ амиды үлөө һэн.

Хуули дабталга 1:38

Өөрынгөө туһамаршан, Нүүнэй хүбүүн Иисүүс гэгшые зоригжуула. Израилиин зониие газар эзэмдэхыень тэрэ хүтэлэн абаашаха.

Иудын хандалга 1:5

Эзэнэй Өөрынгөө арадые Египедһээ гаргажа абарһан тухайнь, тиигээд Тэрээндэ һүзэглэдэггүй зониие үгы хэһэн тухайнь һанагты.