Еврейнүүдтэ 2:3 - Библи

³ Тиимэ агууехэ абаралгые тоонгүй, бидэ хэһээлтэһээ яажа зугадаха гээшэбибди? Эзэн энэ абаралга тухай анхан Өөрөө айладхаа. Тэрэниие дуулаһан хүнүүд абаралга болбол үнэн гэжэ бидэндэ баталан хэлээ.

Шэнэ Хэлсээн

³ Тиимэ агууехэ абаралгые тоонгүй, бидэ хэһээлтэһээ яажа зугадаха гээшэбибди? Дээдын Эзэн энэ абаралга тухай анхан өөрөө айладхаа юм. Тэрэниие дуулаһан хүнүүд абаралга болбол үнэн юм гэжэ бидэндэ баталан хэлээ бэлэй.

Еврейнүүдтэ 2:3 ပူးပေါင်းရင်းမြစ်များ

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 20:6

Тэрэ үе сагай морилходо, далайн эрьеэр ажаһуугшад иигэжэ хэлсэхэ: «Маанадта туһалха, Ассириин хаанһаа абарха гэжэ бидэ тэдэ орон түрэнүүдтэ найдажа, гуйхаяа гүйдэлөөрөө ошодог бэлэйбди. Теэд харыт, манай найдаха юумэн үгы болоол! Яажа абарагдаха гээшэбибди?»

Исай 51:5

Минии заларха саг ойртоо, тиигээд Би тэдэниие абархаб. Би Өөрөө үндэһэ яһатадые сүүдлэхэб, алас холын орон нютагууд Минии залархые, тэдэниие абархые ехэ найдан хүлеэнэ.

Исай 51:8

Хибэндэ эдюулһэн хубсаһан мэтэ, хорхойдо эдюулһэн нооһон мэтэ тэдэ үгы болохо. Харин Минии илалта хэтэ мүнхэдөө мандаха, Минии абарал үеһөө үедэ дамжан байха».

Исай 62:11

Эзэн бүхы дэлхэйдэ иигэжэ соносхоно: «Сионой хотодо Минии тэдэниие абархаяа ерэжэ байһан тушаа дуулгаарайгты. Тэдээндэ шагнал хүртөөхэ тухайм хэлээрэйгты».

Эзэкээл 17:15

Теэд Иудын шэнэ хаан саашадаа урдаһаань һөөргэдэжэ, моридые болон сэрэгшэдые эрин, элшэнэрээ Египет руу эльгээгээ. Харин хэлсээ иигэжэ эбдэһэн аад, тэрэ амиды мэндэ үлэхэ гү, амжалта туйлаха гү?! Үгы, хэһээгдэхэ!

Эзэкээл 17:18

Өөрынгөө тангариг, Вавилоонтой баталһан хэлсээгээ тэрэ эбдээ. Иимэ хэрэг үйлэдэһэнэйнгөө түлөө тэрэ мултаржа, амиды мэндэ тэрьедэжэ шадахагүй.

Матвей 23:33

Могойнууд, хорото могойн таһардаһад! Таанар тамада хаягдаха хэһээлтэһээ яажа хулжархые бодонобта?

Матвей 4:17

Тэрэ сагһаа хойшо Иисүүс: – Нүгэл үйлэдэхэеэ болижо, Бурханда хандагты, Бурханай хаан түрэ мандаха дүтэлөө, – гээд номножо эхилбэ.

Марк 1:14

Иоанные барижа түрмэдэ хааһан хойнонь Иисүүс Галилей можо ерэжэ, Бурханай Һайн Мэдээсэл номнобо.

Лука 1:2

Эхинһээнь байлсаһан, болоһон бүгэдые хараһан зоной маанадта хөөрэһые тэдэ нүхэд буулгажа бэшэнэ.

Лука 1:69

Зараса Давидайнгаа үри һадаһадһаа манда һүр хүсэтэй Абарагшые үгөөл.

Лука 24:19

– Ямар ушарнууд юм? – гэжэ харгынь хани урдаһаань асууба. Тиихэдэнь тэдэнэр иигэжэ хөөрэбэ: – Эдэ бүхы ушарнууд Назаредэй Иисүүстэй тохёолдоо. Бүтээһэн үйлэ хэрэгүүдээрээ, айладхаһан юумэнүүдээрээ Тэрэ Бурханда болон зондо таатай, һүр хүсэтэй лүндэншэ байһанаа харуулаа.

Иоанн 15:27

Мүн таанаршье Минии гэршэ болохот, ушарынь хэлэбэл, эгээл эхинһээ Намтай суг байгаа ха юмта.

Хэрэгүүд 2:22

Израилиин зон, намайе шагнагты! Бурхан Назаредэй Иисүүсээр агууехэ хэрэгүүдые, гайхамшагта үзэгдэлнүүдые ба тэмдэгүүдые бүтээлгэн, Тэрэниие эльгээһэн тухайгаа таанадта гэршэлээ. Эдэ бүхэн танай дунда ушараа. Тиимэһээ таанад өөһэдөө энээн тухай мэдэнэт.

Хэрэгүүд 4:12

Ондоо нэгэшье хүн таниие абархагүй, бидэниие абаржа шадаха ондоо хүниие энэ дэлхэйдэ Бурхан үгөөгүй.

Римэйхиндэ 11:14

Тиигэжэ өөрынгөө яһанай аха дүүнэрэй дунда атаархал түрүүлжэ, заримыеньшье абаржа магадгүйб.

Римэйхиндэ 2:3

Гэмнэжэ байһан хүнүүдтэйгээл тон адли юумэ үйлэдэжэ байхадаа, таанад Бурханай хэһээлтэдэ хүртэхэгүйбди гэжэ үнэхөөрөө һанана гүт?

Коринфынхидтэ 1-дэхи 1:21

Энэ дэлхэйн зоной өөһэдынгөө ухаагаар Бурханиие мэдэрхын аргагүй байхыень Бурхан Өөрөө оюун ухаагаараа заяагаа, тиигээд «тэнэг» гэгдэдэг мэдээсэлээр һүзэглэгшэ зониие абарха гэжэ шиидээ.

Фессалоникиинхидтэ 1-дэхи 5:3

Хүнүүдэй «Амгалан тайбан, аюулгүй һуунабди» гэжэ байхада, тэдэниие гэнтэ һүйдхэхэ. Тэрэ һүйдхэл болбол түрэхөө байһан эхэнэрэй үбдэдэг мэтэ гэнтэ эхилхэ, тиимэһээ хүнүүд тэрээнһээ зайлажа шадахагүй.

Тимофейдэ 1-дэхи 1:15

Иисүүс Христоос нүгэлтэдые абархаяа газар дэлхэйдэ ерээ гэдэгынь үнэн зүб юм, тиигэжэ хэлэһэндэ этигэжэ боломоор юм. Би болбол тэдэ нүгэлтэдэй эгээн мууниинь байгааб.

Тидтэ 2:11

Ушарынь юуб гэбэл, хүн бүхэниие абарха ушартай Бурхан үршөөл хайраа элирүүлбэ.

Еврейнүүдтэ 1:1

Урдандаа Бурхан лүндэншэдөөр дамжуулжа элдэб аргаар, олон удаа манай үбгэ эсэгэнэртэ үгэ хэлэдэг байгаа.

Еврейнүүдтэ 1:14

Тиихэдээ Эльгээмэлнүүд хэд гээшэб? Тэдэ Бурханда алба хэжэ, абарагдаха ёһотой хүнүүдтэ туһалхаар Бурханай эльгээһэн һүлдэнүүд гээшэ.

Еврейнүүдтэ 1:2

Харин һүүлшын эдэ үдэрнүүдтэ Тэрэ Хүбүүгээрээ дамжуулан бидэндэ хэлэнэ. Бурхан Хүбүүнэйнгээ ашаар замбуулин дэлхэйе бүтээжэ, бүхы юумые залгамжалхаар Тэрэнээл һунгаа.

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.

Еврейнүүдтэ 4:1

Тэрэ найдуулһан амаралтадань хүртэнгүй үлэшэхэгүйн тула бидэ булта болгоомжотой байха ёһотойбди.

Еврейнүүдтэ 4:11

Этигэлгүй байһанайнгаа тула унаһан тэдэ хүнүүдтэл адли нэгэмнайшье унангүй, тиимэ амаралтада хүртэхын тула бүхы шадалаараа шармайе.

Еврейнүүдтэ 5:9

Эрхим түгэс болоходоо, Тэрэ үгыень дууладаг бүхы хүнүүдэй мүнхын абаралгын эхиниинь болоо.

Еврейнүүдтэ 9:28

Тон тиигэжэл Христоос олон зоной нүгэлнүүдые хүлисүүлхээр Өөрыгөө нэгэтэ үргэл болгон асараа. Тэрэ хоёрдохиёо нүгэлнүүдые арилгахаяа бэшэ, харин Тэрэниие хүлеэжэ байһан зониие абархаяа ерэхэ.

Иоаннай 1-дэхи хандалга 1:1

Бидэ амидаралгын Үгэ тухай иигэжэ мэдээсэнэбди: анханһаа нааша амидаралгын Үгэ оршожо байгаа, бидэ тэрэ Үгэ соносообди, нюдөөрөө хараабди, гараараа хүрэжэ үзөөбди.

Иудын хандалга 1:17

Хүндэтэ аха дүүнэрни, манай Эзэн Иисүүс Христоосой элшэнэрэй уридшалан хэлэһые һанажа ябагты.

Гэршэлгэ 7:10

Тэдэ иигэжэ хашхаралдана: «Хаан шэрээдэ Һуугааша манай Бурхан, мүн Үргэлэй Хурьганда абаралга».