Еврейнүүдтэ 2:14 - Библи

¹⁴ Үхибүүдэй махабад бэе ба шуһанһаа бүридэһэн хадань Иисүүс Өөрөө тэдэнтэйл адли хүн болоо. Үхэлые эрхэ мэдэлдээ абаад байһан шолмосые Өөрынгөө үхэлөөр хүсэгүй болгохын тула,

Шэнэ Хэлсээн

¹⁴ Үхибүүдэй махабад бэе ба шуһанһаа бүридэһэн хадань Иисус өөрөө тэдэнтэйл адли хүн болоо. Үхэлые эрхэ мэдэлдээ абаад байһан шолмосые өөрынгөө үхэлөөр һүнөөхын тула,

Еврейнүүдтэ 2:14 ပူးပေါင်းရင်းမြစ်များ

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

Исай 25:8

Эзэн Бурхан үхэл хаталые хэтын хэтэдэ усадхаха. Бүхы зоной нюурһаа Тэрэ нулимса аршажа, Өөрын арад түмэнэй нэрээ гутааһан ушарые бүхы дэлхэйгээр зайлуулха. Энээн тушаа Өөрөө Эзэн айладхаа бэлэйл.

Исай 53:12

Тиимэһээ Би Тэрээндэ агууехэ зоной дунда һууха һуури үршөөхэб, хүсэтэйшүүлтэй хамта Тэрэ олзо хубаалдаха. Тэрэ Өөрынгөө ами наһа хайрлаагүй, Тэрэниие гэмтэн гэжэ тоолоо, олоной нүгэл Өөр дээрээ тээжэ, нүгэлтэй зоной түлөө зууршалан гуйгаа.

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Һошээ 13:14

Үхэлэй оронһоо таанадые Би абархагүйб, үхэлһөө мултаруулхагүйб. Ай, Үхэл, зоболонгуудшни хаанаб? Үхэл, хадхуураараа зониие хадхан алыш, бултыень усадхыш! Би энээн тушаа оройдоошье халаглахагүйб.

Матвей 16:17

Тиихэдэнь Иисүүс: – Ионын хүбүүн Симон, ши золтойш! Энэ үнэн зүбые шамда хүнэй һанаан нээгээ бэшэ, харин тэнгэридэ оршодог Минии Эсэгэ тайлбарилаа.

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Иоанн 12:24

Таанарта үнэниие хэлэнэб: шэниисын орооһон газарта унаад хосороогүй һаа, миин лэ гансахан орооһон зандаа үлэхэ, харин тэрэ орооһон хосорходоо, ехэ ургаса асарха.

Римэйхиндэ 14:9

Амиды ба үхэһэн хүнүүдэй Эзэн байхын тула Христоос үхөөд амидыраа.

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Коринфынхидтэ 1-дэхи 1:28

Бурхан энэ дэлхэй дээрэ шухала гэжэ тоологдодог юумые болюулхын тула хүнүүдэй дундаһаа ямаршье уг изагуургүй, дарлагдаһануудыень шэлэжэ абаа.

Коринфынхидтэ 1-дэхи 15:50

Махабад бэе шуһан хоёрһоо бүтээгдэһэн юумэн Бурханай хаан түрые залгамжалха аргагүй, үмхиржэ хосордог юумэн үмхирдэггүй мүнхэ юумые залгамжалха аргагүй гэжэл би таанадта хэлэхэ һанаатайб.

Галадуудта 4:4

Харин саг болзорой ерэхэдэ, эхэнэрһээ түрэһэн Хүбүүгээ Бурхан эльгээбэ. Хуулиин эрхэ мэдэлдэ байһан хүнүүдые абархын тула, Бурханай найдуулһан юумэнэй уг залгамжалагшад болгохын тула түлөөһэ үгэжэ, эльгээһэн Тэрэ Хүбүүниинь Хуулиин ёһоор ажамидаржа байгаа.

Колоссынхидтэ 2:15

Тиигэжэ Христоосой ашаар Бурхан захирагша ба засаглагша хүсэнүүдые дараа, тиигээд илалта туйлахадаа, тэдэ хүсэнүүдые баряанда абтаһан зондол адляар бүхы арадай урда ябуулаа.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Тимофейдэ 2-дохи 1:10

Харин мүнөө манай Абарагша Иисүүс Христоосой ерэхэдэнь, тэрэ үршөөлынь эли болоо. Христоос Иисүүс үхэлые туйлажа, Һайн Мэдээсэлэй ашаар бүхы хүнүүдтэ мүнхын амидарал үршөөгөө.

Еврейнүүдтэ 10:10

Иисүүс Христоосой Бурханай эрхэ хүсэл бэелүүлэн, Өөрынгөө бэеые нэгэтэ болон хэтын хэтэдэ үргэл болгон асарһан хадань бидэ булта нүгэлнүүдһээн мултаран арюудхагдаабди.

Еврейнүүдтэ 10:5

Тиимэһээ Христоос энэ газар дэлхэйдэ ерэхэдээ, Бурханда иигэжэ хэлээ: – Үргэл болон бэлэгүүдые хүсэнэгүйт. Тиихэдэ Намда махабад бэе олгоот.

Еврейнүүдтэ 2:17

Найдабаритай ба үршөөл хайратай Ахамад Санаарта болоод, бүхы хүнүүдэй нүгэлнүүдыень хүлисүүлхын тула Бурханда алба хэжэ байхадаа, Өөрынгөө аха дүүнэртэй адли болохо ёһотой байгаа.

Еврейнүүдтэ 2:18

Тэрэ Өөрөө туршуулжа, зоболон эдлэһэн ушарһаа мүнөө туршалгада ороһон хүнүүдтэ туһалха аргатай юм.

Еврейнүүдтэ 4:15

Манай Ахамад Санаарта бидэнэй ядаруу тулюур байдал тухай һанаагаа зобонгүй ябажа шадахагүй. Тэрэ бидэндэл тон адли бүхы талаһаа туршуулбашье, нэгэшье нүгэл хээгүй.

Еврейнүүдтэ 9:15

Бурханай уряалһан хүнүүд Бурханай найдуулһан мүнхын үршөөлдэ хүртэхэ. Христоос түрүүшын хэлсээнэй хүсэн түгэлдэр байхадань хүнүүдые үйлэдэһэн нүгэлнүүдһээнь сүлөөлөөд, Шэнэ хэлсээ баталха боломжо олгобо.

Пётрой 1-дэхи хандалга 1:20

Юртэмсэ дэлхэйн зохёон бүтээгдэхэһээ урда таанадайл аша туһада Бурхан Христоосые шэлэжэ абаа, үе сагай дүүрэжэ байхада Тэрэниие элирхэйлэн харуулаа.

Гэршэлгэ 1:18

Би амидыб; үхөөд байһанаа мүнөө хэтэ мүнхэдөө амиды ябахаб; үхэлэй ба үхэлэй ороной түлхюурнүүдынь Намда бии.

Гэршэлгэ 12:9

Юртэмсэ дэлхэйн бүхы зониие мэхэлжэ хууража байһан шолмос, сатана гэжэ нэрэтэй ехэ үнинэй Могой бологшо луу тэнгэриһээ газарта шэдүүлһэн, тэрээнтэйгээ хамта эльгээмэлнүүдыньшье шэдүүлһэн юм.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!

Гэршэлгэ 20:2

Ехэ үнинэй могой, шолмос, сатана байһан лууе Эльгээмэл барижа ерээд, мянган жэлдэ мултархагүй бүхөөр гэнжэлэн хүлижэрхибэ.