Еврейнүүдтэ 13:5 - Библи

⁵ Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.

Шэнэ Хэлсээн

⁵ Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан хэлээ.

Еврейнүүдтэ 13:5 ပူးပေါင်းရင်းမြစ်များ

Эхин 28:15

Хаанашье ябаа һааш, Би шамтай суг ябажа, аршалхаб. Энэ орон нютаг руу дахин асархаб. Айладхаһанаа бэелүүлтэрээ Би шамайе орхихогүйб.

Эхин 30:31

– Теэд хэлыш, ямар түлөөһэ абахаб гэнэш? – гэбэ Лаваан. – Намда юумэ үгэхэ хэрэггүй, – гэжэ Яков харюусаба. – Би саашадаашье хони малыетнай адуулхаар, харахаар бэлэмби, зүгөөр нэгэл хэлсээтэйгээр.

Эхин 31:5

иигэжэ хэлэбэ: – Би танай эсэгэ намда анханайхиһаа ондоогоор хандадаг болоо гэжэ хаража байнаб. Зүгөөр минии эсэгын Бурхан намтай.

3 Хаан түрэнүүд 8:57

Эзэн Бурхамнай элинсэг хулинсагтамнай туһалан байгаа. Тэрэ маанадтайшье хамта байжа, хэзээдэшье маанадые бү орхиг лэ!

1 Угай бэшэг 28:20

Давид Соломоондоо иигэжэ хэлэбэ: – Эрэлхэг зоримгой шанга яба, юунһээшье бү ай, зүрхэ бү алда, юуб гэхэдэ, Эзэн Бурхан, Минии Бурхан хододоо шамтай байха, Эзэнэй гэрэй бүхы заабаринуудыень дүүргээд байбалшни, Тэрэ шамһаа холо болохогүй, шамайе хэзээдэш орхихогүй,

Псалманууд 10:3

Һууриин һандаргагдаад байхада зүб шударга хүн юу хэжэ шадахаб даа.

Египедһээ гаралга 2:21

Моисей тэрэ айлайда байха гэжэ шиидэбэ. Рэүһээл удангүй Циппоораа гэжэ басагаяа Моисейдэ хадамнаба.

Египедһээ гаралга 20:17

Хүнэй гэр байра буляаха гэһэн хүсэлдэ бү абта, хүнэй һамганда, хүнэй богоол шэбэгшэндэ, сар элжэгэндэ, хүндэ байһан ямаршье юумэндэ бү һанаашарха.

Һургаал 23:4

Баялиг суглуулхын тулада үргэһэ нойргүй бү зүдхэ, хэзээ тогтохоёо мэдэхэ хэрэгтэй.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 41:17

Үгытэй, ядуу зон уһа бэдэржэ, ангаһандаа хэлэнэйнь хатан алдахада, Би, Эзэн, гуйлтыень дүүргэхэб, Би, Израилиин Бурхан, тэдэниие хаяад байхагүйб.

Исай 42:16

Би Өөрын һохор зониие мэдэхэгүй замаарнь хүтэлэн ябахаб, тэдэнэй урда харанхые гэрэл, барзагар газарые тэгшэ тала болгохоб. Энэ болбол Минии хэхэ юумэн. Би тэдэниие хэнгүй орхихогүйб.

Ерэмияа 6:13

Ушарынь гэхэдэ, хүн бүхэн, бага, ехэ хамаагүй, гансал ашаг олзодо шунанхай. Лүндэншэһөө эхилээд, санаартан хүрэтэр бултадаа зониие мэхэлнэ.

Эзэкээл 33:31

Тиигээд тэдэ сугларан шамда ерэжэ, хэлэһыешни шагнана, гэбэшье соносоһоноо дүүргэнэгүй. Гансал үгэнүүд. Харин өөһэдөө тэдэ ашаг олзын түлөө мэхэлхэдээ һэншье гэхэгүй.

Матвей 6:19

Газар дэлхэй дээрэ баялиг зөөри өөртөө бү суглуулагты, тэрэнииетнай хүйр хорхой, жэбэ жонхо эдижэ магадгүй, хулгайшад шургажа ороод, хулуужа магадгүй.

Матвей 6:25

Тиимэһээл таанадта иигэжэ хэлэхэб: амиды ябахын тула юу эдихэ уухабибди, бэедээ юу үмдэхэ тухай һанаагаа огто бү зобоогты. Амимнай эдеэ хоолһоо шухала бэшэ аал? Бэемнай хубсаһа хунарһаа шухала бэшэ аал?

Матвей 6:34

Тиимэһээ үглөөдэрэйнгөө тухай һанаагаа бү зобогты, юундэб гэбэл, үглөөдэртнай өөрөө өөр тухайгаа һанаагаа зобохол: үдэр бүхэндэ һанаагаа зобохо юумэниинь олон байдаг лэ.

Марк 7:22

эрэдээ гү, али эхэнэртээ урбаха тээшэ түлхидэг, хомхой сэдьхэлтэй, хара һанаатай болгодог, худал хуурмаг, зальхай ябадал, атаа жүтөө түрүүлдэг, хэрүүл ама, бардам зан, тэнэг ааша гаргадаг.

Лука 3:14

– Харин бидэ юу хэхэ ёһотой болонобибди? – гэжэ сэрэгшэд мүн лэ асууба. – Хүн зоной юумэ бү дээрмэдэгты, бү буляагты, салин хүлһөөрөөл ажамидарагты! – гэжэ Иоанн харюусаба.

Лука 8:14

Үүргэнэ соо унаһан үрэһэн гээшэнь – номнол үгэнүүдые шагнабашье, урдынхидаал адли хубиингаа хэрэгтэ дашуурһаар, эд зөөриин барлаг болоһоор, бэеэ жаргуулха шуналда абтаһаар ямаршье аша үрэ асарангүй һалагшад тухай хэлэгдэнэ.

Римэйхиндэ 1:29

Тиимэһээл тэдэнэр нүгэл шэбэлдэ унаһан, зальхай забхай ябадалтай, алта мүнгэндэ шунаһан, хара һанаатай зон. Тэдэнэр атаархадаг, аладаг, хэрүүл ама гаргадаг, худалаар хэлэдэг, харата ааша гаргадаг, хүниие хардадаг,

Коринфынхидтэ 1-дэхи 5:11

Харин өөрыгөө Христоосто һүзэглэдэг хүн гэжэ нэрлэжэ байһан мүртөө забхай ябадалтай, али алта мүнгэндэ шунахай, али онгонуудта шүтэдэг, али хорон хэлэтэй, али архинша, али хулгайшан зонтой бү харилсагты гэһэн удхатайгаар бэшээб. Тиимэ хүнүүдээр хамта хоолшье эдихэ хэрэггүй.

Коринфынхидтэ 1-дэхи 6:10

хулгайшад, алта мүнгэндэ шунагшад, архиншад, хардагшад, мэхэшэд, эдэнэй али нэгэньшье Бурханай хаан орониие залгамжалхагүй.

Коринфынхидтэ 2-дохи 4:9

Бидэниие мүрдэбэшье, бидэ нүхэдгүй үлэдэггүйбди. Даруулбашье, бидэ үхөөгүйбди.

Эфесэйхиндэ 5:3

Таанад Бурханай хүнүүд юм хадаа зальхайралга, бэлиндэлгэ, али хомхойролго гэхэ мэтын юумэнүүд тухай өөһэд хоорондоо хэлэхэ, хүндэхэшье ёһогүйт.

Эфесэйхиндэ 5:5

Зальхайржа, бэлиндэжэ, али алта мүнгэндэ шунашаһан ямаршье хүн (алта мүнгэндэ шунаһан байдал онгондо мүргэһэндэл адли) Христоосой болон Бурханай хаан орониие залгамжалхагүй юм гэжэ таанад мэдэхэ ёһотойт.

Хуули дабталга 31:6

Хатуу шанга, эрэлхэг зоригтой байгты, тэдээнһээ бү айгты, бү һүрдэгты, юуб гэхэдэ, Эзэн Бурхантнай таанадтай хамта ябана. Тэрэ таанадые орхихогүй, хаяхагүй.

Хуули дабталга 31:8

Эзэн Өөрөө шамайе хүтэлэн ябаха, Тэрэ шамтай байха, шамайе орхихогүй, хаяхагүй. Бү ай, бү һүрдэ!

Хуули дабталга 4:31

Эзэн Бурхантнай нигүүлэсхы сэдьхэлтэй Бурхан юм. Тэрэ таанадые орхихогүй, һалгаахагүй, үбгэ эсэгэнэртэйтнай баталһан хэлсээгээ, тангариглаһанаа Тэрэ мартахагүй.

Колоссынхидтэ 3:5

Таанад досоотнай хүдэлдэг дэлхэйн хүсэлэнгүүдые: эрэдээ гү, али эхэнэртээ урбалта, забхайралга, шунал, нүгэлтэ хүсэлэнгүүд, онгонуудта шүтэхэтэй сасуулагдама хомхойрол гэхэ мэтын юумэнүүдые һүнөөхэ ёһотойт.

Тимофейдэ 1-дэхи 3:3

архиншан бэшэ, дошхон зангүй, номгон даруу зантай, эб найрамдалда дуратай, алта мүнгэ тоодоггүй,

Нүүнэй Иисүүс 1:5

Шинии бүхы наһан соо хэншье шамтай тэнсэхэгүй; Моисейн хажууда байһандал адли Би хажуудаш байхаб: шамһаа холодохогүйб, шамайе орхихогүйб.

Нүүнэй Иисүүс 7:21

олзын дунда нэгэ һайхан Шинаарай хубсаһа, хоёр зуун шээкэл мүнгэ, табин шээкэл жэнтэй монсогор алта харааб. Эдэ бүгэдые һайхашаагаад абааб; эдээниие майхан соогоо газарта булааб, мүнгэ доронь нюугааб.

Пётрой 2-дохи хандалга 2:14

Тэдэнэй нюдэдынь ташаяан хүсэлэнгөөр дүүрэнхэй, тэдэ нүгэл хэжэ бэеэ ханахагүй. Тулгагүй ахир хүнүүдыел зангадаа оруулдаг. Сэдьхэлынь хомхолзожо һуршанхай. Тэдэнэр үхэхэл табилантай юм.

Пётрой 2-дохи хандалга 2:3

Тэдэ хомхой хуурмаг һургагшад, зохёоһон үльгэрнүүдээ таанадта хөөрөөд, нилээн олзо өөһэдтөө олохо. Гэхэтэй сасуу хэһэн хэрэгүүдэйнь түлөө хэһээлтэ үни гэһээр бэлэн хүлеэжэ байна, тэдэнэй үхэлынь удахагүй.

Иудын хандалга 1:11

Тэдэнэр Хаяанай замаар ябана, Балаһаамда адли алта мүнгэндэ шунан, зониие буруудхана, Коорахта адли зүрюу зан гаргаад, хосорно. Тэдэнэр гай зоболон амсахал.

1 Хаан түрэнүүд 10:7

Тэдэ дүлгэ тэмдэгүүдэй шамда хүрэжэ ерэхэдэнь, һанаһан юумэеэ хээрэй. Юуб гэхэдэ, Бурхан шамтай хамта байна.

1 Хаан түрэнүүд 12:22

Юуб гэхэдэ, Эзэн агууехэ нэрынгээ түлөө Өөрын арад түмэниие орхихогүй. Ушарынь гэбэл, Эзэн таанарые Өөрынгөө арад зон болгон шэлээл!