Еврейнүүдтэ 13:2 - Библи

² Аяншадые гэртээ угтан оруулхаяа бү мартагты. Тиигэжэ зарим хүнүүд өөһэдөөшье мэдэнгүй Эльгээмэлнүүдые гэртээ айлшалуулһан байна.

Шэнэ Хэлсээн

² Аяншадые гэртээ угтан оруулхаяа бү мартагты. Тиигэжэ зарим хүнүүд өөһэдөөшье мэдэнгүй Бурханай Эльгээмэлнүүдые гэртээ айлшалуулһан байна.

Еврейнүүдтэ 13:2 ပူးပေါင်းရင်းမြစ်များ

Эхин 18:1

Үдын наранай халуунда, Мамрээгэй сарса мододой дэргэдэ, майханайнгаа үүдэндэ Абраһаамай һуужа һуухада тэрээндэ Эзэн дахин үзэгдэбэ.

Эхин 19:1

Тэнгэриин хоёр Эльгээмэл тэрэ үдэшэ Содом хото ерэбэ. Тэрэ үедэ Абраһаамай дүүгэй хүбүүн Лоот хотые хүреэлһэн үндэр хэрэм ханын үүдэнэй хажууда һуугаа. Аяншадые харамсаараа тэрэ һууриһаа бодожо, доро дохин хэлэбэ:

4 Хаан түрэнүүд 4:8

Нэгэтэ Элишаа Шүнээм ерэбэ. Баян нэгэ эхэнэр тэндэ байдаг байба. Тэрэ эхэнэр Элишаае эдеэлүүлхэ гэжэ гэртээ уриба. Элишаа тэндэ ошохо бүхэндөө тэрэ эхэнэрэй гэртэ орожо эдеэлдэг болобо.

Иоов 31:19

Үмдэхэ хубсаһагүй ядуушуулда хониной нооһоор хубсаһа оён үгэжэ дулаасуулхадань, тэдэ үнэн сэдьхэлһээ баяр хүргэдэг бэлэй.

Иоов 31:32

Замда ябаһан орохо газаргүй хүниие би газаа хонуулжа байгаагүйб.

Исай 58:7

Үлэсхэлэн хооһонтой эдеэ хоолоо хубаалдан, орохо гэргүй ядуу зониие гэртээ оруулагты. Хубсаһагүй зониие харабал, хубсалуулагты, түрэлхидтөө туһалагты.

Левит 19:34

Танай нютагта байрлаһан ерүүл хүн танай газарай хүн болоно. Өөртөө дуратай байгшадал мэтэ, тэрээндэ дуратай бай. Таанадшье Египедэй газарта ерүүл зон байгаа ха юмта. Би Эзэн, танай Бурхантнай гээшэб.

Матвей 25:35

Минии үлэн хооһон ябахада, таанар Намда эдихэ юумэ үгөөт; ундаа хүрөөд ябахадамни, ууха юумэ үгөөт; аяншалжа ябахадамни, Намайе гэртээ угтажа абаат;

Матвей 25:40

Тиихэдэнь хаан: «Эгээлэй юрын Минии дахагшадай нэгэндэнь тиимэ һайн юумэ хэхэдээ, таанад Намдашье һайниие хээ гээшэт», – гэжэ харюусаха.

Матвей 25:43

аяншалжа ябахадамни, гэртээ угтажа абаагүй һэнта; нюсэгэн байхадамни, үмдэхэ хубсаһа хунар үгөөгүй һэнта; үбдөөд байхадамни, түрмэдэ һуухадамни, Намтай уулзахаяа ерээгүй һэнта», – гэжэ буруутаһан зондо хэлэхэ.

Хэрэгүүд 16:15

Тэрэ эхэнэр гэр бүлөөрөө уһаар арюудхуулба, һүүлдэ бидэниие гэртээ уриба. «Эзэндэ түгэс этигэлтэй гэжэ таанад үнэн дээрээ нам тухай бодожо байгаа һаа, минии гэртэ ерэжэ байрлагты», – гэжэ тэрэ хэлээд, бидэниие үгэдөө оруулба.

Римэйхиндэ 12:13

Дуталдажа байһан һүзэглэгшэдтэй хубаалсажа, аяншадые гэртээ оруулан хүндэлжэ байгты.

Римэйхиндэ 16:23

Гэртээ намайе айлшалуулһан, һүзэглэгшэдэй бүлгэмые суглуулдаг Гай таанадта мэндые дамжуулна. Хотын мүнгэнэй һан эрхилэгшэ Эрааст, Кварт дүүмнай таанадта баһа мэндые дамжуулна.

Тимофейдэ 1-дэхи 3:2

Гэхэтэй сасуу һүзэглэгшэдэй бүлгэмэй хүтэлэгшэ ямаршье гэмгүй, гансал һамгатай, ухаансар, бэеэ баридаг, ехэ томоотой, аяншадые угтажа абадаг, хүнүүдые һургаха абьяастай,

Тимофейдэ 1-дэхи 5:10

дэмбэрэлтэй хэрэгүүдээрээ суутай байха ёһотой: үхибүүдээ һайн хүмүүжүүлһэн, аяншадые гэртээ амаруулжа байһан, бусад һүзэглэгшэдэй урда өөрынгөө уялгануудые дүүргэжэ, зобожо байһан зондо туһалжа, өөрыгөө үлзытэй һайхан хэрэгүүдтэ зорюулжа байха ёһотой.

Тидтэ 1:8

мүн аяншадые гэртээ угтажа абадаг, һайн юумэндэ дуратай, ехэ томоотой, үнэниие баримталдаг, арюун ябадалтай, үнэн сэдьхэлтэй, бэеэ баридаг хүн байха ёһотой.

Пётрой 1-дэхи хандалга 4:9

Бэе бэеэ гэртээ айлшалуулхадаа, элдэбээр бү гэмэрэлдэгты.

Иоаннай 3-дахи хандалга 1:5

Инаг хайрата дүүмни, аха дүүнэрэйнгээ түлөө, харгы замда ябагшадай түлөө шинии бүтээдэг али бүхы ажал хэрэгшни шинии үнэн сэхэ байдагые батална.