Еврейнүүдтэ 13:17 - Библи

¹⁷ Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой ушарһаа танай һүнэһэ һүлдэдэ үргэлжэ һанаагаа табидаг. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажалынь таанадта ашаг туһагүйл.

Шэнэ Хэлсээн

¹⁷ Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой юм хадаа танай зүрхэ сэдьхэлдэ үргэлжэ һанаагаа табидаг юм. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажал хэрэгынь таанадта ашаг туһагүй юм.

Еврейнүүдтэ 13:17 ပူးပေါင်းရင်းမြစ်များ

Эхин 16:9

Эзэнэй Эльгээмэл айладаба: – Эзэн эхэнэртээ бусажа, мэдэлдэнь оро.

Египедһээ гаралга 32:31

Эзэндэ ошоод, Моисей хэлэбэ: – Эдэ зон хэмжэшэгүй ехэ нүгэл үйлэдөө. Өөһэдтөө алтаар бурханиие хээ.

Исай 62:6

Иерусалим, шинии хананууд дээрэ Би харуулшадые табибаб. Тэдэ үдэр, һүнигүй зальбарал уншажа, дуугаа хуряахагүй. Тэдэ Эзэндэ найдуулганууд тушаань һануулдаг байха, хэзээдэшье дуугаа таһалдуулхагүй.

Ерэмияа 13:17

Харин энээниие анхараагүй һаатнай, танай бардам занһаа боложо, минии зүрхэ сэдьхэл бүтүү уйлахал. Эзэнэй арад зоной һүрэг мэтээр баряанда туугдаһанһаа боложо, нюдэдэйнгөө шэргэтэр би сурхирса уйлахаб.

Эзэкээл 33:2

– Хүнэй үри Эзэкээл, арад зоноо иигэжэ һэргылэ: Ямар нэгэн орон нютагта дайн дажар ушаруулба гэлэйб. Тэрэ ороной зон хэн нэгэеэ харуулшан болгон томилбо гэел даа.

Лука 16:2

Гэрэй эзэн эрхилэгшэеэ дуудаад: «Шам тухай юун гэнэб? Эрхилжэ байһан ажал хэрэг тухайгаа бүрин тоосоо хэ, саашадаа шамайе эрхилэгшын тушаалһаашни халахаб», – гэбэ.

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Римэйхиндэ 14:12

Хүн бүхэмнай өөрынгөө үйлэ ябадалай түлөө Бурханай урда тоосохо юм.

Коринфынхидтэ 1-дэхи 16:16

тиимэл хүнүүдэй ба тэдэнтэй ажаллажа, алба хэжэ байһан хүнүүдэй хүтэлбэри доро ябагты гэжэ таанадые гуйнаб.

Эфесэйхиндэ 5:21

Христоосые бэшэрэн, бэе бэеынгээ үгэ дуулагты.

Филиппынхидтэ 1:4

Тиин та бүгэдын түлөө зальбарха бүхэндөө би баяр жаргалтайгаар зальбардаг хүнби,

Филиппынхидтэ 2:12

Инаг хайрата нүхэдни, таанадтайгаа суг байхадамни, үгыемни ходо дууладаг һэнта. Теэд мүнөө хажуудатнай үгы байхадамни, бүришье һайнаар үгыемни дуулажа байха ёһотойт. Гүйсэд абарагдахын тула һүрдэн һүгэдэн ажаллажа байгты.

Филиппынхидтэ 2:29

Эзэнэй тэрэ һүзэглэгшые баяртайгаар угтажа абагты. Тэрээндэл адли хүнүүдые бултыень хүндэтэйгөөр угтажа байгты.

Филиппынхидтэ 3:18

Олон хүнүүд Христоосой хэрээһэндэ хадуулжа үхэһэн ябадалда эсэргүүсэһэн дайсад мэтэ ажамидардаг гэжэ би таанадта урдань оло дахин хэлээ һэм, мүнөөшье нулимсаа гарган дабтанаб.

Филиппынхидтэ 4:1

Инаг хайрата аха дүүнэрни, би таанадые ехэл үгылжэ байнаб. Таанад намайе баяр жаргалаар дүүргэнэт, таанадаар би омогорхоноб. Инаг хайрата аха дүүнэрни, иигэжэл Эзэндэ үнэн сэхэ байгты.

Фессалоникиинхидтэ 2-дохи 3:14

Энэ бэшэг соогоо захиһан үгэнүүдыемнай дуулаха дурагүй хүнүүд байжа магадгүй. Тиигэбэл таанад тэдэ хүнүүдэй эшэжэ улайхын тула тэдэниие ажаглажа байгаад, тэдэнээр харилсангүй байгаарайт.

Тимофейдэ 1-дэхи 5:17

Һайн хэрэг бүтээжэ байгаа хүтэлэгшэд, аргагүй оролдосотойгоор номножо, һургажа байһан хүнүүд дабхар шагнал абаха эрхэтэй.

Еврейнүүдтэ 13:24

Өөһэдынгөө бүлгэмүүдэй хүтэлэгшэдтэ болон Бурханай хүнүүдтэ бултандань бидэнһээ мэндые дамжуулаарайгты. Италиин һүзэглэгшэд таанадта баһал мэндые дамжуулна.

Еврейнүүдтэ 13:7

Таанадта Бурханай үгэ хэлэдэг байһан хүтэлэгшэдөө һанажа байгты. Тэдэнэй яажа амидаржа, яажа наһа бараһыень хараад, этигэл һүзэгыень һажаагты.

Яковай хандалга 4:7

Тиимэһээ Бурханай мэдэлдэ байгты. Шолмосто эсэргүүсэгты, тиигэбэлтнай тэрэ таанадһаа зайлаха.

Пётрой 1-дэхи хандалга 5:5

Залуушуул, таанад баһал бүлгэмэй хүтэлэгшэдэй үгөөр байгты. Бэе бэедээ булта номгон даруугаар хандагты. «Бурхан омог зантай зониие буруушаадаг, харин даруу номгон зондо үршөөлтэйгөөр хандадаг», – гэжэ Нангин Бэшэг соо хэлэгдэнэ.

1 Хаан түрэнүүд 8:19

Гэбэшье арад зон Самуилай үгэ дуулахаһаа татагалзан: – Үгы, маанадые зонхилхо хаан байха ёһотой.