Еврейнүүдтэ 13:15 - Библи

¹⁵ Тиимэһээ Иисүүсээр дамжуулан магтаалай үргэл Бурханда хододоо асаржа байял, Тэрэниие Эзэн гэжэ зүбшөөн үреэлөөрөө үргэл асаржа байял.

Шэнэ Хэлсээн

¹⁵ Тиимэһээ Иисусаар дамжуулан магтаалай үргэл Бурханда хододоо асаржа байял, тэрэниие Дээдын Эзэн гэжэ зүбшөөн үреэлээрээ үргэл асаржа байял.

Еврейнүүдтэ 13:15 ပူးပေါင်းရင်းမြစ်များ

2 Угай бэшэг 29:31

Хэзэкияа зондо иигэжэ хэлэбэ: – Таанад мүнөө Эзэндэ өөрыгөө зорюулаат. Үргэлнүүдые үргэжэ, баяр баясхалангай бэлэгүүдые Эзэнэй Һүмэ руу асаран байгты. Зон үргэлнүүдые, баяр баясхалангай бэлэгүүдые асаржа эхилбэ. Һүзэг ехэтэйшүүл түгэс шатаалта үргэлнүүдыешье асараа һэн.

2 Угай бэшэг 33:16

Мэнашшээ Эзэнэй үргэлэй шэрээ һэргээн бодхоожо, амгалан байдалай болон Бурханда баяр баясхаланай үргэлнүүдые тэрээн дээрэ үргэбэ. Израилиин Эзэн Бурханда алба хэхыень Иудын арад түмэндэ тэрэ захирба.

2 Угай бэшэг 7:6

Санаартад зиндаагай ёһоор һууринуудтаа зогсобо. Израилиин бүхы улад зоной зогсоод байхада, левидүүд хүгжэм наадажа байгаа. Хэтэ мүнхын хайра үршөөлтэй Эзэниие магтан дуулахын тула Давид хаан хүгжэмэй зэбсэгүүдые зохёон дархалһан гээд мэдээжэ. Санаартад ёһолол ябуулжа, дуу хүгжэм гаргажа байба.

Эзраа 3:11

«Магтагты!», «Эзэн Бурханаа алдаршуулагты!», «Энэрхы хадаа Тэрэ Израилиие хододоо үмэгшэлхэ!» гэхэшэлэн олон магтаал дуунуудые дуулабад. Эзэнэй һүмын һууриин табигдаһантай дашарамдуулан бүхы зон Эзэндээ соло магтан хашхаралдаба.

Нэхэмьяа 12:40

Һүүлээрнь хоёр жагсаал Бурханай гэрэй хажууда зогсобод. Тэндэ би байбаб, намтай хамта даргануудай хахадынь,

Нэхэмьяа 12:43

Тэрэ үдэр арад зон аргагүй ехэ үргэл бүтээбэ, удаань аргагүй ехээр баярлабад – Бурхан тэдэнэртэ агуу баяр үршөөбэ. Эхэнэрнүүд, үхибүүдшье хүхилдэбэд. Иерусалимай баярай хүхилгэ аяар холоһоо дуулдажа байгаа!

Псалманууд 118:19

Би газар дэлхэй дээр ерүүл хүндэл эрхэгүй жаахамби, Өөрын захяа заабаринуудые намһаа бү хоргодуулыт!

Псалманууд 50:14

Танаар абарагдаха баяр намда һэргээгыт, хүсэлэнтэ Һүлдөөр намайе тэдхыт.

Исай 57:19

Холо, ойрын зондо бултандань энхэ тайбан байдал үршөөнэб. Өөрын арад зониие аргалхаб.

Ерэмияа 33:11

баяр, хүхилдөөнэй, түрэ хуримай абяануудые соносохот. Зоной дуу дуулахые шагнахат. Тэдэ хадаа баяр баясхалан хүргэн, Минии Һүмэ соо үргэл хэхэ. Тэдэ иигэжэ хэлэн байхал: «Түмэн Сэрэгтэ Эзэндэ баясхалан хүргыт. Тэрэ хадаа угаа һайн. Тэрэнэй үршөөл хайра мүнхэ». Би энэ орон нютагые урданайхидань адли амжалта түгэс болгохоб. Энэ болбол Би, Эзэн, айладхана мүн!

Ерэмияа 33:18

Левит санаартад хододоо Намда алба хэжэ байха, түгэс шатаалта үргэл үргэдэг байха.

Һошээ 14:2

Израилиин улад зон, Эзэн Бурхандаа эрьеыт! Нүгэл шэбэлтнай таанадые бүдэрүүлэн унагаажа байна.

Левит 7:12

Хэрбэеэ али нэгэн баяр баясхалан хүргэхын тула үргэл үргэхэеэ һанаа һаа, оливын тоһо холёод, эһээнгүйгөөр бариһан хилээмэ асарха ёһотой, тоһо түрхиһэн эһээлтэгүй лепёошхо, тиигээд оливын тоһо шэнгээһэн, шэниисын талха болон оливын тоһотой худхаһан хилээмэ асарха ёһотой.

Матвей 11:25

Баһа тэрэ сагта Иисүүс иигэжэ хэлэбэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб.

Лука 10:21

Энэ үедэ Арюун Һүлдын Иисүүсые баяраар дүүргэхэдэ, Тэрэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб. Зүб даа, Эсэгэмни, Та иимэл юумэнэй болохые хүсэжэ байгаа ха юмта.

Иоанн 10:9

Үүдэ гээшэнь Биб. Хэн энэ үүдээр ороноб, тэрэ хүн абарагдаха. Тэрэ хүн үүдээр орожо, һүүлдэ газаашаа гараад, өөрынгөө бэлшээри олохо.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Римэйхиндэ 12:1

Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Римэйхиндэ 6:19

Таанадай үшөөл гүйсэд болбосороогүй хадатнай би юрын жэшээнүүдые хэрэглэнэб. Урдань таанад бузар муухай юумэнүүдые үйлэдэхэ зорилготойгоор бэеынгээ эрхэтэнүүдые нүгэлэй барлаг болгоһон байгаат. Харин мүнөө бэеынгээ бүхы эрхэтэнүүдые үлзытэй хэрэгүүдые бүтээжэ байхаарнь зүб юумэнэй барлагууд болгогты.

Эфесэйхиндэ 2:18

Еврейнүүдшье, ондоо яһатаншье, бидэ булта Христоосой ашаар нэгэ Һүлдөөр Эсэгэдэ ойртохо аргатайбди.

Еврейнүүдтэ 12:28

Хубилгаха аргагүй хаан орониие эзэлээд, бидэ баяр баясхалангаар дүүрэн байял. Бурханда хүндэтэйгөөр хандан, һүгэдэн, Тэрээндэ һайшаагдамаар алба хэжэ байял.

Еврейнүүдтэ 7:25

Тиимэһээ зониие үргэлжэ абаржа байха аргатай Тэрэ санаарта хэтын хэтэдэ амиды байжа, Тэрээгүүр дамжан Бурханда ерэһэн хүнүүдэй түлөө Бурханай урда гуйдаг.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Пётрой 1-дэхи хандалга 4:11

Номножо байһан хүн Бурханай Мэдээсэлые номножо байг лэ; алба хэжэ байһан хүн Бурханай үршөөһэн хүсэ шадалаар өөрыгөө бэхижүүлжэ байг лэ. Бүхы юумэнүүд Иисүүс Христоосоор дамжан, Бурханиие алдаршуулжа байг лэ! Бурхан хэтын хэтэдэ алдар солотой, хүсэ шадалтай байхань болтогой! Зобоходоо баясажа байгты.