Еврейнүүдтэ 13:1 - Библи

¹ Христоосой һүзэглэгшэдтэл бэе бэедээ эльгэтэй байгты.

Шэнэ Хэлсээн

¹ Христосой һүзэглэгшэдтэл бэе бэедээ хайратай байгты.

Еврейнүүдтэ 13:1 ပူးပေါင်းရင်းမြစ်များ

Псалманууд 133:1

[Үгсэлгын дуун.] Зай, Эзэнэй бүгэдэ богоол таанар, Нангин үргөө соонь байгааша та бүгэдэнэр, һүни Тэрээндэ магтаал үргыта!

Иоанн 15:17

Бэе бэедээ дуратай байгты гэжэ Би таанарта захинаб.

Хэрэгүүд 2:1

Тэдэнэр булта нэгэ газарта Табидахи үдэрэй һайндэртэ сугларба.

Хэрэгүүд 4:32

Һүзэглэгшэд булта нэгэ һанал бодолтой һэн. Тэдэнэй хэнииньшье хубита зөөри зөөшэеэ минии гэдэггүй, байһан бүхы юумээрээ бэе бэетэйгээ хубаалдадаг һэн.

Галадуудта 5:13

Аха дүүнэрни, Бурхан таанадые эрхэ сүлөөдэ дуудаа. Энэ эрхэ сүлөөтнай хүсэлэнгүүдээ хангахын тулада муу юумэ үйлэдэхэ харгыда таанадые гансал бү түлхиг. Таанад бэе бэедээ дуратай байгты, бэе бэедээ туһалжа байгты.

Галадуудта 5:22

Арюун Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,

Галадуудта 5:6

Иисүүс Христоосой ашаар абарагдаха һанаатай байбал, бэлгээ отолуулаа гүбди, али отолуулаагүй гүбди – ямаршье илгаагүй юм, гансал хайра дура үгэдэг этигэл шухала юм.

Эфесэйхиндэ 4:3

Арюун Һүлдын таанадта хайрлаһан, энхэ тайбанаар таанадые холбоһон нэгэдэлые сахиха гэжэ бүхы хүсэ шадалаараа оролдогты.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Фессалоникиинхидтэ 2-дохи 1:3

Аха дүүнэрни, таанадай түлөө бидэ үргэлжэ Бурханда баясхалан хүргэжэ байха ёһотойбди. Юундэб гэхэдэ, таанад бүри эршэтэйгээр Бурханда һүзэглэжэ байнат, бүри ехээр бэе бэеэ хайрланат.

Еврейнүүдтэ 10:24

Хүнүүдэй бэе бэедээ анхарал табижа, бэе бэедээ инаг хайраяа харуулхадань, дэмбэрэлтэй һайхан юумэ хэхэдэнь туһалжа байял.

Пётрой 1-дэхи хандалга 1:22

Үнэн зүбые дахажа, Бурханда һүзэглэдэг аха дүүнэртээ үнэн зүрхэнһөө дуратай байхын тула таанад сэдьхэлээ арюудхабат. Тиимэһээ бүхы һанал бодолоороо бэе бэедээ дуратай байгты.

Пётрой 1-дэхи хандалга 2:17

Хүн бүхэниие хүндэлжэ байгты. Һүзэглэгшэ бүлгэмдөө дуратай байгты. Бурханһаа айн һүрдэгты, хааниие хүндэлжэ ябагты.

Пётрой 1-дэхи хандалга 3:8

Түгэсхэлдэнь хэлэхэдэ, таанад булта нэгэ һанал бодолтой, адляар юумэндэ хандажа байгты, бэе бэедээ аха дүүнэдтэл адли дуратай, бэе бэеэ хайрлажа, даруухан ажамидарагты.

Пётрой 1-дэхи хандалга 4:8

Нэн түрүүн үнэн зүрхэнһөө бэе бэедээ дуратай байгты, юундэб гэхэдэ, дуран олон нүгэлнүүдые хүлисэн арилгадаг.

Иоаннай 1-дэхи хандалга 3:23

Бурханай захяа заабаринь иимэ: Бурханай Хүбүүн Иисүүс Христоосто этигэхэ, Иисүүс Христоосой захиһан ёһоор бэе бэедээ дуратай байха.

Иоаннай 1-дэхи хандалга 4:20

«Би Бурханда дуратайб» гэдэг аад, өөрынгөө аха дүүдэ дурагүй хүн худалша гээшэ. Аха дүүгээ хаража байгаад, тэрээндээ дурагүй хүн Бурханиие хараагүй аад, Бурханда дурлахагүй бшуу.

Гэршэлгэ 2:4

Теэд анха түрүүшынхидээл адляар Намда дурагүй болоһондотнай таанадые зэмэлнэб.