Еврейнүүдтэ 12:3 - Библи

³ Нүгэлтэнүүдэй зүгһөө Тэрэ аргагүй ехэ зэбүүрхэл үзэжэ, хэды ехэ зоболон дабажа гарааб гэжэ бодожо үзыт. Тиимэһээ таанад урмаа бү хухарагты.

Шэнэ Хэлсээн

³ Нүгэлтэнүүдэй зүгһөө тэрэ аргагүй ехэ зэбүүрхэл үзэжэ, хэды ехэ зоболон дабажа гарааб гэжэ бодожо үзыт. Тиимэһээ таанад урмаа бү хухарагты.

Еврейнүүдтэ 12:3 ပူးပေါင်းရင်းမြစ်များ

Һургаал 24:10

Хэрбээ ши хүндэ сагта доройтохо һаа, тэнхээ шадалшни һула байна.

Исай 50:4

Һүр һүлдэгүй болоһон зониие дүнгэжэ, үгөөрөө туһалхыем Эзэн Бурхан намда юун гээд хэлэхыем заажа үгөө. Үглөө бүри Тэрэ намайе һэреэн, шэхыем һэргээн, юу айладхахаа байһыень шагнаха гэжэ тэсэн ядан хүлеэдэг намайе болгоно.

Матвей 11:19

Хүн түрэлхитэнэй Хүбүүнэй ерээд, юумэ эдидэг, үзэмэй дараһан архи болгодог байхадань, хүн бүхэн: «Харагты даа! Энэтнай эдимэр, архиншан, алба татаашадай, нүгэл хэгшэдэй нүхэр» гэлсэбэ. Тиигэбэшье Бурханай сэсэн мэргэниинь хэрэгүүдэйнь үрэ дүнгөөр баталагдадаг юм.

Матвей 12:24

Теэд фарисейнүүд энээниие дуулаад: – Энэтнай Бээлзэбүүлэй, ада шүдхэрнүүдэй ноёной хүсөөр лэ ада шүдхэрнүүдые дарана, – гэжэ хэлэбэ.

Матвей 15:2

– Шабинартнай юундэ үбгэ эсэгэнэрэймнай заншалнуудые баримталнагүйб? Тэдэнэртнай эдихынгээ урда тээ гараа угаанагүйл, – гэлдэбэ.

Матвей 21:23

Һүмэдэ Иисүүсэй дахин ерээд һургажа байхадань, түрүү санаартан, улад зоной ахамадууд Тэрээндэ ойртожо: – Та иимэ юумэ хэхэ ямар эрхэтэйбта? Иимэ эрхэ засаг Танда хэн үгөөб? – гэжэ асууба.

Матвей 21:46

Тиимэһээ Иисүүсые барижа хэһээхэеэ хүсэбэ, теэд улад зонһоо айба, юундэб гэбэл, зон Тэрэниие лүндэншэ гэжэ тоолодог байгаа.

Матвей 22:15

Тиихэдэнь фарисейнүүд суглараад, Тэрэниие үгэ алдуулжа гэмнэхэ тухай өөһэд хоорондоо хэлсэбэ.

Лука 14:1

Субботодо фарисейнүүдэй хүндэтэй нэгэ даргында хоол барихаяа Иисүүсэй ерэхэдэ, фарисейнүүд хойноһоонь ажаглан хаража һуубад.

Лука 15:2

– Иисүүс нүгэлтэнтэй нүхэрлэжэ, тэдэнээр хамта эдеэлжэ байна, – гэжэ фарисейнүүд болон Хуули заадаг багшанар шоо үзэбэд.

Лука 16:14

Энэ хэлээшыень фарисейнүүд дуулаба. Тэдэ алта мүнгэндэ ехэл дуратай хадаа Иисүүсые наада бариба.

Лука 2:34

Симеон тэдэ хоёрые адислаад, Иисүүсэй эхэ Марияда хэлэбэ: – Израильда олониие унагаажа һүнөөхын, мүн олониие һэргээжэ абархын тула Бурхан энэ Хүбүүниие шэлэжэ абаа. Энэ Хүбүүн һэргылһэн һүлдэ тэмдэг болохо. Олон зон Энээниие буруушаажа,

Лука 5:21

Хуули заадаг багшанар болон фарисейнүүд хоорондоо зүбшэжэ: – Энэмнай хэн гээшэб? Бурханиие доромжолжо байнал. Ганса Бурханһаа ондоо хэн хүнэй нүгэл хүлисэдэг юм? – гэлдэбэ.

Иоанн 10:20

– Энэтнай досоогоо ада шүдхэртэй болоод, дэмыржэ байна. Таанар Энээниие юундэ шагнанабта? – гэжэ олониинь хэлэбэ.

Иоанн 18:22

Иигэжэ хэлэхэдэнь, Иисүүсэй хажууда зогсожо байһан харуулшадай нэгэниинь Тэрэнэй нюурыень альгадаад: – Ахамад санаартын урдаһаа юундэ иигэжэ дуугарнабта! – гэжэ зандаран хэлэбэ.

Иоанн 5:16

Иимэ юумэ субботодо хэһэнэйнь түлөө еврейнүүдэй ахамадууд Иисүүсые мүрдэжэ захалба.

Иоанн 7:12

Иисүүс тухай ехэ арсалдаан улад зоной дунда болобо. Зарим нэгэниинь: «Энэ һайн хүн», – гэлдэбэ. Нүгөө зариманиинь: «Үгы, энэ хүн улад зониие мэхэлнэ», – гэжэ буруушааба.

Иоанн 8:13

– Та Өөр тухайгаа Өөрөө гэршэлэн хэлэнэт. Тиимэһээ Танай гэршэлгэ үнэн бэшэ, – гэжэ фарисейнүүд хэлэбэ.

Иоанн 8:52

– Та ада шүдхэртэ барюулһан хүн байнат гэжэ одоол бидэ лаб мэдэбэбди, – гэлдэбэд, – Абраһаам наһа баранхай, мүн баһа лүндэншэдшье нүгшэнхэй. Харин Та «минии һургаалаар ябадаг хүнүүд хэзээдэшье үхэхэгүй» гэнэт.

Иоанн 8:59

Тиихэдэнь еврейнүүд Иисүүсые шулуудажа алаха гэжэ шулуунуудые бариба. Теэд Иисүүс тэдэнһээ зайлажа, Һүмэһөө гаража ошобо.

Иоанн 9:40

Иисүүсэй хажууда байһан фарисейнүүд: – Теэд Та бидэниие һохор гэжэ тоолоногүй бэзэт? – гэжэ асууба.

Коринфынхидтэ 1-дэхи 15:58

Тиимэһээ, инаг хайрата аха дүүнэрни, Эзэнэй түлөө хэһэн ямаршье ажалтнай дэмы бэшэ гэжэ мэдэн, Эзэнэй ажалда өөһэдыгөө бүрин зорюулагты, нугаршагүй, бата хатуу байгты.

Коринфынхидтэ 2-дохи 4:1

Бурханай үршөөл хайраар бидэ иимэ ажал хэнэбди, тиихэдээ урмаа хухарнагүйбди.

Коринфынхидтэ 2-дохи 4:16

Иимэһээл бидэ хэзээшье урмаа хухардаггүйбди. Бэемнай хуушаржа байбашье, досоогоо үдэрһөө үдэртэ бидэ шэнэлнэбди.

Галадуудта 6:9

Тиимэһээ эсэхэ сусахые мэдэнгүйгөөр һайн юумэ хэжэ ябагты. Гэдэргээ сухаряагүй һаа, бидэ саг болзортонь ургасаа хуряахабди.

Хуули дабталга 20:3

иигэжэ хэлэг: «Израилиин арад, соносогты! Мүнөөдэр таанад байлдаанда орохотнай. Хатуу шанга зоригтой байгты, тэдээнһээ бү айгты, бү тэбдэгты, бү һүрдэгты!

Фессалоникиинхидтэ 2-дохи 3:13

Аха дүүнэрни, таанад ходол үлзытэй юумэ бүтээжэ ябагты.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.

Еврейнүүдтэ 12:5

Бурханай таанадые, Өөһэдынгөө хүбүүдые, урмашуулан иигэжэ хэлэһые таанад мартаа аалта? «Хүбүүмни, Эзэн Бурханай шамда юумэ захижа байхадань, анхаралаа хандуулаарай, шамайе шүүмжэлэн элирүүлхэдэнь, урмаа хухарангүй байгаарай».

Еврейнүүдтэ 3:1

Бурханай баһал Өөртөө дуудаһан арюун гэгээн аха дүүнэрни! Баримталжа байһан һүзэгэймнай Ахамад Санаарта болгогдон эльгээгдэһэн Иисүүс тухай һанажа байгты.

Пётрой 1-дэхи хандалга 2:23

Тэрэниие доромжолжо байхада, Тэрэ доромжолһон харюу үгөөгүй, Тэрэ зобожо байхадаа, зобоогшодойнгоо урдаһаа занаагүй, зүгөөр Тэрэ Өөрыгөө үнэн сэхэ Заргашын гарта үгөө.

Гэршэлгэ 2:3

таанад ехэ бэрхэшээлнүүдые гаталаат, тэсэбэритэй байнат, Минии нэрэ хүндын түлөө эсэшэ сусашагүйгөөр ажаллаат гэжэ мэдэнэб.

1 Хаан түрэнүүд 12:24

Гансал Эзэнһээ айжа, Тэрээндэ бүхы зүрхэ сэдьхэлээрээ, үнэн сэхээр алба хэгты. Эзэн таанарта ямар агууехэ юумэ хээ гээшэб, һанан байгты!