Еврейнүүдтэ 12:22 - Библи

²² Таанад Сион хадада, амиды Бурханай хотодо, тэнгэриин Иерусалимда, үй түмэн Эльгээмэлнүүдэй баярай суглаанда ерээт.

Шэнэ Хэлсээн

²² Таанад Синай хадада, амиды Бурханай хотодо, тэнгэриин Иерусалимда, үй түмэн Бурханай Эльгээмэлнүүдэй баярай суглаанда ерээт.

Еврейнүүдтэ 12:22 ပူးပေါင်းရင်းမြစ်များ

4 Хаан түрэнүүд 19:4

Ассириин хаан ахамад түшэмэлөө амиды Бурханиие доромжолхо-баһахын тула эльгээгээ. Эзэн Бурхантнай баһаһан тэдэ үгэнүүдые соносожо, хэлэһэн хүнүүдыень хэһээхэ бэзэ. Амиды мэндэ үлэһэн өөһэдынгөө зон тушаа Бурхандаа зальбарыт».

Псалманууд 2:6

«Өөрын нангин хада Сион дээр Өөрын хааниие табяаб», – гэхэ.

Псалманууд 42:2

Та хадаа минии Бурхан, минии хүсэ шадал мүн! Юундэ Та намайе орхёобта? Юундэ би дайсанай доромжололһоо боложо гашуудан голхорон ябанабиб?

Псалманууд 48:2

Бүхы арадууд, шагныта! Газар дэлхэйн бии оршогшод, анхарыт,

Псалманууд 68:17

Та үнэн сэхэ ба энэрхы сэдьхэлтэйт, намда харюусыт! Угаа ехэ үршөөлтэй Та нам руу эрьеыт!

Псалманууд 84:2

Эзэн, Та Өөрын нютагта энэрхы хандаат, Яковай арадые баряанһаа бусаагаат.

Псалманууд 87:3

Зальбарални Тан руу ошог лэ, гуйхадам шэхээ табиит.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 14:32

«Пилишт орон нютагһаа маанад руу ерэжэ байгааша элшэнэртэ юун гэжэ харюу үгэхэбибди?» «Эзэн Сионой үндэһэ һуури табяа, Тэрэнэй арад түмэнэй зобожо зүдэрһэн зон тэндэ хоргодохо аргатай болоо гэжэ тэдээндэ хэлэхэбди».

Исай 24:23

Түмэн Сэрэгтэ Эзэнэй Сион хада уулаһаа Иерусалимые зонхилон-захиран хаан шэрээ эзэлжэ залархада, һүр жабхалангынь арадай удамаршадай урда угаа ехээр яларжа-толоржо, һара, наранай гэрэл тэрэниие диилэжэ шадахагүй.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 28:16

Харин Эзэн Бурхан иигэжэ айладхана: «Бата найдамтай, мантан һууриин шулуу, эрдэни шулуу, хатуу шулуу Сион дээрэ мүнөө Би табинаб. Бата этигэлтэй нэгэн айхагүй.

Исай 51:11

Танай абарһан зон Сион руу баяртайгаар дуулалдан гараха, зугаа, баяр дэлгэрхэ. Тэдэ хэтэ мүнхэдөө жаргалтай байха, гай тодхор, гашуудал тэдээнһээ һэегүй һалаха.

Исай 51:16

Таанадта Өөрынгөө һургаал дамжуулааб, гараараа таанадые халхалан аршалааб. Би огторгойе татажа, газарай һуури табин, Сиондо «Таанад Минии арад түмэн гээшэт!» гэжэ айладхааб.

Исай 59:20

Эзэн иигэжэ айладхана: «Сионой зондо болон муу муухайһаа зайлагша Яковай үринэртэ Абарагша заларха.

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Ерэмияа 17:25

Иерусалимай бартаануудаар хаашуултнай, амбан ноёдтнай орон байха. Тэдэ Давидтал адли ехэ засаг түлөөлгэнүүдтэй байха юм. Иудын хан түрын болон Иерусалимай улад зонтой хамта тэдэ мори тэргээр болон мори унан ябаха, Иерусалим хото хэтэ мүнхэдөө улад зоноор дүүрэн хүүехэл!

Даниил 6:26

Минии зарлиг иимэ: хан түрымни алишье газар нютагай улад зон Даниилай Бурханһаа айн-шэшэрэн байг лэ. Тэрэ болбол амиды мэндэ, диилдэхэгүй Бурхан мүн, хааншалалгань хэтэ мүнхэ, зонхилолгонь заха хизааргүй.

Даниил 7:10

Тэрээнһээ гал дүлэн гол мэтэ урдажа байгаа. Мянганай мянган Тэрээндэ алба хэжэ, түмэнэй түмэн урдань зогсожо байгаа. Шүүбэрилэгшэд һуужа, номууд нээгдэбэ.

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Ёһээл 2:32

Эзэнэй нэрэ дуудаһан хүн бүхэн абарагдаха. Ушарынь хадаа Сион хада дээрэ, Иерусалим хотодо абаралга бууха гэжэ Эзэн хэлэнэ. Абарагдагшадай дунда Эзэнэй дуудаһан бусадшье зон байха.

Матвей 16:16

– Та Бурханай табисууртат, Амиды Бурханай Хүбүүнта, – гэжэ Симон Пётр харюусаба.

Матвей 5:35

Газар дэлхэйгээршье бү тангаригла, юундэб гэбэл, газар дэлхэй Бурханай хүлэйнь түшэг гээшэ. Иерусалимааршье бү тангаригла, юундэб гэбэл, Иерусалим агууехэ Хаанай хото гээшэ.

Римэйхиндэ 11:26

Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Римэйхиндэ 9:26

«Таанад Минии арад бэшэт гэжэ хэлэгдэһэн эгээл тэрэ һууринда тэдэнэр Амиды Бурханай үхибүүд гэжэ нэрлүүлхэ».

Галадуудта 4:26

Харин тэнгэриин Иерусалим эрхэ сүлөөтэй юм. Тэрэ Иерусалим бидэнэй эхэ гээшэ.

Эфесэйхиндэ 2:19

Тиимэһээ таанад, еврей бэшэ зон, хариин гү, али ерүүл зон бэшэт, харин Бурханай хүнүүдтэй нэгэ хотын зон гээшэт, Бурханай бүлын гэшүүд гээшэт.

Хуули дабталга 33:2

Тэрэ хэлэбэ: Эзэн Синайһаа ерээ, Сэһиир дээгүүр мандаа, Параан хадаһаа толороо. Мэрибаа-Кадээшһээ, ташаланһаа, урда зүгһөө Тэрэ ерээ.

Хуули дабталга 5:26

Гал дүлэн сооһоо дуугаржа байһан амиды Бурханай хоолойе бидэндэл адли дуулажа, амиды мэндэ үлэһэн амитан бии юм аал?

Филиппынхидтэ 3:20

Харин бидэнэр тэнгэриин харьяалай хүнүүд гээшэбди, бидэ тэнгэриһээ өөһэдынгөө Абарагша, Эзэн Иисүүс Христоосой ерэхые аргагүй ехээр хүлеэнэбди.

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Тимофейдэ 2-дохи 4:18

Эзэн намайе муу юумэнһээ аршалан, тэнгэриингээ хаан орондо гэм зэмэгүйгөөр оруулха. Тэрэ хэтын хэтэдэ алдар солотой байхань болтогой.

Еврейнүүдтэ 10:31

Амиды Бурханай гартань орохонь аймшагтай!

Еврейнүүдтэ 11:10

Бурханай зохёон бодхооһон бата һууритай хотые Абраһаам хүлеэжэ байгаа.

Еврейнүүдтэ 11:16

Харин тэдэнэр үлүү һайн, тэнгэриин орон нютагта зорижо байба. Тиимэһээ Бурхан тэдэнэй Бурханби гэхэдээ тэдэнһээ эшэдэггүй: Бурхан тэдэ зондо хото бэлдээд байна.

Еврейнүүдтэ 13:14

Бидэ газар дэлхэй дээрэ хододоо оршодог хотогүйбди, бидэ ерээдүйн хото бэдэрнэбди.

Еврейнүүдтэ 3:12

Аха дүүнэрни, амиды Бурханһаа холодохогүйн тула таанад булта нүгэлгүй, этигэлтэй байхые оролдожо байгты.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Нүүнэй Иисүүс 3:10

Иисүүсэй хэлэһэниинь: – Тэрэ үгэһөө танай дунда амиды Бурхан бии гэжэ мэдэхэт. Танда газар үгэхын тула Тэрэ ханаһаануудые, хээдүүдые, хиивүүдые, пэриззиинүүдые, гиргаашуудые, эмооршуудые, евүүсүүдые үлдэхэ.

Иудын хандалга 1:14

Тэдэнэр тухай Адаамай долоодохи үеын үри һадаһан болохо Эноох иигэжэ уридшалан айладаа: «Тоогүй олон гэгээнүүдтэйгээ хамта Эзэн ерэнэ.

Гэршэлгэ 14:1

Би иимэ юумэ харааб: Сион хада дээрэ Үргэлэй Хурьган зогсоно, Тэрээнтэй хамта зуун дүшэн дүрбэн мянган хүнүүдэй духада Үргэлэй Хурьганай нэрэ, Тэрэнэй Эсэгын нэрэ бэшээтэй.

Гэршэлгэ 21:10

Тиин Арюун Һүлдөөр намайе аргагүй үндэр хада дээрэ абаашаад, тэнгэри дээрэһээ Бурханһаа доошоо буужа ябаһан Арюун нангин Иерусалим хотые намда харуулба.

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.

Гэршэлгэ 22:19

Энэ номой уридшалан хэлэгдэһэн үгэнүүд сооһоо ямар нэгэн юумэ хаһажа хаяа болболынь, тэрэнэй амидаралай модоной үрэ жэмэс эдихэ эрхые, Нангин Хотодо орохо эрхые Бурхан хаһаха. Энэ модон ба энэ хото тухай энэ ном соо бэшээтэй.

Гэршэлгэ 3:12

Илагшые Би Өөрынгөө Бурханай Һүмэ доторхи бахана тулгань болгохоб, тиин тэрэ илагша хэтэ заяандаа тэндэ үлэхэ. Бурханайгаа нэрые, Минии Бурханай үршөөлөөр тэнгэриһээ бууха Бурханайгаа хотын, шэнэ Иерусалимай нэрые, мүн Өөрынгөө шэнэ нэрые тэрэ Һүмын бахана дээрэ бэшэхэб.

Гэршэлгэ 7:2

Гартаа амиды Бурханай тамга баряад, зүүн зүгһөө ерэжэ ябаһан баһа нэгэ Эльгээмэлые харабаб. Тэрэ Эльгээмэлынь газар дайдада, уһан далайда гэм хоро хүргэхэ эрхэтэй дүрбэн Эльгээмэлнүүдтэ хандан, иигэжэ шангаар хашхарба: