Еврейнүүдтэ 12:13 - Библи

¹³ Дохолон хүлтнай гэмтэнгүй, бүри эдэгэжэ байхын тулада таанад сэхэ замаар ябажа байгты.

Шэнэ Хэлсээн

¹³ Дохолон хүлтнай гэмтэнгүй, бүри эдэгэжэ байхын тулада таанад сэхэ замаар ябажа байгты.

Еврейнүүдтэ 12:13 ပူးပေါင်းရင်းမြစ်များ

Исай 35:3

Тэнхээгүй гарые хүсэтэй болгон, һуларһан үбдэг бата болгогты.

Исай 35:6

Дохолон хүн буга мэтэ собхоржо эхилхэ, хэлэгүй хүн баяртайгаар хашхарха. Уһан элһэн сүл губяар урдаха.

Исай 42:16

Би Өөрын һохор зониие мэдэхэгүй замаарнь хүтэлэн ябахаб, тэдэнэй урда харанхые гэрэл, барзагар газарые тэгшэ тала болгохоб. Энэ болбол Минии хэхэ юумэн. Би тэдэниие хэнгүй орхихогүйб.

Исай 58:12

Танай зон эртэ урдын сагта һандарһан хотонуудые һэргээхэ, урданай сагай һандарһан гэрнүүдые дахин бодхоохо. Сүмэрһэн хана заһабарилагша, ажаһуудалай гудамжануудые һэргээгшэ гээд тэдэниие нэрлэдэг болохо».

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Галадуудта 2:14

Пётр үнэн зүб һургаалай ёһоор бэеэ абажа ябанагүй гэжэ мэдэхэдээ, би хүн зоной дунда: «Ши еврей хүн аад, бусад арадуудай дунда еврейнүүдэй ёһо гуримаар бэшэ, харин бусад арадуудай гуримаар бэеэ абажа ябаһан аад, яахадаа тэдэниие еврейнүүдэй ёһо гуримаар ябахыень баалаа хүмши», – гэжэ тэрээндэ сэхэ хэлэбэб.

Галадуудта 6:1

Аха дүүнэрни, хэрбээ хэн нэгэнэй нүгэл хээ һаа, Һүлдын һургаһан ёһоор ажамидардаг таанад иимэ хүниие даруу зангаараа заһажа байгты. Тиихэдэ нүгэл шэбэл хэжэрхихэгүйн тулада өөһэдыгөө анхарагты.

Яковай хандалга 5:16

Эдэгэхэ гэбэл, бэе бэедээ нүгэлөө хөөрөөд, бэе бэеынгээ түлөө зальбарагты: үнэн сэдьхэлтэнэй зальбаралга ехэ юумэ хэхэ аргатай.

Пётрой 1-дэхи хандалга 2:24

Бидэнэй нүгэл шэбэлһээ зайсажа, үнэн зүбөөр амидархымнай тула Иисүүс Өөр дээрээ нүгэл шэбэлыемнай даажа абаа, модон дээрэ үргэгдөө: Тэрэнэй шархаар таанад аршалагдан эдэгээт.