Еврейнүүдтэ 11:32 - Библи

³² Үшөө юун тухай хэлэхэбиб? Гидоон, Бараак, Самсоон, Иптаа, Давид, Самуил, бусадшье лүндэншэд тухай хөөрэхэдэмни саг хүрэхэгүй.

Шэнэ Хэлсээн

³² Үшөө юун тухай хэлэхэбиб? Гедеон, Барак, Самсон, Иеффай, Давид, Самуил, бусадшье лүндэншэд тухай хөөрэхэдэмни саг хүрэхэгүй.

Еврейнүүдтэ 11:32 ပူးပေါင်းရင်းမြစ်များ

Ерэмияа 15:1

Тиигээд Эзэн намда: – Моисей, Самуил гэгшэдэйшье Минии урда зогсожо байгаа һаань, Би энэ арад түмэниие хайрлахагүйб. Энэ арад зониие Минии хажууһаа зайлуула, тэдэниие ябуул!

Матвей 5:12

Баярлажа, хүхижэ ябагты! Тэнгэридэ таанадта агууехэ шагнал бэлдээтэй байна. Эртэ урда ажамидарһан лүндэншэдые баһал иигэжэ хашажа үлдэжэ байһан юм.

Лука 13:28

Абраһаам, Исаак, Яков болон бусад бүхы лүндэншэдэй Бурханай хаан орондо байхыень харахадаа, мүн өөһэдыетнай тиишэнь оруулангүй намнахада, таанад уйлаха бархиралдаха, шүдөө хабиралдахат.

Лука 16:31

«Моисейн болон лүндэншэдэй заабариие анхардаггүй юм һаа, нүгшэһэн хүнэй амидыржа ошоошье һаань, тэдэшни үнэншэхэ этигэхэгүй байна даа», – гэжэ Абраһаам тэрээндэ хэлэбэ.

Иоанн 21:25

Иисүүс үшөөшье олон хэрэгүүдые бүтээгээ. Хэрбээ эдэ бүгэдыень тодорхойгоор бэшээ һаа, тиимэ олон номууд бүхы дэлхэйдэшье багтахагүй һэн гэжэ һананаб.

Хэрэгүүд 10:43

Тэрээндэ этигэһэн хүн бүхэндэ нэрэ алдарайнь хүсөөр нүгэлынь хүлисэгдэхэ гэжэ бүхы лүндэншэд гэршэлнэ.

Хэрэгүүд 13:20

Иигэжэ дүрбэн зуун табин жэл үнгэрөө. Тэрэнэй удаа Бурхан заргашадые үгөө. Заргашад лүндэншэ Самуилай үе саг хүрэтэр захираа.

Хэрэгүүд 3:24

Самуил, мүн тэрэнэй удаадахи олон лүндэншэд энэ үдэрнүүд тухай уридшалан айладхаа юм.

Римэйхиндэ 3:5

Хэрбээ Бурханай үнэн зүб байһые нүгэлтэ хэрэгүүднай элирүүлжэ байбал, бидэ юун гэжэ хэлэхэбибди? Уур сухалаа хүрөөд, маанадые хэһээжэ байһан Бурхан буруу юумэ хэнэ аал? (Энэ оршолонгой зон тиигэжэ һурадаг.)

Римэйхиндэ 4:1

Зай, өөрынгөө үбгэ эсэгэ Абраһаам тухай юун гэжэ хэлэхэбибди?

Римэйхиндэ 6:1

Зай, яахабибди? Бурханай үршөөл хайрын дэлгэржэ байхын тула саашадаашье нүгэл шэбэл хэжэл байхамнай гү?

Римэйхиндэ 7:7

Зай, тиигээд Хуули өөрөө нүгэлтэй гэжэ хэлэхэмнай гү? Үгыл даа! Зүгөөр Хуулиин үгы байбал, би нүгэл гээшэ юун бэ гэжэ мэдэхэгүй һэнби. «Хүнэй юумэндэ бү һанаарха», – гэжэ Хуулиин хэлээгүй һаа, би тиигэжэ һанаархахань нүгэл гэжэ мэдэхэгүй һэм.

Яковай хандалга 5:10

Эзэнэй нэрээр айладхажа байһан лүндэншэдые һанагты. Бэрхэшээл зоболондо ороходоо, тэдэнэй ехэл тэсэбэритэй байдагые жэшээ болгон һажаажа байгты.

Пётрой 2-дохи хандалга 1:21

Юундэб гэхэдэ, нэгэшье лүндэншэ өөрынгөө дура хүсэлөөр уридшалан хэлээгүй, харин Арюун Һүлдөөр хүтэлүүлэгдэн, Бурханай үгэ айладхадаг байгаа.

Пётрой 2-дохи хандалга 3:2

Гэгээн лүндэншэдэй хэлэһэн үгэнүүдые, элшэнэрэйтнай таанадта дамжуулһан Эзэнэй ба Абарагшын захяа заабариие һануулха хүсэлтэй байгааб.

Ударидагшад 13:24

Үнөөхи эхэнэр хүбүү түрөөд, тэрээндээ Самсоон гэжэ нэрэ үгэбэ. Самсоон томо болобо. Эзэн тэрэниие адислаба.

Ударидагшад 15:20

Иигэжэ Самсоон пилиштүүдэй засагаа барижа байха үедэ хорин жэл соо ударидагша байба.

Ударидагшад 4:1

Эһуудай наһа бараһанай һүүлдэ израильшууд дахин Эзэнэй урда муу муухай үйлэ хэрэгүүдые хэжэ эхилбэ.

Ударидагшад 6:1

Израильшууд Эзэнэй дурагүй муу муухай юумэнүүдые дахин хэжэ эхилбэ. Тиихэдэнь Эзэн тэдэниие долоон жэл соо зонхилхыень мидиануудай гарта үгэбэ.

Ударидагшад 6:11

Тэрэ үдэр Эзэнэй Эльгээмэл Гидоонтой уулзахаяа Опраада ерээд, сарса модон доро һууба. Тэрэ сарса модон Абиээзэрэй уг удамай Ёһаашай мэдэлэй байгаа. Ёһааш Гидооной эсэгэ байһан юм. Шэниисын орооһо сохилгоной үедэ Гидоон мидиануудһаа хоргодохын тула уһан жэмэс шахан дарадаг шахуургын хажууда байба.

Ударидагшад 6:14

Эзэн тэрэниие хараад, иигэжэ айладаба: – Ши хүсэтэйш. Ошо, мидиануудай гарһаа израильшуудые абара. Мүнөө Би шамайе эльгээнэб!

1 Хаан түрэнүүд 1:20

Иигэжэ тэрэ хээлитэй боложо, нэгэ жэл үнгэрхэдэ хүбүү түрэбэ. – Би энэ хүбүүе Эзэнһээ гуйжа абааб, – гэжэ хэлээд, тэрэ Самуил гэжэ нэрэ тэрээндээ үгэбэ.

1 Хаан түрэнүүд 12:11

Тиихэдэнь Эзэн Еруббаал, Бэдаан, Иптаа болон Самуилые эльгээжэ, тойроод байһан дайсадһаатнай таанадые абараа һэн. Тиигээд таанад хэнһээшье айнгүй ажаһуугаат.

1 Хаан түрэнүүд 16:1

Эзэн Самуилда айладхан: – Би Саулые Израилиин хаан байлгахаһаа татагасааб. Ши хэды болотор Саулай хойноһоо гашуудаха юмши? Эбэрээ оливын тоһоор дүүргээд яба. Би шамайе Бэтлэһээмэй Ишай гэдэг хүндэ эльгээхэм. Юуб гэхэдэ, тэрэнэй хүбүүдэй дундаһаа Өөртөө хааниие шэлээб, – гэбэ.

1 Хаан түрэнүүд 16:13

Самуил эбэртэй тоһо абажа, аханарайнь дунда тэрэниие тоһолбо. Тэрэ үдэрһөө эхилжэ Эзэнэй һүр һүлдэ Давид дээрэ хүсэтэй буугаа һэн. Самуил бодожо, Рамаа руу бусаба.

1 Хаан түрэнүүд 17:45

Давид пилишт хүндэ: – Ши һэлмэ, бамбай, жада баринхай нам руу ерэжэ байнаш. Харин би шинии доромжолһон Израилиин сэрэгэй Бурхан, Түмэн Сэрэгтэ Эзэнэй нэрээр шам руу ерэжэ байнаб.

1 Хаан түрэнүүд 2:11

Элканаа Рамаада байдаг өөрын гэртээ хариба, харин хүбүүн Эзэндэ алба хэхэеэ Элии санаартанай хажууда үлөө бэлэй.

1 Хаан түрэнүүд 2:18

Харин балшар хүбүүн Самуил маалинга эфод хубсаһа үмдэн, Эзэнэй урда алба хэдэг бэлэй.

1 Хаан түрэнүүд 2:4

Баатарнуудайшье номо һаадаг хухардаг, үргүүлжэ, бүдэржэ ябаашадшье хүсэ халин дэлбэрдэг.