Еврейнүүдтэ 11:26 - Библи

²⁶ Христоосой түлөө зобохо гээшэ бүхы Египедэй баялигһаа үлүү ехэ баялиг гэжэ Моисей бодожо байгаа, ушарынь гэхэдэ, тэрэ ерээдүйдэ үгтэхэ шагналаа хаража байгаа.

Шэнэ Хэлсээн

²⁶ Христосой түлөө зобохо гээшэ бүхы Египедэй баялигһаа үлүү ехэ баялиг гэжэ Моисей бодожо байгаа, ушарынь гэхэдэ, тэрэ ерээдүйдэ харюулха шагналаа хаража байгаа бэлэй.

Еврейнүүдтэ 11:26 ပူးပေါင်းရင်းမြစ်များ

Псалманууд 37:16

Эзэн, Тандаал найданаб, Эзэн Бурхамнай, Та харюусахат.

Һургаал 11:18

Нүгэлтэй хүн хуурмаг шагнал олоно, харин үнэн шударга хүн ёһотой шагналда хүртэнэ.

Һургаал 23:18

Ерээдүй саг гэжэ байха, этигэл найдабаришни таһархагүй.

Исай 51:7

Үнэн шударгые мэдэдэг, ой ухаандаа Минии хуули ёһо хадууһан арад түмэн, Намайе шагнагты! Зоной наада энедэ барихаһаа, доромжолхоһоо бү айгты.

Матвей 10:41

Лүндэншые лүндэншэ байһанайнь түлөө угтажа абаһан хүн тэрэ лүндэншэтэй адли шагналда хүртэхэ. Баһа үнэн сэдьхэлтэниие үнэн сэдьхэлтэй байһан хадань угтажа абаһан хүн тэрэ үнэн сэдьхэлтэнтэй адли шагналда хүртэхэ.

Матвей 5:12

Баярлажа, хүхижэ ябагты! Тэнгэридэ таанадта агууехэ шагнал бэлдээтэй байна. Эртэ урда ажамидарһан лүндэншэдые баһал иигэжэ хашажа үлдэжэ байһан юм.

Матвей 6:1

Хүнүүдтэ харагдаха мэдэгдэхын лэ тула зондо туһа хүргэжэ бү байгты. Тиигээ һаа, Огторгойдохи Эсэгэһээ шагналда хүртэхэгүйт.

Лука 14:14

Тэдэ ядуу зон ашыеш харюулжа шадахагүй. Гэбэшье Бурхан шамда буян хэшэгээ хайрлаха, тиигээд захяа заабарииень дүүргэжэ ябадаг хүнүүдээ амидыруулхадаа, шамайе шагналда хүртөөхэл.

Лука 14:33

Энэ мэтээр таанадай хэнтнайшье бии байһан хамаг юумэнһээ арсаагүй һаа, Минии шаби боложо шадахагүй.

Хэрэгүүд 5:41

Иисүүсэй нэрэ алдарай түлөө иигэжэ доромжолуулан зобохонь зохистой гэжэ тоолоһон элшэнэр баяртайгаар Зүблэлэй суглаанһаа гаража ошобод.

Коринфынхидтэ 2-дохи 12:10

Христоосой түлөө ахир һула байхадаа, доромжолуулхадаа, юумээр дутажа ябахадаа, хашуулан мүрдүүлхэдээ, зүдэржэ зобожо ябахадаа, би баяртай байдаг хүнби. Ушарынь юуб гэбэл, һулахан байхадаа би хүсэ шадалтай байдагби.

Коринфынхидтэ 2-дохи 6:10

Зобожо байһаншье һаа, бидэ ходо баяртай байдагбди; үгытэй ядуушье һаа, олон хүнүүдые баян болгодогбди; ямаршье юумэгүй байһан шэнги аад, үнэндөө бидэ бүхы юумэнэй эзэдынь гээшэбди.

Эфесэйхиндэ 1:18

Бурханай таанадые дуудахада таанадта үгтэһэн найдабариин ямар байдагые, Өөһэдынгөө хүнүүдтэ Тэрэнэй үгэхэб гэһэн найдуулгын элбэг дэлбэг байдагые, Тэрээндэ этигэһэн бидэн соо хүдэлжэ байһан хүсэ шадалынь аргагүй ехэ байдагые мэдэжэ байхынтнай тулада оюун ухаанайтнай нюдые Тэрэ нээжэ үгэг лэ.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Филиппынхидтэ 3:7

Урдань ехэ хэрэгтэй, шухала гэжэ тоолодог байһан юумэнүүдээ мүнөө, Христоосһоо боложо, хэрэггүй хооһон гэжэ тоолоноб.

Еврейнүүдтэ 10:33

Таанадые урдань хүнүүд гомдохоодог, доромжолдог бэлэй, тиимэһээ тон тиигэжэ доромжолуулжа байһан хүнүүдые таанад хамгаалхада бэлэн байдаг бэлэйт.

Еврейнүүдтэ 10:35

Зоригоо бү алдагты, тиигэбэл агууехэ шагналда хүртэхэт.

Еврейнүүдтэ 11:6

Һүзэг этигэлгүй хүнүүдэй хэнииньшье Бурханай һайшаалда хүртэжэ шадахагүй: Бурханда ерэжэ байһан хүн Бурхан бии, Тэрэниие бэдэржэ байһан хүнүүдэй ашыень тэрэ харюулха гэжэ һүзэглэжэ байха ёһотой.

Еврейнүүдтэ 13:13

Бидэшье Тэрэниие угтан, хотоһоо гаража, доромжолуулгыень хубаалсаял.

Еврейнүүдтэ 2:2

Манай үбгэ эсэгэнэртэ Эльгээмэлнүүдээр дамжуулан хэлэгдэһэн Бурханай үгэ үнэн зүб байгаа. Тиин тэрэ үгые баримталаагүй, али дуулаагүй хүн хүртэхэ ёһотойл хэһээлтэдэ хүртэдэг байгаа.

Пётрой 1-дэхи хандалга 1:11

Ямар сагта, яажа тэрэ буян хэшэгэй үгтэхые лүндэншэд досоогоо байһан Христоосой Һүлдын зааһан сагаар тодоруулха гэжэ оролдоо. Тиихэдээл Христоос зоболонгуудые дабажа гараад, һүүлдэнь алдаршаха гэжэ Һүлдэ уридшалан хэлээ.

Пётрой 1-дэхи хандалга 4:14

Христоосой нэрэ алдарай түлөө таанадые хүнүүдэй доромжолболнь, таанад жаргалтайт. Ушарынь хэлэбэл, алдар солын Һүлдэ, Бурханай Һүлдэ таанад соо оршоно гээшэ.

Гэршэлгэ 2:9

танай зоболон гашуудалые, үгытэй ядуу байһыетнай мэдэнэб, – үнэндөө таанад баянта! Мүн еврейнүүд бэшэ аад, еврейнүүдбди гэгшэдэй таанадые хардаашадые Би мэдэнэб, юундэб гэбэл, тэдэнэр сатанагай мэдэл доро сугларһан улад гээшэ.

Гэршэлгэ 3:18

Баян болохын тула галаар арюудхагдаһан алта Намһаа худалдажа абахыетнай зүблэнэб, шарбай нюсэгэн бэеэ харуулжа ябахагүйн тула сагаан хубсаһа Намһаа абажа үмдэгты, юумэ харадаг болохын тула нюдэнэй эм абажа, нюдэндөө түрхигты.

Рүүт 2:12

Энэ хэрэгэйшни түлөө Эзэн шагнахань болтогой! Израилиин Эзэн Бурханһаа ерэхэ шагналынь дүүрэн байха болтогой! Тэрэнэй дали доро хоргодохо газар бэдэрэн ерээш, – гэбэ.