Еврейнүүдтэ 10:27 - Библи

²⁷ Тиимэһээ зарга шүүбэриин болохые, Бурханда эсэргүүсэһэн хүнүүдые һүнөөхэ дошхон галые аймшагтайгаар хүлеэхэмнай үлэнэ.

Шэнэ Хэлсээн

²⁷ Тиимэһээ зарга шүүбэриин болохые, Бурханда эсэргүүсэһэн хүнүүдые һүнөөхэ дошхон галые айжа байгаад хүлеэхэмнай үлэнэ гээшэ.

Еврейнүүдтэ 10:27 ပူးပေါင်းရင်းမြစ်များ

Псалманууд 21:9

«Тэрэ Эзэндэ этигэдэг байгаа, тиимэ хадань Эзэниинь лэ абараг! Тэрээндэ Эзэн дуратай һаа, абараг!»

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Ерэмияа 4:4

Минии арад түмэн бологты, зүрхэ сэдьхэлээ хубилгагты. Иудын ба Иерусалимай улад зон, тиигээгүй һаатнай, таанарай үйлэдэһэн муу муухай хэрэгүүдһээ боложо, Минии уур хилэн гал дүлэн мэтэ бушаганаха. Хэншье тэрэниие унтаргаажа шадахагүй.

Эзэкээл 36:5

Угаа ехээр уурлан, тэдэ арадуудай, илангаяа Эдоомой арад түмэнэй, урдаһаа тулахаб гэжэ айладханаб! Таанадые баһан, тэдэ бусадһаа шангаар энеэгээ бэлэй, газар бэлшээрииетнай эзэмдээ.

Эзэкээл 38:19

Сухал дундаа угаа ехээр Израилиин газар дайда доһолуулхаб.

Даниил 5:6

нюур шарайнь хубилжа, ехээр айжа, шүрбэһэ шандааһаниинь шэшэржэ, үбдэгүүдынь бэе бэеэ сохижо эхилбэ.

Һошээ 10:8

Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Ёһээл 2:30

Би тэнгэри болон газарта гайхамшагта тэмдэгүүдые – шуһа, гал дүлэ, бөөн хара утаа үзүүлхэб.

Наум 1:2

Эзэн хадаа жүтөөрхэгшэ, үһөөгөө абадаг Бурхан юм. Эзэн хадаа үһөөрхэгшэ, уур хилэнгэй Эзэн мүн. Эзэн дайсадһаа үһөөгөө абадаг, тэдэнэйл урдаһаа хилгэнэдэг юм.

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Цэпаанияа 3:8

Тиимэһээ Намайе хүлеэгты! Минии ерэхэ үдэр хүрэтэр! Арадуудые суглуулжа, хан түрэнүүдые дуудажа, уур сухалаа, уур хилэнсэгэйнгээ бүхы гал дүлэн тэдээн дээрэ адхахаб! Иигэжэ Би зарга шүүбэри ябуулхаб, иигэжэ Минии уур сухалай гал дүлэндэ бүхы дэлхэй шатаха!

Малаахи 4:1

«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна.

Тоололго 16:35

Эзэнһээ ялбама гал гаража, уталга асарһан 250 хүниие шатаан галдаба.

Матвей 13:42

тиигээд тэдэниие гал дүлэ руу хаяха. Тэндэ хүнүүд бархиралдаха, шүдөө хабиралдаха.

Матвей 13:50

тиигээд тэдэ нүгэл хэгшэдые галтай пеэшэн руу хаяха: тэндэ хүнүүд бархиралдаха, шүдөө хабиралдаха.

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Матвей 3:10

Модо үндэһөөрнь таһа сабшаха алма һүхэ бэлэн байна: һайн үрэ жэмэс үгэдэггүй алишье модон таһа сабшагдаад, галда хаягдаха.

Матвей 3:12

Тэрэ таряагаа сэбэрлэхээр хүрзэеэ гартаа адхаад байна: таряагаа суглуулжа амбаартаа хадагалха, харин мэхиинэ һолоомыень залиршагүй галда шатааха.

Матвей 8:29

Тиигээд тэдэ галзуу амитад: – Ай, Бурханай Хүбүүн, Та маанадтай юу хэхэ һанаатайбта? Та маниие сагһаа урид хэһээхэеэ иишэ ерэбэ гүт? – гэжэ хашхаралдаба.

Лука 16:24

«Ай, Абраһаам, үбгэ эсэгэмни, намайе үршөөн хайрлажа, Лазариие намда эльгээгыт; хурганайнгаа үзүүртэ уһа дүрэжэ, халуун галда хайруулан тулижа байһан минии хэлые норгог лэ. Би энэ гал соо аргагүй ехээр тулижа байнаб», – гэжэ тамада һууһан баяниинь бии шадалаараа хашхарба.

Лука 19:27

Намайе хаан болгохо дурагүй байһан дайсадыемни асаржа, хараһаар байтарни хюдажа алагты», – гэжэ эзэн хэлэбэ.

Лука 21:26

Тиигээд гай оһол болохонь гэжэ айһан зон ухаа мэдээгээ алдаха, юундэб гэхэдэ, тэнгэриин хүсэнүүдшье тэнсүүриеэ алдаха бшуу.

Лука 23:30

Тиимэ сагай ерэхэдэ: «Маанад дээрэ уныт» гэжэ хада уулануудта, «Маанадые хушыт» гэжэ гүбээнүүдтэ хүнүүд хандаха.

Иоанн 5:29

үхээриингээ газарһаа гараха – һайн юумэ хэһэн хүнүүд амиды мэндэ ябаха, муу юумэ хэһэн хүнүүд гэмнүүлхэ.

Хуули дабталга 32:43

Бусад яһатад, Бурханай арадтай хамта баярлагты! Юуб гэхэдэ, зарасануудыень алаһан зондо Тэрэ хэһээлтэ амасуулдаг, тэдэнэй түлөө дайсадһаа үһөөгөө абадаг, Өөрынгөө газарай, арад зоной нүгэл хүлисэн арюудхадаг.

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.

Еврейнүүдтэ 12:29

Ушарынь гэхэдэ, манай Бурхан үнэхөөрөө һүнөөдэг гал дүлэн гээшэ.

Еврейнүүдтэ 2:3

Тиимэ агууехэ абаралгые тоонгүй, бидэ хэһээлтэһээ яажа зугадаха гээшэбибди? Эзэн энэ абаралга тухай анхан Өөрөө айладхаа. Тэрэниие дуулаһан хүнүүд абаралга болбол үнэн гэжэ бидэндэ баталан хэлээ.

Еврейнүүдтэ 9:27

Хүн бүхэн нэгэтэ үхөөд лэ, удаань зарга шүүбэридэ орохо ёһотой.

Яковай хандалга 5:3

Алта мүнгэнтнай жэбэдэ даруулаа, тиин тэрэ жэбэ таниие зэмэлхэ, бэеыетнай галда мэтэ шатаажархиха. Таанад зөөри зөөшэеэ эдэ һүүлшын үдэрнүүдтэ дэмы суглуулнат.

Гэршэлгэ 20:15

Амидаралай ном соо бэшэгдээгүйшүүлые гал дүлэтэ нуур худар шэдээ һэн.

1 Хаан түрэнүүд 2:25

Хэрбээ нэгэ хүнэй нүгөөдэ хүндэ нүгэл хээ һаань, тэрэнэй түлөө Бурханда зальбардаг. Харин хүнэй Эзэнэй урдаһаа нүгэл хээ һаань, хэн тэрэнэй түлөө зууршалан зальбарха бэ? Теэд тэдэнэр эсэгынгээ үгэ дуулабагүй, юуб гэхэдэ, Эзэн тэдэниие усадхаха гэжэ түсэблөөд байгаа.