Эстээр 9:4 - Библи

⁴ Хаанай ордондо Мордохай үндэр тушаалтай, нэрэ хүндэтэй боложо, тэрээн тушаа һураг суу можо нютагуудаар үргэнөөр тараба. Мордохайн нэрэ хүндэ улам дээшэлжэл, бэхижэжэл байба.

Эстээр 9:4 ပူးပေါင်းရင်းမြစ်များ

2 Хаан түрэнүүд 3:1

Саулай гэр бүлын тала баригшадай, мүн Давидай тала баригшадай хоорондо удаан сагта хёморолдоон үргэлжэлбэ. Давид улам хүсэтэй боложо, харин Саулай гэр бүлын тала баригшад улам доройтожол байба.

1 Угай бэшэг 11:9

Түмэн Сэрэгтэ Эзэнэй өөртэйнь хамта байһан ушарһаа Давид улам хүсэтэй боложол байгаа.

1 Угай бэшэг 14:17

Давидай нэрэ соло бүхы газар дайдаар суурхаба, Эзэн бүхы арадуудые тэрэнэй нэрээр һүрдөөдэг болобо.

Эстээр 10:2

Эзэн хаан Ахашвероошой үндэр эрхэ ямба, шадал хүсэн тухай, мүн Мордохайе дээрэ үргэн, алдар хүндэдэ хүртөөһэн тухайнь Перс, Мидиин улас түрын хаанай он дараалалгын бэшэгтэ тэмдэглэгдэн үлэһэн байдаг.

Псалманууд 1:3

Урасхал уһанай дэргэдэ тариһан модондол тэрэ адли. Тус модон асарха сагтаа алим жэмэсээ эдеэшүүлэн асардаг, набшань хатадаггүй. Тиимэ хүнэй хэһэн хэрэг бүхэниинь үлзытэй.

Египедһээ гаралга 11:3

Израиль угсаатанда энэрхыгээр хандахыень тэндэхи зоной сэдьхэл Эзэн хубилгаба. Тиигээдшье Моисей египет зондо – ноёд түшэмэлнүүдэй, юрын зоной дунда – нэрэтэй, хүндэтэй байгаа юм.

Һургаал 4:18

Харин үнэн шударга хүнүүдэй зам хадаа үүрэй толон мэтэ үдэрэй ерэхэдэ улам һаруул болодог.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Цэпаанияа 3:19

Хараарайгты даа, тэрэ сагай ерэхэдэ дарлагшадыетнай Би суглуулхаб, дохолон эрэмдэгүүдые абархаб, тараһан арадаа суглуулхаб, тиигээд шоо үзэжэ байһан энэ газартань тэдэниие хүндэтэй, нэрэ түрэтэй зон болгохоб.

Матвей 4:24

Иисүүс тухай алдар бүхы Сири ороноор хаа хаанагүй тараба. Тиимэһээ Тэрээндэ ехээр үбдэжэ зобожо байһан, досоогоо ада шүдхэртэй болоһон, унадаг, саа үбшэнтэй, мүн бусадшье элдэб янзын үбшэ хабшантай зон олоор ерэбэ, Иисүүс тэдэниие бултыень эдэгээбэ.

1 Хаан түрэнүүд 2:30

Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!