Эстээр 9:30 - Библи

³⁰ Мордохай тэрэ бэшэгые Ахашвероошой улас түрын зуун хорин долоон аймаг можонуудаар ажаһуугааша бүхы иудейнүүдтэ эльгээбэ. Энэ захяа соогоо Мордохай Эстээр хатантай хамта иудей арад түмэндөө халуун мэндэ дамжуулан, амгалан тайбан, үнэн шударга байдал хүсэн юрөөн байгаа бэлэй.

Эстээр 9:30 ပူးပေါင်းရင်းမြစ်များ

Эхин 23:1

Сарра зуун хорин долоон наһатай болоод,

Эстээр 1:1

Энэ үйлэ хэрэг хадаа эзэн хаан Ахашвероошой хан шэрээгээ эзэлэн һуугаа үедэ болоһон гэхэ. Ахашвероош хаан Энэдхэгһээ Эфиопи хүрэтэр зуун хорин долоон аймагые зонхилдог һэн.

Эстээр 8:9

Иигэжэ иудейнүүдэй он тоололгоор гурбадахи һарын, иудей хэлээр «сиваан» һарын хорин гурбанда хаанай бэшээшэд дуудуулагдажа, Перс ба Мидиин улас түрын Энэдхэгһээ Эфиопи улас түрэ хүрэтэр оршодог зуун хорин долоон можо нютагаар ажаһуугааша бүхы иудейнүүдтэ, улас түрын засаг баригшадта барандань, можо аймагай захирагшадта, ноёд, түшэмэлнүүдтэ зорюулһан зарлигые Мордохайн хэлэгшын ёһоор бэшэбэ. Энэ зарлиг улас түрын бүхы можо нютагуудаар ажаһуугааша үндэһэ яһатан бүхэнэй хэлэн дээрэ, өөһэдынь үзэг бэшэгээр бэшэгдэбэ. Энээнһээ гадна зарлиг иудей хэлэн дээрэ үзэг бэшэгээрнь бэшэгдэбэ.

Исай 32:17

Үнэн зүб хадаа энхэ тайбаниие асарха, үнэн шударга хадаа амгалан, аюулгүй байдал хэтэдээ үршөөхэ.

Исай 39:8

Хэзэкияа Исайда хандан хэлэбэ: – Мүнөө шинии Эзэнһээ дамжуулан хэлэһэн үгэнүүдшни Һайн мэдээсэл байна. «Минии амиды мэндэ байгаа сагта эндэ амгалан тайбан, аюулгүй байдал оршохо» гэжэ Хэзэкияа сэдьхэбэ ха юм.

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.