Эстээр 9:18 - Библи

¹⁸ Ниислэл хото Сүүзэдэ ажаһуугааша иудейнүүд арбан гурбанда, арбан дүрбэндэ суглараад, дайсадаа усадхаа. Тиигээд арбан табанда амаржа, найр наада дэлгэбэ, баясан баярлан байба.

Эстээр 9:18 ပူးပေါင်းရင်းမြစ်များ

Эстээр 8:11

Хаанай нэрээр бүтээгдэһэн энэ зарлигай ёһоор бүхы хотонуудаар ажаһуугааша иудейнүүд сугларжа, өөһэдыгөө хамгаалха эрхэтэй болобо. Энэ юун бэ гэбэл, хэрбээ ямар нэгэн угсаатанай гү, али нютаг можын зоной иудейнүүдые дайража, эхэнэр, хүүгэдтэ добтолжо, эд зөөрииень буляажа абахаяа һанаа һаань, иудейнүүд мүн лэ тэдээндэ добтолжо, бүхы зонииень алажа усадхаад, эд зөөрииень олзолхо эрхэтэй болоо бэлэй.

Эстээр 9:1

Еврей он тоололгын арбан хоёрдохи һарын, иудей хэлээр адаар һарын арбан гурбан болобо. Тэрэ үдэр эзэн хаанай нэрээр гаргаһан анханай зарлигай ёһоор дайсад иудейнүүдые диилэхэбди гэжэ һанаа бэлэй. Гэбэшье тад ондоогоор хэрэг эрьебэ, иудейнүүд харшалагшадаа диилээ һэн.

Эстээр 9:11

Ниислэл хото Сүүзэдэ алуулһан зоной тоо хаанда тэрэл үдэртөө мэдээсэгдээ һэн.

Эстээр 9:13

– Агууехэ хаанай зүбшөөгөө һаа, үглөөдэр Сүүзэдэ иудейнүүд дайсадаа мүн лэ элирүүлэн хюдаха эрхэтэй байг лэ. Тиихэдэ Һамаанай арбан хүбүүдэй хүрэг бэенүүдые баханада үлгэг лэ, – гэжэ Эстээр хэлэбэ.

Эстээр 9:15

Еврей литээр адаар гэдэг һарын арбан дүрбэндэ ниислэл хото Сүүзэдэ ажаһуудаг иудейнүүд дахин суглараад, үшөө гурбан зуун дайсадаа алаба, гэбэшье эд зөөридэнь гар хүрөөгүй бэлэй.

Эстээр 9:2

Иигэжэ Ахашвероош хаанай мэдэлэй Перс, Мидиин улас түрын бүхы нютаг можонуудаар ажаһуугша иудейнүүд хотонуудаар сугларжа, добтологшо дайсадтаа харюу үгэхөөр бэлэн болобо. Ондоо үндэһэ яһатан иудейнүүдһээ айһан ушарһаа урдаһаань эсэргүүсэхэеэ зүрхэлбэгүй.

Эстээр 9:21

жэл бүри адаар һарын арбан дүрбэ, арбан табаниие баяр болгон тэмдэглэхые захиба.