Эстээр 9:16 - Библи

^16-17 Еврей литээр адаар гэдэг һарын арбан гурбанда бусад можо нютагуудай иудейнүүд мүн лэ сугларжа, дайсадһаа бэеэ аршалан, далан таба мянган хүниие алан усадхаба, харин эд зөөридэнь гар хүрөөгүй бэлэй. Тиигээд үглөөдэрынь, арбан дүрбэндэ, тэдэ амаржа, найр наада дэлгэн, баясан сэнгэн байба.

Эстээр 9:16 ပူးပေါင်းရင်းမြစ်များ

Эхин 34:27

Дүү басагыень удамаршынь хүбүүнэй доромжолон бузарлаһанай харюуда бүхы хотын зонһоо үһөөгөө абаха гэжэ Яковай бусад хүбүүд хото руу ерээд, айл бүхэнэй гэр тоножо, сүйд хэбэ.

Эстээр 8:11

Хаанай нэрээр бүтээгдэһэн энэ зарлигай ёһоор бүхы хотонуудаар ажаһуугааша иудейнүүд сугларжа, өөһэдыгөө хамгаалха эрхэтэй болобо. Энэ юун бэ гэбэл, хэрбээ ямар нэгэн угсаатанай гү, али нютаг можын зоной иудейнүүдые дайража, эхэнэр, хүүгэдтэ добтолжо, эд зөөрииень буляажа абахаяа һанаа һаань, иудейнүүд мүн лэ тэдээндэ добтолжо, бүхы зонииень алажа усадхаад, эд зөөрииень олзолхо эрхэтэй болоо бэлэй.

Эстээр 9:2

Иигэжэ Ахашвероош хаанай мэдэлэй Перс, Мидиин улас түрын бүхы нютаг можонуудаар ажаһуугша иудейнүүд хотонуудаар сугларжа, добтологшо дайсадтаа харюу үгэхөөр бэлэн болобо. Ондоо үндэһэ яһатан иудейнүүдһээ айһан ушарһаа урдаһаань эсэргүүсэхэеэ зүрхэлбэгүй.

Псалманууд 149:7

Энэнь үндэһэтэдһээ үһөөгөө абахын, арадуудые илахын тула.

Псалманууд 37:15

Огто дуулахагүй, харюусажа шадахагүй хүн шэнги болооб.