Эстээр 9:15 - Библи

¹⁵ Еврей литээр адаар гэдэг һарын арбан дүрбэндэ ниислэл хото Сүүзэдэ ажаһуудаг иудейнүүд дахин суглараад, үшөө гурбан зуун дайсадаа алаба, гэбэшье эд зөөридэнь гар хүрөөгүй бэлэй.

Эстээр 9:15 ပူးပေါင်းရင်းမြစ်များ

Эстээр 8:11

Хаанай нэрээр бүтээгдэһэн энэ зарлигай ёһоор бүхы хотонуудаар ажаһуугааша иудейнүүд сугларжа, өөһэдыгөө хамгаалха эрхэтэй болобо. Энэ юун бэ гэбэл, хэрбээ ямар нэгэн угсаатанай гү, али нютаг можын зоной иудейнүүдые дайража, эхэнэр, хүүгэдтэ добтолжо, эд зөөрииень буляажа абахаяа һанаа һаань, иудейнүүд мүн лэ тэдээндэ добтолжо, бүхы зонииень алажа усадхаад, эд зөөрииень олзолхо эрхэтэй болоо бэлэй.

Эстээр 9:12

Хаан Эстээртэ: – Мүнөөдэр иудейнүүд ниислэл хото Сүүзэдэ табан зуун хүниие, тэрэ тоодо Һамаанай арбан хүбүүдые алаа. Бусад можо нютагуудаар юу хээ гээшэб! Ши мүнөө үшөө ямар гуйлтатайбши? Гуйһан юумыешни сүм дүүргэхэб. Шамда үшөө юун хэрэгтэйб? Хүсэһэн лэ юумыешни бэелүүлхэб, – гэбэ.

Эстээр 9:13

– Агууехэ хаанай зүбшөөгөө һаа, үглөөдэр Сүүзэдэ иудейнүүд дайсадаа мүн лэ элирүүлэн хюдаха эрхэтэй байг лэ. Тиихэдэ Һамаанай арбан хүбүүдэй хүрэг бэенүүдые баханада үлгэг лэ, – гэжэ Эстээр хэлэбэ.

Эстээр 9:14

Хаан энээниие зүбшөөжэ, Сүүзэдэ зарлиг тараагдаба. Һамаанай арбан хүбүүдэй бэенүүд баханада үлгэгдэбэ.

Эстээр 9:16

Еврей литээр адаар гэдэг һарын арбан гурбанда бусад можо нютагуудай иудейнүүд мүн лэ сугларжа, дайсадһаа бэеэ аршалан, далан таба мянган хүниие алан усадхаба, харин эд зөөридэнь гар хүрөөгүй бэлэй. Тиигээд үглөөдэрынь, арбан дүрбэндэ, тэдэ амаржа, найр наада дэлгэн, баясан сэнгэн байба.

Эстээр 9:2

Иигэжэ Ахашвероош хаанай мэдэлэй Перс, Мидиин улас түрын бүхы нютаг можонуудаар ажаһуугша иудейнүүд хотонуудаар сугларжа, добтологшо дайсадтаа харюу үгэхөөр бэлэн болобо. Ондоо үндэһэ яһатан иудейнүүдһээ айһан ушарһаа урдаһаань эсэргүүсэхэеэ зүрхэлбэгүй.

Фессалоникиинхидтэ 1-дэхи 5:22

Элдэб гэмтэ ябадалнуудые хэнгүй байхые хэшээгты.

Еврейнүүдтэ 13:5

Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.